లగ్జరీ కారుని కొనుగోలు చేసిన బాలీవుడ్‌ బ్యూటిఫుల్‌ కపుల్‌.. ఈ కారు చిన్నపాటి విడిదిళ్లు

రణ్‌బీర్‌ కపూర్, అలియా భట్ అత్యంత ఖరీదైన లగ్జరీ ఎంపీవీ కారుని కొనుగోలు చేశారు. ఈ చూడచక్కని జంట కారుకి సంబంధించిన విజువల్స్‌ ఇప్పుడు వైరల్ అవుతున్నాయి. ఆ జంట కొనుగోలు చేసిన కారు సంస్థ ఏంటి? దాని ధర ఎంత? ఆ లగ్జరీ కారులో ఉన్న ఫీచర్లు ఇతర అశాలు ఈ కథనంలో మీకు వివరించబోతున్నాం. ఈ బాలీవుడ్ సెలబ్రిటీ జంట ఇప్పటికే అత్యంత ఖరీదైన మరియు మరింత విలాసవంతమైన ఫీచర్లతో నిండిన లగ్జరీ కార్లను కలిగి ఉన్నారు. తాజాగా వారు మరో లగ్జరీ కారును వారి గ్యారేజీలో చేర్చుకున్నారు. ఈ కారుకి సంబంధించిన పూర్తి వివరాలు..

ఈ జంట తాజాగా లెక్సస్ LM లగ్జరీ ఎంపీవీ కారుని కొనుగోలు చేసింది. దీని ధర మార్కెట్‌లో రూ. 2.5 కోట్లకు పైగా ఉంది. వీరు ఎంచుకున్న కలర్‌ ఆప్షన్‌ సిల్వర్ కలర్. దీనికి 'MH 02 GG 2800' అనే ఫ్యాన్సీ నంబర్‌తో రిజిస్టర్‌ చేయించారు. ప్రస్తుతం ఈ స్టార్ కపుల్ ఆ కారును ఇంటికి తీసుకొచ్చిన వీడియో ఇప్పుడు ఇంటర్‌నెట్‌లో వైరల్‌గా మారింది.

వీరి లగ్జరీ కారు వీడియోను వరీందర్ చావ్లా అనే వ్యక్తి ఇన్‌స్టాగ్రామ్‌లో షేర్ చేశాడు. ఈ కారు టయోటా వెల్‌ఫైర్‌కి గట్టి పోటీనిస్తుంది. ఇది అధునాతన లగ్జరీ ఫీచర్లను కలిగి ఉంది. ఈ లెక్సస్ LM 350H మోడల్‌ వెల్‌ఫైర్‌ ఆపరేటింగ్ సిస్టమ్ ఆధారంగా అభివృద్ధి చేయబడింది. ఈ కారు డిజైన్ పరంగా భిన్నంగా ఉంటుంది.

ఈ కారులో హెక్సాగోనల్ ఆకారాలతో కూడిన పెద్ద ఫ్రంట్ గ్రిల్, సొగసైన డిజైన్ తో ఎల్ ఈడీ హెడ్ లైట్లు, బంపర్ పై నిలువుగా అమర్చిన ఎల్ ఈడీ ఫాగ్ ల్యాంప్స్ ఉన్నాయి. ఇది కాకుండా, ఈ కారులో ఎల్ఈడి డేటైమ్ రన్నింగ్ లైట్లు కూడా ఉంటాయి. లగ్జరీ ట్రావెల్ ఎక్స్ పీరియన్స్ ను అందించేందుకు ఈ కారు అనేక ప్రత్యేక ఫీచర్లను కలిగి ఉంది.

దీనిలో వెల్‌ఫైర్‌ మాదిరిగానే లాంగ్‌ జర్నీలో సేదా తీరవచ్చు. ఈ కారును 4, 7 సీట్ల ఆప్షన్లలో కొనుగోలు చేయవచ్చు. ఈ స్టార్ కపుల్ ఏ వెర్షన్‌ని ఎంచుకున్నారో తెలియరాలేదు. 4-సీటర్ వెర్షన్ వెనుక భాగంలో ఉత్తమ ప్రైవసీని అందిస్తుంది. దీని ప్రకారం డ్రైవర్ ప్రాంతం ప్యాసింజర్‌లును వేరు చేయడానికి మధ్యలో డిమ్మర్ గ్లాస్ ప్యానెల్ ఉంది. కస్టమర్ల అభిరుచికి తగినట్లుగా డిజైన్‌ చేయబడతుంది.

ఇందులో 48 ఇంచెస్‌ టీవీ, విమానాలను పోలిన రెక్లైనర్ సీట్లు, 23 స్పీకర్ మ్యూజిక్ సిస్టమ్, ఫోల్డబుల్ టేబుల్స్, హీటెడ్ ఆర్మ్రెస్ట్స్, ఓట్టోమెన్, వైర్లెస్ సెల్ ఫోన్ ఛార్జర్, ఫ్రిజ్, వెనుక భాగంలో గ్లోవ్ బాక్సులు, డిజిటల్ రియర్‌ వ్యూ మిర్రర్ తదితర ఫీచర్లు ఉన్నాయి. సేఫ్టీ పరంగా ఈ కారులో భారీ ఫీచర్లు ఉన్నాయి. ఇందులో ADAS టెక్నాలజీతో వస్తుంది.

లేన్ డిపార్చర్ వార్నింగ్, లేన్ ట్రేసింగ్ అసిస్ట్, ఆటోమేటిక్ హై బీమ్, బ్లైండ్ స్పాట్ మానిటర్, సేఫ్ ఎగ్జిట్ అసిస్టెన్స్ వంటి ఫీచర్లు ఈ కారులో ఉన్నాయి. LM 350H 2.5-లీటర్, 4-సిలిండర్, స్ట్రాంగ్ హైబ్రిడ్ పెట్రోల్ ఇంజిన్‌తో పనిచేస్తుంది. ఈ కారులో పెట్రోల్ ఇంజిన్ మరియు ఎలక్ట్రిక్ మోటార్ రెండూ ఉన్నాయి. ఇది సాధారణ పెట్రోల్ ఇంజిన్ల కంటే మరింత సమర్థవంతంగా పనిచేస్తుంది.

డ్రైవ్స్‌పార్క్ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.