CM Vijay Convoy : సీఎం అయినా సరే తన పాత స్విఫ్ట్‌ను మర్చిపోలేదు.. విజయ్ కాన్వాయ్‌లో కనిపించిన కారు వైరల్!

CM Vijay Convoy : సినీ స్టార్ నుంచి తమిళనాడు ముఖ్యమంత్రిగా మారిన విజయ్(CM Vijay) ఇప్పుడు దేశవ్యాప్తంగా హాట్ టాపిక్‌గా మారారు. అయితే ఆయన ప్రమాణ స్వీకార వేడుక కంటే ఎక్కువగా సోషల్ మీడియాలో వైరల్ అవుతున్నది మాత్రం ఆయన కాన్వాయ్‌లో కనిపించిన ఓ పాత కారు. కోట్ల విలువైన భద్రతా వాహనాల మధ్య తనకు ఇష్టమైన పాత స్విఫ్ట్(Maruti Swift) కారును కూడా కొనసాగించడంతో విజయ్ మరోసారి అభిమానుల మనసులు గెలుచుకున్నారు.

సీఎం అయ్యాక కూడా పాత కారుపై ప్రేమ తగ్గలేదా?
తమిళనాడు రాజకీయాల్లో సంచలనం సృష్టించిన విజయ్(thalapathy vijay) అధికారికంగా ముఖ్యమంత్రిగా బాధ్యతలు స్వీకరించిన తర్వాత ఆయన కాన్వాయ్ అందరి దృష్టిని ఆకర్షించింది. చెన్నైలోని నెహ్రూ ఇండోర్ స్టేడియంలో జరిగిన ప్రమాణ స్వీకార కార్యక్రమం తర్వాత విజయ్ భారీ భద్రత మధ్య సచివాలయానికి బయలుదేరారు. అయితే అందరి కళ్లూ ఒక్కసారిగా ఆయన కాన్వాయ్‌లో కనిపించిన నీలం రంగు పాత మారుతి స్విఫ్ట్ కారుపై పడ్డాయి.

సాధారణంగా ముఖ్యమంత్రుల కాన్వాయ్(CM Vijay Convoy) అంటే ఖరీదైన బుల్లెట్ ప్రూఫ్ ఎస్‌యూవీలు, అత్యాధునిక భద్రతా వాహనాలే ఉంటాయి. కానీ విజయ్(vijay) మాత్రం తన పాత ఫేవరెట్ కారును కూడా వెంట తీసుకెళ్లడం ఇప్పుడు సోషల్ మీడియాలో వైరల్ అవుతోంది.

సింప్లిసిటీ సీఎం అంటూ సోషల్ మీడియాలో ట్రెండ్
విజయ్ సినిమాల్లో ఉన్నప్పటి నుంచి సాధారణ జీవనశైలికి ఎక్కువ ప్రాధాన్యం ఇస్తారని అభిమానులు చెబుతుంటారు. ముఖ్యమంత్రి అయిన తర్వాత కూడా అదే సరళిని కొనసాగిస్తున్నారని ఇప్పుడు సోషల్ మీడియాలో కామెంట్లు వెల్లువెత్తుతున్నాయి.

"కోట్ల రూపాయల కాన్వాయ్‌లో కూడా పాత స్విఫ్ట్‌కు చోటిచ్చిన సీఎం", "పదవి మారినా మనసు మారలేదు" అంటూ అభిమానులు పోస్టులు పెడుతున్నారు. ముఖ్యంగా మధ్యతరగతి కుటుంబాల్లో స్విఫ్ట్ కారుకు ఉన్న క్రేజ్ కారణంగా ఈ విషయం మరింత వైరల్ అయింది.

విజయ్ కాన్వాయ్‌లో ఉన్న కార్లు ఇవే
ముఖ్యమంత్రి విజయ్‌(CM Vijay)కు జడ్ ప్లస్ భద్రత కల్పించడంతో ఆయన కాన్వాయ్‌లో పలు భద్రతా వాహనాలు కనిపించాయి. వీటిలో ప్రధానంగా టయోటా ఇన్నోవా క్రిస్టా, టయోటా ఫార్చ్యూనర్, ల్యాండ్ క్రూయిజర్ వంటి వాహనాలు ఉన్నాయి.

ఇవి సాధారణ కార్లు కావు. భద్రతా అవసరాల కోసం ప్రత్యేకంగా మోడిఫై చేసిన వాహనాలు. కొన్ని వాహనాల్లో బుల్లెట్ ప్రూఫ్ రక్షణ కూడా ఉన్నట్లు సమాచారం. భద్రతా సిబ్బంది నిలబడేందుకు ప్రత్యేక ప్లాట్‌ఫామ్‌లు, రూఫ్ బార్లు కూడా ఏర్పాటు చేశారు.

సీఎం అధికారిక కారు ఏది?
విజయ్ అధికారిక వాహనంగా సిల్వర్ కలర్ టయోటా ఇన్నోవా క్రిస్టా(Toyota Innova crysta)ను ఉపయోగిస్తున్నారు. ముందు జాతీయ పతాకం, ప్రత్యేక నెంబర్ ప్లేట్‌తో ఈ కారు కనిపించింది. తమిళనాడు రాజకీయాల్లో ఇన్నోవా కార్లకు ప్రత్యేక గుర్తింపు ఉంది. మన్నిక, కంఫర్ట్ కారణంగా చాలా మంది రాజకీయ నాయకులు ఇవే వాడుతుంటారు.

స్విఫ్ట్ కారు ఎందుకు స్పెషల్?
విజయ్ రాజకీయాల్లోకి రాకముందు చాలా సందర్భాల్లో ఈ నీలం రంగు స్విఫ్ట్ కారులోనే ప్రయాణించినట్లు అభిమానులు గుర్తుచేస్తున్నారు. సినిమా షూటింగ్స్, పార్టీ మీటింగ్స్, వ్యక్తిగత ప్రయాణాల్లో కూడా ఈ కారు కనిపించేది. అందుకే ఇప్పుడు సీఎం అయిన తర్వాత కూడా అదే కారును కాన్వాయ్‌లో కొనసాగించడం అభిమానుల్లో ఎమోషనల్ కనెక్షన్‌ను పెంచింది.

భారీ భద్రత.. కానీ విజయ్ స్టైల్ మాత్రం సింపుల్
సాధారణంగా ముఖ్యమంత్రుల కాన్వాయ్‌లలో అంబులెన్స్‌లు, భద్రతా వాహనాలు, రిజర్వ్ వాహనాలు కూడా ఉంటాయి. విజయ్ కాన్వాయ్‌(CM Vijay Convoy)లో కూడా అదే కనిపించింది. అయితే మొత్తం కాన్వాయ్‌లో హైలైట్ అయింది మాత్రం పాత స్విఫ్ట్ కారు.

ఇప్పుడిది కేవలం తమిళనాడులోనే కాదు.. దేశవ్యాప్తంగా ఆటోమొబైల్ అభిమానుల్లో కూడా చర్చనీయాంశమైంది. "పదవి ఎంత పెద్దదైనా.. మనసుకు నచ్చిన వస్తువును మర్చిపోకూడదు" అనే సందేశంలా ఈ ఘటనను చాలామంది చూస్తున్నారు.