స్వయంగా ఎలక్ట్రిక్ బైక్‌ తయారు చేయాలనుకుంటున్నారా.. అయితే ఇది మీ కోసమే

ఎలక్ట్రిక్ వాహనాలను తయారు చేయడానికి ఈ ఇంటర్నెట్ యుగంలో అన్ని రకాల ట్యుటోరియల్స్ సోషల్ మీడియాలో అందుబాటులో ఉన్నాయి. అన్ని విషయాలకు సంబంధించిన వీడియోలు, విద్య లేదా రోజువారీ జీవితానికి సంబంధించినవి, యూట్యూబ్‌లో మనం ఎప్పుడైనా చూడవచ్చు.

యూట్యూబ్‌లోని వీడియోలు చూసి మాత్రమే చేయడం అనేది కొంత వరకు కష్టతరణంగానే ఉంటుంది. కావున ఇలాంటి వాటికోసం ఆన్‌లైన్ వీడియో చాలా వరకు సహకరిస్తాయి. ఈ వీడియోలు చూసినట్లయితే ఎలక్ట్రిక్ బైక్‌ను తయారు చేయడం అంత కష్టమైన పని కాదని తెలుస్తుంది.

ఇప్పటికి కూడా మీకు టెక్నాలజీపై ఆసక్తి కలిగి ఉంటే లేదా మీరు ఇంజనీరింగ్ విద్యార్థి అయితే ఈ మీకు ఇక్కడ మేము పరిచయం చేసే వీడియో చాలా బాగా ఉపయోగపడుతుంది. ఈ వీడియో జేమ్స్ బిగ్గర్ యూట్యూబ్‌లో ఒక వీడియోను అప్‌లోడ్ చేశాడు. ఈ వీడియో ఎలక్ట్రిక్ బైక్ తయారు చేసే మొత్తం ప్రక్రియను వివరిస్తుంది.

ఈ టెక్నీకల్ ప్రాజెక్టులలో కంప్యూటర్ ఎయిడెడ్ డిజైన్ (సిఎడి) ఫైళ్ల పాత్ర ముఖ్యమైనది. సిఎడి ఫైళ్ళ సహాయంతో, బైక్ తయారీ మొత్తం ప్రక్రియను తెలుసుకోవడం ద్వారా బైక్‌ను సులభంగా తయారు చేయవచ్చు. సిఎడి కంప్యూటర్ ఎయిడెడ్ డిజైన్ సహాయంతో ఈ బైక్‌ను సులభంగా డిజైన్ చేయవచ్చు.

ఈ ఇంటర్నెట్ యుగంలో సిఎడి మరియు ట్యుటోరియల్ వీడియోలు చాలావరకు ఇలాంటి అద్భుతాలు చేయాలనుకునే వారికి ఉపయోగపడతాయి. అంతే కాదు మీ ఆసక్తిని బట్టి మరియు బైక్ డిజైన్ బట్టి చాలా పుస్తకాలు మార్కెట్లో అందుబాటులో ఉన్నాయి.

రెన్యూవబుల్ సిస్టమ్ టెక్నాలజీ అనే వెబ్‌సైట్‌లో ఎలక్ట్రిక్ బైక్‌ల తయారీకి సిఎడి ఫైళ్లు అందించబడతాయి. మీరు దీనికోసం 10 డాలర్లు చెల్లించాల్సి ఉంటుంది. అంటే ఈ సిఎడి ఫైల్ పొందడానికి మీరు సుమారు 724 రూపాయలు చెల్లించాల్సి ఉంటుంది. ఈ ఫైళ్ళ సహాయంతో ఎలక్ట్రిక్ బైక్ తయారు చేసే మొత్తం ప్రక్రియను ఈ వీడియోలో చూడవచ్చు.

ఈ వీడియోలో ఉత్పత్తి చేయబడిన బైక్ మొత్తం బరువు 91 కిలోలు. ఈ ఎలక్ట్రిక్ బైక్ యొక్క గరిష్ట వేగం గంటకు 120 కి.మీ. ఈ బైక్ పూర్తిగా ఛార్జ్ అయిన తర్వాత 150 కిలోమీటర్ల వరకు ప్రయాణించగలదు. ఈ బైక్‌లో 72 వి కెపాసిటీ కలిగిన బ్రష్‌లెస్ గేర్‌లెస్ ఎలక్ట్రిక్ మోటారు ఉంటుంది.

ఈ వీడియోలో అందించిన సమాచారం ప్రకారం మీరు ఈ బైక్ తయారీకి అవసరమైన భాగాల గురించి కూడా సమాచారాన్ని పొందవచ్చు. కావున ఈ వీడియో బైక్ తయారు చేయాలనుకున్న వారికి ఎంతగానో సహాయపడుతుంది. దీని ద్వారా మీరు కూడా ఎలక్ట్రిక్ బైక్ తయారు చేయవచ్చు.

Image Courtsy: James Biggar