విమాన ప్రయాణికులకు కొత్త విమానాన్ని పరిచయం చేసిన బాంబర్‌‌డైయర్

బాంబర్‌డైయర్ సంస్థ కెనడీయర్ రీజనల్ జెట్ విమానాలను కూడా తయారు చేసింది. వీటిని డెల్టా, అమెరికన్ ఎయిల్ లైన్స్, గరుడ మరియు చైనా ఎక్స్‌ప్రెస్ ఎయిర్ లైన్స్ వంటి వాటికి అందించింది.

అయితే ఇప్పుడు బాంబర్‌డైయర్ సంస్థ స్విస్ ఎయిర్ లైన్స్‌కు డెలివరీ ఇచ్చిన సిఎస్100 విమానం కెనడీయర్ రీజనల్ జెట్ కన్నా పెద్దగా సౌకర్యవంతంగా ఉంటుంది.

బాంబర్‌డైయర్ యొక్క సి-సిరీస్ కుటుంబానికి చెందిన న్యారో బాడీ, ట్విన్ ఇంజన్, మీడియం రేంజ్ జెట్ విమానాలు ఎంబ్రాయర్ ఇ195-ఇ2 విమానాలకు గట్టి పోటీగా ఉండేవి.

అయితే ఈ సిఎస్100 నూతన ప్యాసింజర్ విమానంలో సుమారుగా 150 మంది ప్రయాణికులు ప్రయాణించవచ్చు.

మిగతా ప్యాసింజర్ విమానాలతో పోల్చుకుంటే విశాలమైన సీట్లు, పెద్ద విండోలు మరియు ఇంటీరియర్ పరంగా కూడా అత్యధిక విశాలంగా ఉంటుంది.

వెడల్పాటి సీట్లు గురించి మాట్లాడేటప్పుడు బోయింగ్ 737 లో 17.3 ఇంచుల సీటు, ఎయిర్‌బస్ ఎ319 లో 18.0 ఇంచుల సీటు, ఎంబ్రాయర్ ఇ195-ఇ2 లో 18.3 ఇంచులు వీటితో పోల్చుకుంటే సిఎస్100 విమానంలో 19.0 ఇంచుల వెడల్పాటి సీటు కలదు.

సిఎస్100 విమానంలో ప్రాట్&విట్నీ కు చెందిన పిడబ్ల్యూ1500జి ఇంజన్‌లను వినియోగించారు.

బాంబర్‌డైయర్ వారి విమానం గరిష్టంగా 6,112 కిలోమీటర్ల వేగంతో ప్రయాణిస్తుంది.

ఇంజన్‌ గరిష్టం వేగంతో, తక్కువ ఉద్గారాలను వెదజల్లే మరియు ప్రయాణికుల సౌకర్యాలకు ప్రాధాన్యం ఇచ్చేందుకు ఈ సిఎస్100 విమానాన్ని ప్రత్యేకంగా డిజైన్ చేసారు.

స్విస్ ఇంటర్నేషనల్ ఎయిర్‌లైన్స్‌కు బాంబర్‌డైయర్‌కు చెందిన ఈ మొదటి సిఎస్100 ప్యాసింజర్ విమానాన్ని డెలివరి ఇచ్చింది.

స్విస్ అంతర్జాతీయ ఎయిర్‌లైన్స్ సంస్థ జూలై 15 నుండి ఈ సిఎస్100 విమానం ద్వారా సేవలు ప్రారంభించింది.

దీనిని జ్యూరిచ్ నుండి ప్యారిస్‌లోని చార్లెస్ డి గల్ల్ విమానాశ్రయం వరకు నడపనున్నారు.