ఇప్పుడు సైకిల్ & ఎలక్ట్రిక్ వెహికల్ రూట్స్ కోసం ఆపిల్ మ్యాప్

స్మార్ట్ ఫోన్ తయారీ సంస్థ ఆపిల్ ఈ విషయంలో ఇంకో అడుగు ముందుకు వేసింది. ఎలక్ట్రిక్ వాహనాలు మరియు సైకిళ్లకు అంకితమైన ప్రత్యేక ట్రాక్‌ల ఇన్పర్మేషన్ ఇప్పుడు ఐఫోన్‌లలో అందిస్తోంది. ఇది ఆపిల్ మ్యాప్‌లో సైకిల్ ట్రాక్‌లను చూడటం మరింత సులభం చేస్తుంది. సైక్లిస్టులు ఈ మ్యాప్ ద్వారా తమ నగరంలో సైక్లింగ్ కోసం రూపొందించిన ప్రత్యేక ట్రాక్‌లను కనుగొనవచ్చు.

ఈ ఫీచర్ ఆపిల్ యొక్క iOS 14 లో అందించబడుతుంది. ఈ నవీకరణ కొద్ది రోజుల్లో జారీ చేయబడుతుంది. అదనంగా మీరు ఎలక్ట్రిక్ వాహనాలకు అంకితమైన ప్రత్యేక ట్రాక్ లేదా రహదారి గురించి సమాచారాన్ని పొందవచ్చు.

ఎలక్ట్రిక్ వాహనాల ఛార్జింగ్ స్టేషన్, సర్వీస్ సెంటర్ మరియు బ్యాటరీ ఎక్చేంజ్ సెంటర్ వంటి సమాచారాన్ని కూడా ఈ మ్యాప్ ద్వారా పొందవచ్చు. సాధారణంగా ఎలక్ట్రిక్ వాహనాలను ఉపయోగించే వ్యక్తులు తమ వాహనాలను ఛార్జ్ చేయడం గురించి ఆందోళన చెందుతారు. ఎందుకంటే ఛార్జింగ్ స్టేషన్లు ఎక్కడ ఉన్నాయో కనుక్కోవడం వాహనదారులకు కొంత కష్టతరమైన విషయం.

ఈ మ్యాప్‌లో ఛార్జింగ్ స్టేషన్‌ సమాచారం గురించి కూడా తెలుసుకోవచ్చు. మ్యాప్ రూటింగ్ వాడకాన్ని సులభతరం చేయడానికి ఆపిల్ బిఎమ్‌డబ్ల్యూ మరియు ఫోర్డ్‌తో భాగస్వామ్యం కుదుర్చుకుంది.

రాబోయే రోజుల్లో ఆపిల్ మిగిలిన కార్ల తయారీదారులతో భాగస్వామ్యం కుదుర్చుకునే అవకాశం ఉంది. ఈ మ్యాప్‌లో ట్రాఫిక్ జామ్ ఉన్న మార్గాలకు బదులుగా ప్రత్యామ్నాయ మార్గాలను ఎంచుకోవడానికి కూడా చాలా అనుకూలంగా ఉంటుంది.

సైకిల్ ట్రాక్‌లు ఆపిల్ మ్యాప్‌లో చేర్చబడ్డాయి. ఈ ప్రత్యేకమైన ఫీచర్ కోసం ప్రజలు చాలా రోజులుగా ఎదురు చూస్తున్నారు. ఈ ఫీచర్ సైక్లిస్టులకు ఎంతో ప్రయోజనం చేకూరుస్తుంది. ఈ మ్యాప్ ద్వారా సైకిల్ రూట్స్ వంటివి తెలుసుకోవడం మరియు ఛార్జింగ్ స్టేషన్లు కనిపెట్టడం కూడా చాలా సులభతరం అవుతుంది.