రూ. 41,500 జరిమానాతో సీజ్ చేయబడిన డ్యాన్స్ స్కార్పియో ; కారణం ఏంటో తెలుసుకోండి

ఇప్పుడు ఒక మాడిఫై చేయబడిన ఒక స్కార్పియోను ఉత్తరప్రదేశ్‌కు చెందిన ఘజియాబాద్ పోలీసులు స్వాధీనం చేసుకున్నారు. ఈ మహీంద్రా స్కార్పియో కారు చట్ట విరుద్ధమైన మార్పులు కలిగి ఉండటం వల్ల పోలీసులు దేనిని స్వాధీనం చేసుకోవడం జరిగింది.

అభ్యంతరకరమైన మార్పులు ఈ కారులో ఉండటం వల్ల పోలీసులు దానికి భారీ మొత్తంలో అనగా 41,500 రూపాయల భారీ జరిమానా విధించడం జరిగింది. ఈ మాడిఫై స్కార్పియోను ఘజియాబాద్ పోలీసులు సాధారణ తనిఖీ సమయంలో పట్టుకున్నారు.

పోలీసులు స్వాధీనం చేసుకున్న ఈ స్కార్పియోను "డ్యాన్స్ స్కార్పియో" అని పిలుస్తారు. ఈ డ్యాన్స్ స్కార్పియో వీడియో ఇప్పుడు సోషల్ మీడియాలో వైరల్ అవుతోంది. ఈ కారును స్వాధీనం చేసుకోవడానికి ఈ వీడియో కూడా ఒక ప్రధాన కారణం.

మాడిఫైడ్ డ్యాన్స్ స్కార్పియోలో లోపల పెద్ద స్పీకర్లు వ్యవస్థాపించబడ్డాయి, ఈ స్పీకర్ ని కూడా మీరు ఇక్కడ గమనించవచ్చు. కారులో డ్రైవర్ పాటను ప్లే చేస్తున్నప్పుడు పట్టుబడ్డాడు. ఈ స్కార్పియోలో సాంగ్ ప్లే చేస్తున్నప్పుడు బౌన్స్ అవ్వడం ప్రారంభించే విధంగా మాడిఫై చేయబడింది.

సాంగ్ ప్లే చేసినప్పుడు కారు బౌన్స్ అవ్వడం వల్ల దీనిని డ్యాన్స్ స్కార్పియో అని పిలుస్తారు. కొన్నేళ్ల క్రితం అదే స్కార్పియో వీధుల్లో పనిచేస్తున్నట్లు పోలీసులు తెలిపారు. ఈ స్కార్పియోకి ఉన్న వెహికల్ నెంబర్ ఢిల్లీ ప్రాంతానికి చెందినది. ఈ వాహనం వివాహాది శుభకార్యాలకు ఉపయోగించేవారని కూడా ఒక ఇవేదికలో తెలిసింది.

ఈ కారుని వివాహాలకు ఉపయోగించడమే కాకుండా, బౌన్స్ అవ్వడం వల్ల చుట్టూ ఉన్న ప్రజలను కూడా చాలా ఆకర్షిస్తుంది. ఈ విధమైన ప్రత్యేకత కలిగి ఉండటం వల్ల ఈ కారుకి రూ. 15 వేలు నుంచి 20 వేలు వరకు డిమాండ్ చేస్తారని ఆ కార్ ఓనర్ తెలిపాడు.

పోలీసులు ఈ మాడిఫై వాహనం యొక్క డాక్యుమెంట్స్ పరిశీలించారు. ఈ వాహనానికి సంబంధించిన చాలా డాక్యుమెంట్స్ లేవు. సరైన డాక్యుమెంట్స్ లేకపోవడం వల్ల రూ .5 వేల రూపాయలు, సౌండ్ పొల్యూషన్ కి రూ .10,000 జరిమానా విధించినట్లు తెలిసింది. మిగిలిన జరిమానా గురించి పోలీసులకు ఎటువంటి సమాచారం ఇవ్వలేదు.

ఈ ప్రాంతంలో డ్యాన్స్ చేసే కారు ఇది మాత్రమే కాదు. వివాహాల వంటి కార్యక్రమాల కోసం అద్దెకు ఇవ్వడానికి చాలామంది మాడిఫైడ్ చేసిన వాహనాలను కలిగి ఉన్నారు. కొంత డిఫరెంట్ గా ఉండే వాహనాలు ప్రజలను ఎక్కువగా ఆకర్షిస్తాయి. కావున కొన్ని ప్రత్యేకమైన సందర్భాలలో ఈ వాహనాలను పిలుస్తారు. ఈ వాహనాల్లో ఫాస్ట్ సాంగ్స్ మరియు డీజే సాంగ్స్ వంటి వాటిని ప్లే చేసి ఆనందిస్తారు.

ఘజియాబాద్ ప్రాంతంలో, ఇటువంటి వ్యాన్లు ఎక్కువగా ప్రాచుర్యం పొందుతున్నాయి. వాహనం యొక్క నిర్మాణంలో మార్పులు చట్టవిరుద్ధమని సుప్రీంకోర్టు తన 2019 తీర్పులో పేర్కొంది. పోలీసులు తెలిపిన వివరాల ప్రకారం, ఈ మాడిఫై చేసిన మహీంద్రా స్కార్పియో అనేక నియమ నిబంధనలను ఉల్లంఘించింది. కొత్త మోటారు వాహనాల చట్టం అమలు తరువాత, పోలీసులు అలాంటి వాహనాలను బ్యాండ్ చేయడమే కాకుండా భారీ జరిమానాలు విధిస్తున్నారు.

సాధారణంగా వాహనంలో నిర్మాణ పరమైన మార్పులు మాత్రమే కాకుండా దీనికి పెద్ద టైర్లను వ్యవస్థాపించడం, ప్రెజర్ హార్న్స్, ఆఫ్-రోడింగ్ కోసం స్టీల్ బంపర్ మరియు బుల్‌బార్లు కూడా భారతదేశంలో నిషేధించబడ్డాయి.

కొత్త చట్టం ప్రకారం వాహనంలో ఏదైనా మార్పు వాహనం యొక్క నిర్మాణాన్ని బలహీనపరుస్తుంది మరియు కారును అంత సురక్షితంగా ఉంచదు. వాహనంలోని బుల్‌బార్ మరియు ఆఫ్-రోడ్ స్టీల్ బంపర్ ఈ వస్తువులు పాదచారుల భద్రతా నిబంధనలకు అనుగుణంగా లేనందున పాదచారులకు ప్రమాదం కలిగిస్తాయి. ఇది మాత్రమే కాకుండా ఎయిర్‌బ్యాగ్ యొక్క పనితీరు బుల్‌బార్ ప్రభావితం చేస్తుంది.

ఈ మాడిఫైడ్ మహీంద్రా స్కార్పియోకి జరిమానా చెల్లించిన తరువాత పోలీసులు ఈ వాహనాన్ని తిరిగి ఓనర్ కి అప్పగిస్తారో, లేదో ఖచ్చితంగా తెలియదు. సాధారణంగా కొన్ని నిబంధనల ప్రకారం వాహనాన్ని తిరికి యధావిధిగా చేయాలనీ వాహనదారునికి చెబుతారు. దీని కోసం పోలీసులు ప్రాంతీయ ఆర్టీఓకు సమాచారాన్ని అందజేస్తారు.