కంటైనర్ పడటంతో అప్పడమైన కారు, ప్రయాణికులు సేఫ్

ఈ యాక్సిడెంట్ చైనా దేశంలో జరిగింది. చైనాలోని ఓ షిప్పింగ్ హార్బర్‌లో కంటైనర్లను లోడ్ చేస్తుండగా, ప్రమాదవశాత్తూ ఈ భారీ కంటైనర్ క్రేన్ నుంచి జారిపోయి, కంటైనర్ క్రింద రోడ్డుపై వెళ్తున్న ఓ ఆడి కారుపై పడింది.

ఆ సమయంలో ఆడి కారులో ఓ డ్రైవర్, కో ప్యాసింజ్ ఉన్నారు. ఒక్కసారిగా ఈ కంటైనర్ కారుపై పడటంతో కారు అప్పడంలా అణిగిపోయింది. ఆ సమయంలో అక్కడున్న వారంతో కారులోని ఇద్దరు బ్రతికే అవకాశం లేదని కంగారుపడిపోయారు.

అయితే, అదృష్టవశాత్తు ఆ ఇద్దరు చిన్నపాటి గాయాలతో బ్రతికి బయటపడటం చూసి అక్కడున్న వాళ్లంతా అవాక్కయారు. వెంటనే వారిని స్థానిక ఆస్పత్రికి తీసుకువెళ్లి గాయాలకు చికిత్స చేయించారు.

వారికి తగిలిన గాయాలు కూడా ప్రాణాలకు హాని కలిగించేవి కావని, అతి కొద్ది రోజుల్లోనే ఇవి నయమవుతాయని అక్కడున్న వైద్యులు స్థానిక మీడియాకు తెలిపారు.

కానీ ఈ ప్రమాదంలో ఆడి లగ్జరీ కారు మాత్రం నుజ్జు నుజ్జుయిపోయింది. కంటైనర్ పడటంతోనే అప్రమత్తమైన కారులోని ఇద్దరు కారు అడుగు భాగానికి చేరుకున్నట్లు తెలుస్తోంది. అందుకే వారు చిన్నపాటి గాయాలతో బయటపడగలిగారు.