ఇకపై యాపిల్ ఐఫోన్లతో డ్రైవింగ్‌లో టెక్స్టింగ్ చేయటం కుదరదు!

వాహనానికి ఎలాంటి మోడిఫికేషన్లు లేదా అదనపు పరికరాలను జోడించనవసరం లేకుండా, చేతిలో ఇమిడే కంప్యూటింగ్ డివైజ్ ద్వారా ఈ లాక్-అవుట్ మెకానిజం సాధ్యమవుతుందని పేటెంట్‌లో పేర్కొన్నారు.

ఈ డివైజ్ మోషన్ అనలైజర్ (కదలికను అంచనా వేయటం), సీనరీ అనలైజర్ (పరిసరాలను అంచనా వేయటం) మరియు లాక్-అవుట్ మెకానిజంల కలయికతో పనిచేస్తుంది.

ఇందులో మోషన్ అనలైజర్ ద్వారా ఫోన్ డ్రైవర్ చేతిలో ఉన్నప్పుడు అతను ఎంత వేగంతో చలనంలో ఉన్నాడనే విషయాన్ని అంచనా వేసి, ఆ వేగం ఫోనులో నిర్దేశిత వేగం కంటే ఎక్కువగా ఉందా అనే అంశాన్ని పరిగణలోకి తీసుకొని పనిచేస్తుంది.

అలాగే ఇందులోని సీనరీ అనలైజర్ ద్వారా ఫోన్‌ను కలిగి ఉన్న డ్రైవర్ తన వాహనం సురక్షితమైన ప్రదేశంలో ఉందా లేదా అనే విషయాన్ని పరిశీలించి దానికి అనుగుణంగా పనిచేస్తుంది.

ఇకపోతే లాక్-అవుట్ మెకానిజం అనేది పై రెండింటి (మోషన్ అనలైజర్, సీనరీ అనలైజర్) నుంచి వచ్చే సమాచారానికి లోబడి పనిచేస్తుంది. మోషన్ అనలైజర్ ద్వారా ఫోన్‌ను కలిగి ఉన్న వ్యక్తి నిర్దేశిత వేగం కన్నా ఎక్కువ వేగంతో గమనంలో ఉన్నప్పుడు ఫోన్‌లో ఒకటి లేదా మరిన్ని ఫంక్షన్లను పనిచేయకుండా చేయటం అలాగే సీనరీ అనలైజర్ ద్వారా వాహనం సురక్షిత ప్రదేశంలో ఉన్నప్పుడు ఫోన్‌లో ఒకటి లేదా మరిన్ని ఫంక్షన్లను పనిచేసేలా చేసేందుకు ఈ లాక్-అవుట్ మెకానిజం సహకరిస్తుంది.