ఈ క్రేజీ డిజైన్ ఆల్ఫా రోమియో కార్లను ఎప్పుడైనా చూశారా?

ఈ మూడు కాన్సెప్ట్ కార్లను ఒక యూనిట్‌గా ప్రజెంట్ చేశారు. ఈ కార్లను 1953, 1954 మరియు 1955 సంవత్సరాలలో తయారు చేశారు. వేలంలో ఈ మూడు కార్లు అత్యధికంగా బిడ్ చేయబడ్డాయి. వీటి కోసం గరిష్టంగా 14.84 మిలియన్ డాలర్ల మొత్తంలో బిడ్డింగ్స్ వచ్చాయి.

గత 1950వ దశకంలో, ఇటాలియన్ కార్ బ్రాండ్ ఆల్ఫా రోమియో బెర్లినా ఏరోడినామికా టెక్నికా (B.A.T.) అనే పేరుతో ఈ మూడు కాన్సెప్ట్ కార్లను తయారు చేసింది. వీటి పేర్లు కూడా చాలా సింపుల్‌గా ఉంటాయి, వీటిని బెర్టోన్ డిజైన్ చేశారు. ఈ కార్లను BAT 5, 7 మరియు 9డి అని పిలుస్తారు.

MOST READ:ప్రభుత్వ ఉద్యోగులకు జాక్‌పాట్.. మహీంద్రా నుండి స్పెషల్ ఆఫర్స్..

ఆర్‌ఎమ్ సోథెబైస్ నిర్వహించిన వేలంలో ఈ మూడు కార్లు 14,840,000 డాలర్ల ధర పలికాయి, వీటిని ఒకే లాట్‌గా మాత్రమే విక్రయించాలని ఆక్షన్ సంస్థ నిర్ణయించింది. ఇవి ఇప్పుడు ప్రపంచంలో అత్యంత ఖరీదైన ఆల్ఫా రోమియో కార్లుగా నిలిచాయి. మరో విధంగా చెప్పాలంటే, ఈ కార్ల ధర దాదాపు 200 యూనిట్ల ఆల్ఫా రోమియో గియులియా క్వాడ్రిఫోగ్లియో మోడళ్ల ధరతో సమానం.

కొద్ది రోజుల క్రితం న్యూయార్క్‌లో జరిగిన సోథెబైస్ కాంటెంపరరీ ఆర్ట్ ఈవినింగ్ వేలంలో ఈ అమ్మకం జరిగింది. ఈ వేలం కోసం న్యూయార్క్, లండన్ మరియు హాంకాంగ్ నుండి వచ్చిన కొందరు ప్రముఖులు బిడ్డింగ్స్ వేసినట్లు ఆర్ఎమ్ సోథెబైస్ వెల్లడించింది.

MOST READ:భారత మార్కెట్లో టాటా హారియర్ క్యామో ఎడిషన్ లాంచ్ : ధర & ఇతర వివరాలు

ఈ మూడు బ్యాట్ ఆల్ఫా రోమియో కాన్సెప్ట్ మోడళ్లు ఏరోడైనమిక్‌గా సమర్థవంతంగా రూపొందించబడ్డాయి, ముందుగా 1953లో BAT 5 (బూడిద రంగులో ఉండే కారు)ను తయారు చేశారు. ఆ తర్వాత 1954లో BAT 7 (నీలం రంగులో ఉన్న కారు)ను మరియు 1955లో BAT 9d (వెండి రంగులో ఉండే కారు)ను తయారు చేశారు.