లాక్‌డౌన్‌లో డ్రంక్ అండ్ డ్రైవ్ చేస్తూ పట్టుబడ్డ బిజినెస్ మ్యాన్[వీడియో]

లాక్ డౌన్ సమయంలో అనవసరంగా బయటకు వచ్చిన వాహనదారుల వాహనాలను పోలీసులు స్వాధీనం చేసుకోవడమే కాకుండా వారిని అరెస్ట్ చేసిన సంఘటనలు కూడా ఇది వరకే చాలా వెలుగులోకి వచ్చాయి. ఇదిలా ఉండగా తమిళనాడులో కరోనా లాక్ డౌన్ అమలులో ఉన్నప్పటికీ ఒక ప్రమాదం జరిగింది.

నివేదికల ప్రకారం నిన్న రాత్రి 7 గంటల సమయంలో చెన్నైలో ఈ ప్రమాదం జరిగినట్లు తెలిసింది. ఒక వ్యాపారవేత్త నిన్న లగ్జరీ కారులో మద్యం తాగి డ్రైవ్ చేస్తున్న సమయంలో పోలీసులు అరెస్ట్ చేశారు. అరెస్టు కాబడిన వ్యాపారవేత్త పేరు హరీష్ మెస్వాని. అతను మద్యం తాగి మెర్సిడెస్ బెంజ్ ఎస్‌ఎల్‌సి-43 ఎఎమ్‌జి డ్రైవ్ చేస్తున్నట్లు తెలిసింది.

లాక్ డౌన్ నిబంధనలను ఉల్లంఘిస్తూ బయటకు వచ్చిన వాహనాలను పోలీసులు స్వాధీనం చేసుకుంటున్నారు. ఈ విధంగా వాహనాలను తనికీ చేస్తున్న సమయంలో హరీష్ మెస్వాని కూడా పట్టుబడ్డాడు. పట్టుబడిన సమయంలో అతడు అత్యధిక వేగంతో ప్రయాణించినట్లు తెలిసింది.

అతన్ని పోలీసులు బారికేడ్లతో ఆపడానికి ప్రయత్నించారు. కానీ ఆ సమయంలో మద్యం తాగి ఉండటం వల్ల అతడు కారుని కంట్రోల్ చేయలేకపోయాడు. అందువల్లనే అతడు నేరుగా బారీకేట్ ను ఢీ కొట్టి నట్లు తెలిసింది. అతని కారు బారీకేడ్ ని ఢీ కొని ఆగింది. తరువాత పోలీసులు అతన్ని బయటకు రమ్మని చెప్పారు.

కానీ ఆ సమయంలో పోలీసుల నుంచి తప్పించుకోవడానికి అతడు కారుని వెనుకకు తీసాడు, కానీ ఆ సమయంలో కూడా అతడు వెనుక ఉన్న బారీకేడ్లు ఢీ కొన్నాడు. దీనికి సంబంధించిన వీడియో మీరు ఇక్కడ గమనించవచ్చు. చివరకు విరిగిన కారు యొక్క విండ్‌స్క్రీన్ ద్వారా హరీష్ మెస్వాని ని బయటకు తీసినట్లు తెలిసింది.

హరీష్ మెస్వాని ప్రస్తుతం పోలీసుల అదుపులో ఉన్నారు. ఈ సంఘటన జరగటానికి ప్రధాన కారణం అతడు మందు తాగి డ్రైవ్ చేయడమే అని తెలిసింది. ఈ విషయాన్ని నిర్ధారించడానికి పోలీసులు హరీష్ మెస్వానిని ప్రభుత్వ ఆసుపత్రికి తీసుకెళ్లారు.

మెడికల్ టెస్ట్ లో హరీష్ మెస్వాని మద్యం సేవించినట్లు నిర్ధారించారు. డ్రంక్ అండ్ డ్రైవ్ మరియు కరోనా లాక్ డౌన్ ఉల్లంఘించిన కేసులు అతనిపై నమోదు చేయబడ్డాయి. మద్యం ప్రభావంతో డ్రైవింగ్ చేయడం తప్పు. ముఖ్యంగా లాక్ డౌన్ సమయంలో తాగి డ్రైవింగ్ చేయడమేది తీవ్రమైన నేరంగా పరిగణించబడుతుంది.

Image Courtesy: Sun News