సూట్‌కేస్‌తో స్కూటర్‌ను తయారు చేసిన చైనా వ్యక్తి!

ఈ సూట్‌కేస్ స్కూటర్ మొత్తం బరువు 7 కేజీలు మాత్రమే. ఈ సూట్‌కేస్ స్కూటర్‌పై ఇద్దరు వ్యక్తులు ప్రయాణించవచ్చు.

ఈ సూట్‌కేస్ స్కూటర్ బ్యాటరీ సాయంతో నడుసుత్తుంది. దీనిపై గరిష్టంగా గంటకు 20 కిలోమీటర్ల వేగంతో ప్రయాణించవచ్చు. పూర్తి చార్జ్‌పై 50-60 కిలోమీటర్ల దూరం వరకు ప్రయాణించవచ్చు.

ఈ సూట్‌కేస్ జిపిఎస్ నావిగేషన్ మరియు బర్గలర్ అలారమ్‌తో లభిస్తుంది. ఎవరైనా దొంగలు దీనిని అపహరిస్తే, జిపిఎస్ సాయంతో ఇదెక్కడుందో తెలుసుకోవచ్చు మరియు అలారమ్ సాయంతో చుట్టపక్కల వారిని అప్రమత్తం చేయవచ్చు.

ఈ సూట్‌కేస్ స్కూటర్‌ను ఊడదీయబడిన ఎలక్ట్రిక్ స్కూటర్‌ను ఉపయోగించి తయారు చేశాడు. దీనికి హ్యాండిల్ బార్, బ్రేక్స్, యాక్సిలేటర్, లైట్స్ అన్నీ ఉంటాయి. ముందు వైపు ఓ పెద్ద చక్రం వెనుక వైపు రెండు చిన్న చక్రాలుంటాయి.

వృత్తిరీత్యా రైతు అయిన గి లింయాగ్సైకు ఈ సూట్‌కేస్ స్కూటర్‌ను తయారు చేయటానికి 10 ఏళ్ల సమయం పట్టిందట. 1999లో ఓ కార్ సేఫ్టీ సిస్టమ్‌ను ఆవిష్కరించినందుకు గాను ఆయనను అమెరికాకు చెందిన ఓ పెట్టుబడిదారుడు సత్కరించాడట. ఆ సమయంలోనే తాను తన లగేజ్‌ను మర్చిపోవటంతో ఈ ఐడియా వచ్చిందని లియాంగ్సై చెప్పుకొచ్చాడు.