కూతుర్ని కారు షోరూమ్‌కు తీసుకెళ్తే 22 లక్షలు కట్టాల్సి వచ్చింది

చైనాలోని గుయిలిన్‌ ప్రాంతంలో ఒక జంట ఇటీవల తమ 3 సంవత్సరాల కుమార్తెను ఆడి కారు షోరూమ్‌కి తీసుకెళ్లారు. వారు ప్రదర్శనలో ఉన్న కార్ల చుట్టూ చూస్తున్నారు. వారి 3 ఏళ్ల కూతురు ఆ షోరూమ్ సమీపంలో తిరుగుతూ ఉంది. అప్పటికే ఆ చిన్న పిల్ల చేతిలో రాయి ఉండటాన్ని ఆ తల్లి దండ్రులు గమనించుకోలేదు.

ఆ చిన్న పిల్ల షోరూం చుట్టూ షికారు చేస్తూ తన వెంట ఉన్న రాయితో కార్లపై గీసింది. ఏకంగా ఆ పిల్ల 10 కార్లపై ఆ రాయితో గీసింది. ఇది గమనించిన తల్లిదండ్రులకు నోటమాట రాకుండా పోయింది. అప్పుడు వారికి ఏమి చేయాలో తెలియక భయానక పరిస్థితిలో ఉండిపోయారు.

ఈ సంఘటన చూసిన డీలర్ ఆ తల్లిదండ్రలను ఆ చిన్న పిల్ల చేసిన పొరపాటుకు ఏకంగా 200,000 యువాన్ల (సుమారు $ 29,000) పరిహారం చెల్లించాలని చెప్పారు. ఇది సుమారు ఇండియన్ కరెన్సీ ప్రకారం 22 లక్షలు. ఆ తల్లిదండ్రులు అంత మొత్తాన్ని చెల్లించలేమని తిరస్కరించారు.

ఈ సమస్య అక్కడ పరిస్కారం కాకపోవడంతో వారు కోర్టుని ఆశ్రయించారు. అయితే కార్ల డీలర్ మంచి కార్లు దెబ్బతిన్నాయని వాదించారు. కొత్త కార్లపై గీతలు గీయడం వల్ల గీతలు మూసివేయడానికి పెయింట్ వేసినప్పటికీ కూడా ఎప్పటిలాగా కొత్త కార్లలాగా అమ్మలేమని తెలిపారు. ఈ కారణంగా కార్లను తక్కువ ధరలకు విక్రయించాల్సి వస్తుంది. దీని వలన అతని కంపెనీకి భారీ నష్టం జరుగుతుంది.

ఈ సమస్యను రెండు పార్టీలు పరిష్కరించాయి మరియు కారు డీలర్ నిర్ణయించిన విధంగా తల్లిదండ్రులు 70,000 యువాన్ ($ 10,000) చెల్లించడానికి అంగీకరించారు. పిల్లలను బయటికి తీసుకువెళ్ళేటప్పుడు చాలా జాగ్రత్తగా ఉండాలని వారిని కోర్టు హెచ్చరించింది.

ఏది ఏమైనా ఆ చిన్న పిల్ల వల్ల కంపెనీకి చాలా నష్టం కలిగింది. కారుపై గీతాలు పెట్టడం వల్ల ఆ దంపతులపై కేసుపెట్టాల్సి వచ్చిందని వారు తెలిపారు. ఎందుకంటే లగ్జరీ కారు చాలా ఎక్కువ ధరను కలిగి ఉంటాయి. వీటికి ఏ చిన్న లోపం ఏర్పడినప్పటికీ సరైన ధరకు విక్రయించలేరు. ఈ విధంగా జరిగితే కంపెనీ చాలా నేస్తాన్ని ఎదుర్కోవలసి వస్తుంది. తల్లి దండ్రులు పిల్లలని ఎప్పుడు చాలా జాగ్రత్తగా కనిపెట్టుకుని ఉండాలి లేకుండా ఇలాంటి సంఘటనలే జరిగే అవకాశం ఉంటుంది.

Source: Sinchew Daily