కార్ బోనెట్‌పై పడ్డ పోలీస్.. అలాగే డ్రైవ్స్ చేసిన కార్ డ్రైవర్.. చివరికి ఏం జరిగిందంటే ?

పూణేలోని పింప్రి చించ్‌వాడ్ ప్రాంతంలో, వాహన తనిఖీ చేస్తున్నప్పుడు ట్రాఫిక్ పోలీసులు కారును అడ్డుకున్నారు. కారును నడుపుతున్న వ్యక్తి కారుని ఆపడానికి బదులుగా, కారు డ్రైవర్ స్టాప్ వద్దకు వచ్చిన ఒక పోలీసును ఢీ కొట్టాడు. ఆ పోలీసు కారు బోనెట్ మీద పడిపోయాడు.

అయితే కారు డ్రైవర్ కారుని ఆపకుండా డ్రైవింగ్ కొనసాగించాడు. కొంతమంది ద్విచక్రవాహనదారులు కారును ఆపడానికి ప్రయత్నిస్తున్నారు. ఫేస్ మాస్క్ ధరించకుండా ఉన్నందుకు కారుని అడ్డుకోవడంతో ఈ సంఘటన జరిగింది. పోలీసుల నుండి తప్పించుకోవడానికి కారు డ్రైవర్ అతివేగంగా వెళ్ళాడు.

ట్రాఫిక్ పోలీసు కార్ బోనెట్ మీద పడిపోయినప్పటికీ డ్రైవర్ కారు ఆపలేదు. వేగంగా డ్రైవింగ్ చేస్తూ ముందుకు సాగింది. ఈ మొత్తం సంఘటన యొక్క వీడియో సోషల్ నెట్‌వర్కింగ్ సైట్లలో వైరల్ అయ్యింది. కొంతమంది బైకర్లు కారును అడ్డుకుని పోలీసు‌ను రక్షించారు. కారు ఆగిన తర్వాత డ్రైవర్‌ను అరెస్టు చేసినట్లు నివేదికలు తెలిపాయి.

పోలీసుల నుంచి తప్పించుకోవడానికి ప్రయత్నించాడనే ఆరోపణతో కారు డ్రైవర్‌పై ఎఫ్‌ఐఆర్ నమోదు చేశారు. ఈ సంఘటనలో పోలీసులు కాలికి గాయాలయ్యాయి. ఈ సంఘటన జరిగినప్పుడు పోలీసులు విధుల్లో ఉన్నారని పింప్రి చించ్‌వాడ్ పోలీసులు తెలిపారు.

మోటారు వాహనాల చట్టం 1988 లోని సెక్షన్ 307, 353, 323, 279, 24 (ఎ), 177 కింద పోలీసులు కేసు నమోదు చేశారు. కారు డ్రైవర్‌ను 49 ఏళ్ల యువరాజ్ హనువాటేగా గుర్తించారు.

వాహన తనిఖీ సమయంలో ట్రాఫిక్ పోలీసులతో సహకరించకపోవడం కూడా శిక్షార్హమైన నేరం. దర్యాప్తు సమయంలో పోలీసులకు తప్పించుకోవడం లేదా ఏదైనా హాని చేయడం కూడా నేరం. ఇలాంటి చర్యలను శిక్షించడానికి మోటారు వాహన చట్టం 2019 (సవరణ) లో కఠినమైన నిబంధనలు రూపొందించబడ్డాయి.