Just In
- 11 hrs ago గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- 12 hrs ago 5 రూపాయల గొడవ.. చిర్రెత్తి సోషల్ మీడియాలో పోస్ట్ చేసిన ప్రయాణికుడు.. అసలేం జరిగిందంటే.!!
- 14 hrs ago జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- 17 hrs ago జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
Don't Miss
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Movies డైరెక్టర్లకు అమ్మాయిలను సప్లై.. సీనియర్ ఆర్టిస్ట్ చీకటి కోణం వెనుక వాస్తవం అదేనట!
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
కోట్లు ఖరీదు చేసే లాంబోర్ఘిని కారుతో మరో కాస్ట్లీ కారును ఢీకొట్టిన 10 ఏళ్ల బాలుడు!
కార్లంటే ఎవరికి ఇష్టం ఉండదు చెప్పండి? చిన్న పిల్లల నుంచి వృద్ధుల వరకు కారు అంటే ఓ సరదా. అందులోనూ కొత్త కారును చూసినప్పుడు అందులో ప్రయాణించాలని లేదా దానిని నడపాలని అనిపిస్తుంది. అయితే, ఈ సరదా ఒక్కోసారి మనల్ని చిక్కుల్లో పడేస్తుంది. ఖరీదైన లాంబోర్గినీ కారుని చూసి, ఆగలేని ఓ రిచ్ సెలబ్రిటీ కిడ్, దాని యాక్సిలరేటర్ పెడల్ పై కాలు వేశాడు, అంతే క్షణాల్లో అది రయ్యిమంటూ దూసుకుపోయి మరొక ఖరీదైన కారును గుద్దుకుంది.
వివరాల్లోకి వెళితే హాలీవుడ్ నటుడు, దర్శకుడు మరియు రచయిత అయిన బెన్ అఫ్లెక్ యొక్క 10 ఏళ్ల కుమారుడు శామ్యూల్ గార్నర్ అఫ్లెక్ను అతని భార్య జెన్నిఫర్ లోపెజ్తో కలిసి కారు డీలర్షిప్కి తీసుకెళ్లారు. ఈ సమయంలో, డీలర్ షాపు వద్ద కార్లను చూడటానికి వెళ్లిన బెన్ అఫ్లెక్ తన కొడుకు మరియు భార్యను కారులో వదిలి వెళ్ళాడు. ఆ సమయంలో శామ్యూల్ చేసిన పనికి అక్కడ ఉన్న వారంతా ఒక్కసారిగా ఉలిక్కి పడ్డారు.
లాంబోర్గినీ ఉరుస్ కారు డ్రైవర్ సీటులోకి వెళ్లిన బెన్ కుమారుడు శామ్యూల్ రివర్స్ గేర్ వేసి వాహనాన్ని వెనక్కి తిప్పాడు. దీంతో అది వెనుక ఆగి ఉన్న బీఎండబ్ల్యూ కారును ఢీకొట్టింది. అదృష్టవశాత్తు ఈ సమయంలో ఎవ్వరికీ గాయాలు కాలేదు మరియు ప్రమాదంలో ఎక్కువ ఆస్తి నష్టం కూడా జరగలేదు. బెవర్లీ హిల్స్ లగ్జరీ కార్ రెంటల్ డీలర్షిప్ - 777 ఎక్సోటిక్స్ వద్ద ఈ సంఘటన జరిగింది.
బెన్ అఫ్లెక్ తన కొడుకు శామ్యూల్ను లంబోర్ఘిని ఉరస్లో విడిచిపెట్టి వేర్వేరు కార్లను చూస్తున్నాడు. ఆ సమయంలో అతని తల్లి కూడా కారులో కుమారుడితో పాటు ఉంది. అయితే, ఆమె తన కుమారుడు నిజంగా కారు ఆన్ చేస్తాడని ఆమె ఊహించలేదు. ఘటన జరిగిన తర్వాత భయాందోళనకు గురైన బాలుడు కారు నుండి దిగిపోయాడు. ఆ సమయంలో బెన్ తన కుమారుడిని దగ్గరకు తీసుకుని ఒదారుస్తున్న ఫొటోలు ఇప్పుడు ఇంటర్నెట్ లో వైరల్ అయ్యాయి.
ఈ ప్రమాదంలో ఎలాంటి నష్టం జరగలేదని బెన్ ప్రతినిధి ఒకరు తెలిపారు. స్థానిక సమాచారం ప్రకారం, ఇంజన్ ఆన్ లో ఉన్న సమయంలో శామ్యూల్ డ్రైవర్ సీటులోకి ఎక్కి వాహనం రివర్స్ గేర్లోకి నెట్టాడు, అది పార్కింగ్ స్థలంలో ఉన్న బిఎమ్డబ్ల్యూ కారుని గుద్దుకొని, దానిని కొద్ది దూరం ముందుకు నెట్టింది. ఈ ఘటన పై 777 ఎక్సోటిక్స్ డీలర్షిప్ ఉద్యోగి స్పందిస్తూ.. శామ్యూల్ కారు ఎక్కగానే అది అటు ఇటు కదులుతోంది. పార్కింగ్ స్థలంలో కార్లు ఒకదానికొకటి దగ్గరగా పార్క్ చేయడమే ఈ సంఘటనకు కారణం. బెన్ అఫ్లెక్కి కార్లంటే చాలా ఇష్టం. కొత్త కార్లు వచ్చినప్పుడల్లా అతను ఇక్కడకు వచ్చి వాటిని సందర్శిస్తాడని చెప్పారు.
లాంబోర్గినీ ఉరుస్ ప్రపంచవ్యాప్తంగా అత్యంత ప్రాచుర్యం పొందిన మరియు వేగంగా అమ్ముడవుతున్న ఇటాలియన్ స్పోర్ట్స్ ఎస్యూవీ. భారత మార్కెట్లో ఈ కారు ధర ఎక్స్-షోరూమ్ సుమారు మూడు కోట్ల రూపాయల నుండి నాలుగు కోట్ల రూపాయల వరకూ ఉంటుంది. మన టాలీవుడ్ లో హీరో ఎన్టీఆర్ కూడా ఇలాంటి ఓ కారును కొనుగోలు చేశారు. సెలబ్రిటీలు సైతం ఎక్కువగా ఇష్టపడే పెర్ఫార్మెన్స్ కారు ఇది. లాంబోర్గిని ఉరుస్ పనితీరుతో పాటుగా మంచి లగ్జరీని కూడా అందిస్తుంది.
ఈ కారు డిజైన్ లంబోర్ఘిని హురాకాన్ సూపర్ కార్ నుండి ప్రేరణ పొందింది. లంబోర్ఘిని ఉరుస్ 21 ఇంచెస్ అల్లాయ్ వీల్స్, 22 మరియు 23 ఇంచెస్ అల్లాయ్ వీల్స్ ఆప్సన్ లో కూడా అందుబాటులో ఉంటుంది. ఈ ఎస్యూవీ లో శక్తివంతమైన 4-లీటర్ ట్విన్-టర్బో వి 8 ఇంజన్ ఉంటుంది. ఇది 6,000 ఆర్పిఎమ్ వద్ద 650 బిహెచ్పి పవర్ మరియు 2,250 ఆర్పిఎమ్ వద్ద 850 ఎన్ఎమ్ టార్క్ ఉత్పత్తి చేస్తుంది. ఈ కారు కేవలం 3.6 సెకన్లలో 0 నుంచి 100 కిలోమీటర్ల వరకు వేగవంతం అవుతుంది. అలాగే, 12.8 సెకన్లలో 0 నుంచి 200 కిలోమీటర్ల వేగాన్ని పుంజుకుంటుంది.