పోలీసులు స్వాధీనం చేసుకున్న 4 కోట్ల విలువైన లంబోర్ఘిని సూపర్ కార్, కారణం ఏంటో తెలుసా ?

కారు డ్రైవర్ రికార్డులు చూపించకపోవడంతో కారు ఇప్పటికీ పోలీసుల అదుపులోనే ఉంది. ఈ లంబోర్ఘిని హురాకాన్ కారు ఢిల్లీలో నమోదు చేయబడింది. పోలీసుల తనిఖీ సమయంలో కారును మమతా చౌక్ వద్ద నిలిపి ఉంచారు. కారు నడుపుతున్న వ్యక్తి అధిక వేగంతో డ్రైవింగ్ చేస్తూ తన మొబైల్ ఫోన్‌లో మాట్లాడుతున్నాడు.

దీనికి సంబంధించిన నివేదికల ప్రకారం లంబోర్ఘిని హురాకాన్‌ను పోలీసులు ఆపినప్పుడు, ఈ కారు గంటకు 150 కి.మీ వేగంతో ప్రయాణిస్తోంది. కారు డ్రైవర్ ఆర్‌సి, ఇన్సూరెన్స్, డ్రైవింగ్ లైసెన్స్‌తో సహా ఎలాంటి రికార్డులు చూపించలేదు.

ప్రస్తుతం ఈ కారును సెక్టార్ 28 లోని ఐటిఐ పోలీస్ యార్డ్ వద్ద నిలిపి ఉంచారు. ఈ కారు ఇటాలికా మోటార్స్ ప్రైవేట్ లిమిటెడ్ పేరుతో నమోదు చేయబడింది. ఈ సంస్థ లంబోర్ఘిని కంపెనీ యొక్క అధీకృత డీలర్. ఎంత జరిమానా విధించారో అనేది కచ్చితంగా అది వెల్లడించలేదు.

అయితే లంబోర్ఘిని కార్ డ్రైవర్ కి రూ. 20,000 వరకు జరిమానా విధించవచ్చు. వాహనం యొక్క డ్రైవర్ అవసరమైన అన్ని పత్రాలతో పోలీస్ స్టేషన్ కి హాజరైనప్పుడు మాత్రమే జరిమానా మొత్తం తెలుస్తుంది. సరైన రికార్డులు లేకపోతే, జరిమానా మొత్తం మరింత పెరిగే అవకాశం ఉంది.

అంతే కాకుండా డ్రైవింగ్ లైసెన్స్‌ను 3 నెలల వరకు సస్పెండ్ చేస్తామని పోలీసులు తెలిపారు. భారత దేశం మొత్తానికి దరఖాస్తు చేసుకోవడానికి డ్రైవింగ్ లైసెన్స్ నిలిపివేయబడుతుందని చెబుతున్నారు.

భారతదేశంలో లాక్ డౌన్ కారణంగా చాలా రోడ్లు ఖాళీగా ఉన్నాయి మరియు సూపర్ కార్ మరియు సూపర్ బైక్ ఓనర్స్ దీనిని అనువుగా తీసుకుని విచ్చలవిడిగా చెలరేగిపోతున్నారు. ఈ నేపథ్యంలోనే వాహనాలను అధిక వేగంతో నడుపుతున్నారు.

బెంగళూరులో 300 కిలోమీటర్ల వేగంతో ప్రయాణిస్తున్న సూపర్ బైక్ నిన్న పట్టుబడింది. యమహా ఆర్ 1 ఓనర్ హై స్పీడ్ బైక్ నడుపుతూ దాని వీడియోను ఇన్‌స్టాగ్రామ్‌లో పోస్ట్ చేశాడు.

వీడియో వైరల్ కావడంతో పోలీసులు ఆ వ్యక్తిని ట్రాక్ చేసి బైక్‌ను స్వాధీనం చేసుకున్నారు. భారతదేశ రహదారుల వేగంగా ప్రయాణించే వాహనదారుల వల్ల ఇతరులకు కూడా ఇబ్బంది కలిజె అవకాశం ఉంటుంది. ఈ కారణంగా భారతీయ రోడ్లపై అధిక వేగంతో నడపడం మంచిది కాదు. రోడ్లపై అధిక వేగంతో ప్రయాణించడం వాహనదారునికి ప్రమాదం మాత్రమే కాకుండా ప్రాణాంతకం కూడా..

Image Courtesy: Punjab Kesari Haryana