పెట్రోల్‌ స్టేషన్‌లోకి వచ్చిన CNG బైక్‌.. మొత్తం విప్పి చూశారు.. ఆశ్చర్య పోతున్న జనాలు!!

ప్రపంచంలోనే తొలి సీఎన్‌జీ బైక్‌ని బజాజ్ ఆటో తీసుకువచ్చింది. ప్రస్తుతం ఈ బైక్‌కి సంబంధించిన పెట్రోల్‌ లేదా సీఎన్‌జీ రీఫిల్లింగ్‌ విజువల్స్‌ వైరల్ అవుతున్నాయి. తొలి సీఎన్‌జీ బైక్‌తో బజాజ్ ఇటీవల భారతదేశం మొత్తం గర్వపడేలా చేసింది. ఇది కేవలం భారతదేశంలోనే కాకుండా ప్రపంచంలోనే మొట్టమొదటి CNG బైక్ కావడంతో జనాలు ఈ బైక్‌ని కొనేందుకు ఆసక్తి కనబరుస్తున్నారు. పెట్రోల్‌కి బదులు కంప్రెస్డ్ నేచురల్ గ్యాస్ (CNG)తో నడిచే బైక్‌ని డెవలప్ చేసి ఫ్రీడమ్ 125 పేరుతో దీనిని పరిచయం చేసింది. ప్రస్తుతం మహారాష్ట్ర, గుజరాత్‌ రాష్ట్రాల్లో ఈ బైక్‌ బుకింగ్స్‌ కొనసాగుతున్నాయి. ఈ బైక్‌ బుకింగ్స్‌ హాట్‌ కేకుల్లా సాగుతున్నాయని అంటున్నారు.

దేశంలోని ఇతర ప్రాంతాల్లో డెలివరీ ఇంకా ప్రారంభం కాలేదు. అందుకే దీని రాక పూర్తి స్థాయిలో ఆలస్యం అవుతుంది. కానీ కొన్ని బజాజ్ ఫ్రీడమ్ 125 బైక్‌లు ఒపీనియన్ పోల్స్ ఇప్పుడిప్పుడే బయటకు వస్తున్నాయి. సోషల్ మీడియాలో ఈ బైక్‌పై పలు రకాలుగా జనాలు స్పందిస్తున్నారు. ప్రస్తుతం పూర్తి స్థాయిలో పబ్లిక్ రోడ్లపైకి వచ్చాయి. ఈ బైక్‌ని క్షుణ్ణంగా పరిశీలిస్తే ఇతర బైక్‌లకు ఫ్రీడమ్ 125 మధ్య పెద్ద తేడా లేదు. ముఖ్యంగా ఇది బజాజ్ ప్లాటినాను పోలి ఉంటుంది.

ఫ్రీడమ్ 125ని చూసే సాధారణ ప్రజలకు ఈ బైక్‌కి మధ్య తేడాలను గుర్తించండం కష్టం. ఇతర బైకర్లు పెట్రోల్ నింపడానికి క్యూలో నిలబడి ఉండగా ఫ్రీడమ్ 125 బైక్‌పై ఉన్నవారు పెట్రోల్ స్టేషన్‌లోని CNG ఫిల్లింగ్ ప్రాంతం వైపు వెళుతున్నట్లు గమనించవచ్చు. ఈ సన్నివేశం ఇప్పుడు ఇంటర్నెట్‌లో వైరల్‌ అవుతుంది. ప్రస్తుతం ఇది చాలా మంది దృష్టిని ఆకర్షించింది.

పూణెలోని ఓ ఫిల్లింగ్‌ స్టేషన్‌లో బైక్‌ని నిశితంగా పరిశీలించారు. ఆ బైక్‌ ముందుగా స్టేషన్‌లోని సీఎన్‌జీ ఫిల్లింగ్‌ స్టేషన్‌ని వైపు వెళ్తుండగానే జనం నవ్వడం మొదలుపెట్టారు. అది అక్కడకు ఎందుకు వెళ్తుందో తెలియక ఒకరి మొహాలు ఒకరు చూసుకున్నారు. బజాజ్ తయారు చేసిన భారతదేశపు మొట్టమొదటి CNG బైక్ ఇదే అని తర్వాత వారు గమనించి బైక్‌ని పూర్తి పరిశీలించారు.

సామాన్యుల మధ్యలోకి బైక్‌ రావడం ఇదే తొలిసారి కావడం విశేషం. దీంతో జనాలు ఈ బైక్‌ని చూసేందుకు ఎగబడ్డారు. ముందుగా CNG ఫిల్లింగ్ ట్యూబ్ ద్వారా బైక్‌లోకి CNGని నింపారు. CNG ఫిల్లింగ్ సిబ్బందితో సహా ప్రేక్షకులు ఈ బైక్ ఎలా పని చేస్తుంది? CNG ట్యాంక్ ఎక్కడ ఉంది? అంటూ ప్రశ్నల వర్షం కురిపిస్తున్నారు. తర్వాత బైక్ సీటు తీసేసి కింద ఉన్న సీఎన్‌జీ ట్యాంక్‌ని పరిశీలించారు.

చుట్టుపక్కల వాళ్లంతా ఆశ్చర్యపోవడం వీడియోలో చూడవచ్చు. సీఎన్‌జీ నింపేటప్పుడు బైక్‌కు దూరంగా నిలబడమని ఎవరూ చెప్పలేదు. అయితే అలాంటి సమయాల్లో కొన్ని అడుగుల దూరంలో నిలబడటం మంచిదని వారు మాట్లాడుకున్నారు. CNGతో నడిచే కార్లలో అన్ని కిటికీలు మూసి ఉంచినప్పుడు CNG గ్యాస్ వాసన గ్రహించవచ్చు. అయితే ఇది ఓపెన్‌లో ఉండడంతో ఈ సీఎన్‌జీ బైక్‌కు అలాంటి వాసన రాదని వీడియో పోస్ట్ చేసిన వారు తెలిపారు.

బజాజ్ ఫ్రీడమ్ 125 బైక్ మార్కెట్‌లో హిట్ అవుతుందా లేదా అనేది విషయం కోసం పూర్తి స్థాయిలో ఎదురు చూడాలి. అయితే ఇది భారతీయ 2-వీలర్ మార్కెట్‌లో భారీ మార్పును తీసుకురావడం ఖాయమని కొందరు అంటున్నారు. బజాజ్ ఫ్రీడమ్ 125 బైక్‌లోని మరో విశేషం ఏమిటంటే, ఈ బైక్‌ను అవసరమైతే పెట్రోల్‌తో కూడా నడపవచ్చు. రెండు ఇంజిన్‌ ఆప్షన్‌లో 330 కి.మీ మైలేజీ ఇస్తుంది.

ఈ బైక్‌ డ్రమ్, డ్రమ్ LED, డిస్క్‌ LED అనే 3 వేరియంట్‌లో లభిస్తుంది. వీటి ధరలు వరుసగా 95,000, ధర 1.05 లక్షలు, 1.10 లక్షలు (ఎక్స్‌-షోరూమ్‌)గా ఉన్నాయి. ఈ బైక్‌ మొత్తం ఏడు కలర్‌ ఆప్షన్స్‌లో బజాజ్‌ ప్రవేశ పెట్టింది. ఈ బైక్‌ని 11 రకాల సేఫ్టీ టెస్ట్‌లను నిర్వహించారు. అన్ని పరీక్షల్లోనూ ఈ బైక్ పాస్‌ అయ్యింది.