Just In
- 11 min ago ప్రతి 14 నిమిషాలకు ఓ కారు మాయం.. అత్యధికంగా కార్లు చోరీ అయ్యేది ఈ నగరాల్లోనే.!!
- 2 hrs ago వయసు కేవలం నెంబర్ మాత్రమే!.. ఎందుకో వీడియో చూస్తే తెలుస్తుంది
- 2 hrs ago మితిమీరిన అభిమానం.. ఫ్యాన్స్ అత్యుత్సాహానికి విజయ్ కారు అద్దాలు ధ్వంసం, వీడియో వైరల్
- 4 hrs ago Ampere Nexus కశ్మీర్ టు కన్యాకుమారి 10,000 కి.మీ టెస్ట్ రైడ్ సక్సెస్.. ఇక ప్రత్యర్థి కంపెనీలకు వణుకే.!!
Don't Miss
- Lifestyle శరీరంలో ఈ భాగాల్లో వాపు కనబడుతుంటే, పక్కా మీ లివర్ డ్యామేజ్ అయ్యిందని అర్థం..!హెచ్చరిక
- News మోదీ మీద మాజీ సీఎం తిరుగుబాటు ?, రివర్స్ గేర్ వేస్తున్న సిట్టింగ్ సీఎం, ఏం జరుగుతుందో ?
- Technology Lava నుంచి కొత్త స్మార్ట్ ఫోన్! మార్చి 22 న లాంచ్,టీజర్ విడుదలైంది
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
- Movies ఎమ్మెల్యేను, ఎంపీని ప్రశ్నించగలరా? రైతుబిడ్డను నిలదీస్తారా? హీరో శివాజీ ఫైర్
- Sports Shreyanka Patil: ఆటతోనే కాదు..అందంతోనూ క్లీన్ బౌల్డే!
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
మానవత్వం మరచిన కారు డ్రైవర్.. 5 కి.మీ అంబులెన్స్కు అంతరాయం[వీడియో]
భారతదేశంలో రోజురోజుకి రోడ్డు ప్రమాదాల సంఖ్య విపరీతంగా పెరుగుతోంది. ఈ ప్రమాదాల కారణంగా ఎంతోమంది మృత్యువాత పడుతున్నారు. అయితే దీనిని దృష్టిలో ఉంచుకుని ప్రభుత్వం కఠినమైన మోటార్ వాహన చట్టాన్ని అమలుచేసింది. ఈ మోటార్ వాహన చట్టం ప్రకారం అమలులోకి వచ్చిన నియమాలను వాహనదారులు తప్పకుండా పాటించాలి. లేకుంటే తగిన శిక్షలు అనుభవించాల్సి వస్తుంది.
కొత్తగా అమలులోకి వచ్చిన మోటార్ వాహన చట్టం నియమాల కింద, అత్యవసర సేవలను అందించే వాహనాలకు ఇతర వాహనదారులు అంతరాయం కలిగించకూడదు. అయితే అత్యవసర సేవలను అందించే వాహనాలకు అంతరాయం కలిగించే వాహనదారులపై ఎమర్జెన్సీ సర్వీసులపై కఠిన చర్యలు తీసుకుంటారు. గతంలో కూడా దీనికి సంబంధించిన చాలా కేసులు వెలుగులోకి వచ్చాయి. అయితే ఇప్పుడు కూడా ఇలాంటి సంఘటన ఒకటి వెలుగులోకి వచ్చింది.
నివేదికల ప్రకారం, ఒక Toyota Innova Crysta (టయోటా ఇన్నోవా క్రిస్టా) ఒక కార్డియాలజిస్ట్ను ఆసుపత్రికి తీసుకువెళుతున్న అంబులెన్స్ కి దాదాపు 5 కిలోమీటర్లు అంతరాయం కలిగించినట్లు తెలిసింది. అయితే Toyota Innova Crysta యజమానిపై చర్య తీసుకోవడంలో అధికారులు నిర్లక్యం చేసినట్లు ఆరోపించబడింది.
భారతదేశంలో ఎమర్జెన్సీ వాహనాలైన అంబులెన్స్లు మరియు ఫైర్ ఇంజన్లకు అంతరాయం కలిగించడం చట్ట విరుద్ధం. కానీ కేరళలోని కొల్లం జిల్లాలో ఒక అంబులెన్స్కి దాదాపు 5 కిలోమీటర్ల వరకు దారి ఇవ్వకుండా, అంతరాయం కలిగించిన Toyota Innova Crysta కారు డ్రైవర్ పై పోలీసులు ఎలాంటి చర్యలు తీసుకోలేదు. Toyota Innova Crysta అంబులెన్స్కు అంతరాయం కలిగించే వీడియోను ఆసియా నెట్ న్యూస్ యూట్యూబ్ ఛానెల్లో పోస్ట్ చేశారు.
ఈ వీడియోలో మీరు గమనించినట్లైతే, ఒక తెల్లటి టయోటా ఇన్నోవా కారు మినహా అన్ని వాహనాలను అంబులెన్స్ వెళ్ళడానికి దారి ఇవ్వడం చూడవచ్చు. ఈ కారు అంబులెన్స్ వెళ్లాల్సిన స్థలంలో ముందుకు కదులుతోంది. ఇన్నోవా కారు డ్రైవర్ రోగి పరిస్థితిని తెలుసుకోకుండా సుమారు 5 కిలోమీటర్ల వరకు అంబులెన్స్ ని ముందుకు వెళ్లనివ్వలేదు. ఇది నిజంగా అమానుషమైన చర్య.
అంబులెన్స్ వాహనాలకు అంతరాయం కలిగించే వారు ఎంతటి వారైనా ఖచ్చితంగా జరిమానా విధించబడుతుంది. ఈ వీడియోలోని కారు వెనుక విండో గ్లాస్ స్క్రీన్ కలిగి ఉంది. కావున కారులో ఎవరున్నారో అనేది స్పష్టంగా కనిపించదు. ఈ విధమైన స్క్రీన్ లేదా సన్ ఫిల్మ్ ఉపయోగించడం భారతదేశంలో చట్టవిరుద్ధం. కార్లలో ఇటువంటి సన్ స్క్రీన్ తొలగించాలని కోర్టులు ఇప్పటికే సంబంధిత శాఖలను ఆదేశించాయి.
ఈ వీడియోలో గమనించినట్లైతే ఈ ఇన్నోవా కారు రోడ్డు నియమాలను కూడా సరిగ్గా పాటించలేదు. ఇది రోడ్డుపై ఇష్టం వచ్చినట్లు వెళ్లడం కూడా గమనించవచ్చు. ఈ ఇన్నోవా కారును సంబంధిత RTO కార్యాలయం బ్లాక్ లిస్ట్ చేసింది. అయితే, రవాణా శాఖ లేదా పోలీసులు డ్రైవర్పై ఎలాంటి కేసును నివేదించలేదు. అక్కడి అధికారులు మరింత సమాచారం అందించడానికి కూడా నిరాకరిస్తున్నారు.
ఈ ఇన్నోవా కారు ఓనర్ ఎవరు అనే విషయాలు ఇంకా తెలియదు. మన దేశంలో ఇలాంటి సంఘటనలు కొత్తేమీ కాదు. గతంలో ఇలాంటి సంఘటనలు ఎన్నో జరిగాయి. సంబంధిత వీడియోలు సోషల్ నెట్వర్కింగ్లో వైరల్ అయిన వెంటనే, ప్రజలకు ఇబ్బంది కలిగించే వాహనదారులపై అధికారులు చర్యలు తీసుకున్నారు.
ఈ సందర్భంలో కూడా, అధికారులు తగిన చర్యలు తీసుకోవాలి మరియు అలాంటి సంఘటనలు మళ్ళీ పునరావృతం కాకుండా హెచ్చరించాలి. అలా కాకూండా వదిలేస్తే, దీనిని దృష్టిలో ఉంచుకుని చాలా మంది ఇతర వాహణదారులు ఇలాంటి చర్యలకు పాల్పడే అవకాశం ఉంటుంది.
ప్రస్తుతానికి ఇంకా ఇన్నోవా కారుపై ఎందుకు చర్యలు తీసుకోలేదు అనేది ఒక సమర్థవంతమైన ప్రశ్న. మన రాష్ట్రంలోని మంగళూరులో కొన్ని నెలల క్రితం, ఒక వ్యక్తి హైవేపై Maruti Suzuki Ertiga కారును తీసుకెళ్తున్న అంబులెన్స్ని అడ్డుకున్నాడు. ఈ ఘటనకు సంబంధించిన వీడియో వైరల్ అయింది.
అప్రమత్తమైన వెంటనే, మంగళూరు పోలీసులు అంబులెన్స్కు అంతరాయం కలిగించిన ఎర్టిగా డ్రైవర్పై చర్యలు తీసుకున్నారు. 2019 లో అమల్లోకి వచ్చే భారతీయ మోటార్ వాహన చట్టం కింద, అత్యవసర వాహనాలకు అంతరాయం కలిగించే వాహనదారులకు రూ. 10,000 జరిమానా విధించబడుతుంది. అయినప్పటికీ కూడా ఇంకా కొందరు అత్యవసర సేవా వాహనాలకు అంతరాయం కలిగిస్తూనే ఉన్నారు. ఇలాంటి సంఘటనలు పూర్తిగా తగ్గించడానికి కేవలం జరిమానాలు మాత్రమే సరిపోవు, ఇంకా కఠినమైన చర్యలు తీసుకోవాలి. అప్పుడే ఇలాంటి సంఘటనలు మళ్ళీ జరగకుండా చూడవచ్చు.
రోడ్డుపై ప్రయాణించే వాహనదారులు కూడా అత్యవసర వాహనాలను ముందుకు వెళ్ళడానికి సహకరించాలి. ఇది ప్రతి మనిషిలోని మానవత్వాన్ని తెలుపుతుంది. కావున వాహనదారులు తప్పకుండా దీనిని గుర్తుంచుకుని అమలు చేయడానికి సహకరించాలి.
Image Courtesy: asianetnews
NOTE: ఈ కథనంలో మొదటి 5 ఫోటోలు మినహా, మిగిలినవి కేవలం రిఫరెన్స్ కోసం మాత్రమే.