పెన్సిల్, పెన్, పుస్తకం, షార్ప్‌నర్, ఎరేజర్ రూపాల్లో కార్లు

హైదరాబాద్‌కు చెందిన సుధాకర్ గడచిన 25 సంవత్సరాలుగా ఇలాంటి విచిత్రమైన వాహనాలను తయారు చేస్తున్నాడు.

సుధాకర్ సృజనాత్మకతను గుర్తించిన గిన్నిస్ బుక్ ఆఫ్ వరల్డ్ రికార్డ్ యాజమాన్యం అతనిని సత్కరించింది.

సుధాకర్ ఇప్పటివరకు 38 రకాల కార్లను వివిధ రకాల ఆకారాలలో తయారు చేశారు.

డైనింగ్ టేబుల్ కార్, సోఫాసెట్ కార్, కంప్యూటర్ కార్, హెల్మెట్ కార్, క్రికెట్ బాల్ కార్, సిగరెట్ బైక్ ఇలా చెప్పుకుంటూ పోతే సుధాకర్ తయారు చేసిన కార్ల జాబితా చాంతాడంత అవుతుంది.

సుధాకర్ గడచిన సంవత్సరం ఫిబ్రవరి నెలలో 'సుధా వాకీ కార్స్ షో" పేరుతో నెక్లెస్ రోడ్డు పీపుల్స్ ప్లాజాలో ఓ ప్రదర్శనను కూడా నిర్వహించాడు.

ప్రపంచంలోనే ఈ తరహా ప్రదర్శన ఇదే మొట్టమొదటిదని సుధాకార్ తెలిపారు. ఈ షోలో వివిధ బంతుల ఆకారంలో ఉండే కార్లు, ఫార్ములా వన్ డిజైన్ కలిగిన కారు, కాఫీ మగ్ ఆకారంలో ఉండే కారు వంటి ఎన్నో డిజైన్లను ఆయన ప్రదర్శించారు.

కాగా.. పాఠశాలల యజమానులు కోరితే, తాను తాజాగా రూపొందించిన స్టేషనరీ వాహనాలను ఆయా పాటశాలల్లో ఉచితంగా నడిపి పిల్లలను అలరించడానికి సిద్ధంగా ఉన్నామని సుధాకర్ చెప్పారు.

సుధాకర్ తయారు చేసిన స్టేషనరీ కార్లు. ఈ ఫొటోలో బుక్, పెన్సిల్, షార్ప్‌నర్, ఎరేజర్ కార్లను చూడొచ్చు.

సుధాకర్ తయారు చేసిన పెన్ను కారు. పెన్ను కారుపై ఫొటోకు ఫోజిస్తున్న చిన్నారి.

ప్రత్యేకంగా తయారుచేసిన ఈ స్టేషనరీ కార్లను 250 మంది పిల్లల సమక్షంలో సుధాకర్ తన మ్యూజియంలో నడిపి చూపించి, వీక్షకులను అలరించాడు.