డోనాల్డ్ ట్రంప్ వాడిన కారు వేలంలో పాల్గొంటున్న ఇండియన్, ఎవరో తెలుసా ?

కేరళకు చెందిన బాబీ చెమ్మనూర్ అనే వ్యాపారవేత్త గురించి పెద్దగా పరిచయం అవసరం లేదా. బాబీ చెమ్మనూర్ నగల దుకాణాలు కలిగి ఉన్నారు. తన నగల షోరూమ్ ప్రారంభోత్సవం కోసం ఫుట్‌బాల్ లెజెండ్ దివంగత డియెగో మారడోనాను కేరళకు తీసుకువచ్చారన్న సంగతి ఇప్పటికీ ఎవరూ మరిచిపోలేదు.

బాబీ చెమ్మనూర్ ఇటీవల మెర్సిడెస్ బెంజ్ ఇక్యూసి ఎలక్ట్రిక్ కారును కొనుగోలు చేసినట్లు కూడా నివేదికల ద్వారా తెలిసింది. భారతదేశపు మొట్టమొదటి లగ్జరీ ఎలక్ట్రిక్ ఎస్‌యూవీ ఈ మెర్సిడెస్ బెంజ్ ఇక్యూసి. అంతే కాకుండా బాబీ చెమ్మనూర్ ప్రపంచంలో అత్యంత ఖరీదైన వాహనాలలో ఒకటైన రోల్స్ రాయిస్ కారును టాక్సీగా నడుపుతున్నాడు.

ఈ రకంగా బాబీ చెమ్మనూర్ పేరు వార్తల్లో నిలుస్తూ ఉంటుంది. ఇప్పుడు డొనాల్డ్ ట్రంప్ ఉపయోగించిన రోల్స్ రాయిస్ ఫాంటమ్‌ను వేలం వేసే ప్రయత్నంలో బాబీ చెమ్మనూర్ పాల్గొన్నాడు. డొనాల్డ్ ట్రంప్ రోల్స్ రాయిస్ ఫాంటమ్ వేలంలో పాల్గొంటున్నట్లు బాబీ చెమ్మనూర్ స్వయంగా తెలిపాడు. మా టెక్సాస్ కార్యాలయం ఇప్పటికే బిడ్‌లో పాల్గొనడానికి చొరవ తీసుకుంటుందని తెలిపాడు.

డోనాల్డ్ ట్రంప్ ఉపయోగించిన రోల్స్ రాయిస్ ఫాంటమ్ చాలా లగ్జరీ ఫీచర్స్ కలిగి ఉంది. ఇందులో థియేటర్ ప్యాకేజీ, స్టార్‌లైట్ హెడ్‌లైనర్ మరియు ఎలక్ట్రానిక్ కర్టెన్‌లు చాలా ముఖ్యమైనవి. ఈ కారు ఇప్పటికి మొత్తం 91,249 కిలోమీటర్లు ప్రయాణించింది.

డోనాల్డ్ ట్రంప్ ఉపయోగించిన రోల్స్ రాయిస్ ఫాంటమ్ 2010 మోడల్. రోల్స్ రాయిస్ కంపెనీ నిర్మించిన 2010 మోడల్ ఫాంటమ్ కారు ఇది, ఆ కాలంలో కంపెనీ తయారు చేసిన 537 కార్లలో ఒకటి. ఈ కారు మూల ధర సుమారు 3 కోట్ల రూపాయలు ఉంటుందని భావిస్తున్నాము.

అయితే వేలం ఎలా సాగుతుందనే విషయం గురించి సరైన సమాచారం తెలియదు. ప్రపంచవ్యాప్తంగా వున్నా చాలామంది కార్ ప్రేమికులు ఈ వేలంలో పాల్గొనే అవకాశం ఉంది. వీరిలో ఎవరు ఈ కారుని సొంతం చేసుకుంటారో కచ్చితంగా తెలియదు. ఇందులో పాల్గొన్న బాబీ చెమ్మనూర్ వేలంలో గెలుస్తారో, లేదో తెలియాలంటే కొంత వేచి చూడక తప్పదు.

బాబీ చెమ్మనూర్ కేవలం ఒక్క ఆటోమోటివ్ ప్రేమికుడు మాత్రమే కాదు, మంచి స్వభావం కలిగిన ఉదార ​​వ్యక్తిగా కూడా. అతను ఇప్పటికే చాలా సార్లు రక్తదానం కూడా చేసాడు. అంతే కాకుండా సమాజానికి మేలు చేసే కార్యక్రమాల్లో ఆయన క్రమం తప్పకుండా పాల్గొంటూ ఉంటారు.