కార్ రిపేర్ ఫీజు రూ. 9,900, పార్కింగ్ ఫీజు రూ. 91,000.. ఇది కోర్టు తీర్పు.. ఎందుకో మీరే చూడండి

నివేదికల ప్రకారం ఒక లాయర్ తన టాటా నానో కారును 2018 జూన్‌లో గాంధీనగర్‌లోని కారు రిపేర్ సెంటర్ లో రిపేర్ కోసం ఇచ్చారు. అయితే, రిపేర్ అయిపోయిన తర్వాత, రిపేర్ షాప్ ఓనర్ కారు తీసుకెళ్లమని కోరినప్పుడు, కారు సరిగా రిపేర్ చేయలేదని అంతే కాకుండా కారులోని చాల భాగాలూ లేవని ఆ న్యాయవాది ఆరోపించాడు.

దీనిని ఆరోపిస్తూ, న్యాయవాది కారును అక్కడే వదిలేశాడు, అప్పటి నుండి కారు గ్యారేజీలో ఉండిపోయింది.మోసం చేసారని మరియు నిర్లక్ష్యం చేసినందుకు గాంధీనగర్ కన్స్యూమర్ ఫోరమ్‌లోని రిపేర్ సెంటర్ యజమానిపై 2019 లో న్యాయవాది ఫిర్యాదు చేశారు.

అయితే, ఈ కేసు యొక్క పూర్వాపరాలను తేల్చిన తర్వాత రిపేర్ షాప్ తరపున ఎటువంటి మోసం జరగలేదని రిపేర్ సెంటర్ తెలిపింది. అంతే కాకుండా రిపేర్ అయిపోయినప్పటినుంచి న్యాయవాదిని కారును తీసుకెళ్లమని రిపేర్ షాప్ ఓనర్ 58 సార్లు మెయిల్ చేసినట్లు కూడా తెలిపాడు.

రిపేర్ సెంటర్ ఓనర్ లాయర్ కి అనేకసార్లు నోటీసులు పంపినప్పటికీ అతని వైపు నుండి ఎటువంటి స్పందన లేదని చెప్పారు. ఈ కారణంగా, అతని టాటా నానో రెండేళ్లుగా సర్వీస్ సెంటర్ గ్యారేజీలోనే పడి ఉంది. ఈ కారణంగా రిపేర్ షాప్ ఓనర్ రోజుకు 100 రూపాయల చొప్పున 910 రోజులు పార్కింగ్ ఛార్జీని చెల్లించాలని కోరాడు.

ఈ కేసుపై సమగ్ర దర్యాప్తు జరిపిన తర్వాత, లాయర్ ఆరోపణలు అవాస్తవమని తేలింది. అంతే కాకుండా 910 రోజులకు గాను రూ. 91,000 పార్కింగ్ ఛార్జీని చెల్లించాలని తీర్పు ఇచ్చింది. న్యాయస్థానం, తీర్పు ఇస్తూ, చట్టం అందరికీ సమానంగా వర్తిస్తుందని వ్యాఖ్యానించింది.

లాయర్ రిపేర్ కోసం ఇచ్చిన కారును తిరిగి తీసుకోకుండా సర్వీస్ సెంటర్ లో వదిలిపెట్టడం వల్ల అతనికి పార్కింగ్ ఛార్జీ విధించబడింది. అంతే కాకుండా కార్ రిపేర్ కి గాను 9,900 రూపాయల కూడా చెల్లిచాలని కోర్టు తీర్మానించింది.

Note: Images are representative purpose only