మీరు చిన్న కారు కొంటున్నారా.. అందులో రియర్‌ విండో గ్లాస్‌ గురించి మీకు తెలియని కొన్ని విషయాలు..

దేశీయ మార్కెట్లో కార్లకు డిమాండ్‌ రోజురోజుకీ పెరుగుతోంది. వ్యక్తిగత, కుటుంబ అవసరాల దృష్ట్యా చాలా మంది కార్లకు ప్రాధాన్యత ఇస్తున్నారు. బడ్జెట్‌ ధర నుంచి లగ్జరీ కార్ల వరకు చాలా మోడళ్లలో ఆటో మేకర్లు వాహనాలను తయారు చేస్తున్నారు. ఈ క్రమంలో చిన్న కార్లకు(Small Cars) కూడా ఆదరణ పెరిగిపోతోంది.

అధిక ధర ఉన్న కార్లను కొనుగోలు చేయలేని వారు ఎక్కువగా తమ బడ్జెట్‌లో అందుబాటులో ఉండే చిన్న కార్లకు ప్రాధాన్యత ఇస్తున్నారు. అంతేకాకుండా చిన్న కార్లు పట్టణాల్లో ఇరుకు రోడ్లపై సులభంగా ఇమడగలుగుతాయి. ఇంకా గ్రామీణ ప్రాంతాల్లో సరసమైన ధరలకు అందుబాటులో ఉండటంతో వీటిని ఎక్కువగా ఎంచుకుంటారు.

అయితే చిన్న కార్లు నడిపేవారు కొన్ని జాగ్రత్తలు తీసుకోవాలని మీకు తెలుసా.. అందులో ఉండే చిన్న రియర్‌ వ్యూ అద్దాల కారణంగా ప్రమాదాలు ఎక్కువగా జరిగే అవకాశం ఉంది. దానికి దీనికి ఏం సంబంధం అనుకుంటున్నారా.. అయితే ఈ కథనంలో పూర్తి సమాచారం తెలుసుకోండి.

అధిక మైలేజ్‌తో పాటు, సరసమైన ధరలో లభించడం, ఇంకా రద్దీగా ఉండే రోడ్లపై సులభంగా నిర్వహించడం వంటి కారణాల వల్ల దేశంలో కస్టమర్లు చిన్న కారుకు ప్రాధాన్యత ఇస్తున్నారు. అందుకే చాలా మంది చిన్న కార్లను ఎక్కువగా కొంటారు. అయితే చిన్న కారును డ్రైవ్‌ చేసేటప్పుడు కొన్ని కీలక విషయాలను గుర్తుంచుకోవాలి.

రియర్‌ విండో విజిబిలిటీ: మీరు చిన్న కారును సేఫ్‌గా డ్రైవ్‌ చేయాలంటే రియర్‌ విండో విజిబిలిటీ(Rear Window Visibility) చాలా ముఖ్యమైనది. ఎందుకంటే ఇది సంభావ్య ప్రమాదాలను గుర్తించడానికి అడ్డంకులు లేని రియర్‌ వ్యూను అందిస్తుంది. దీన్ని స్పష్టంగా చూడగలిగితేనే ప్రమాదాలను నివారించవచ్చు. చిన్న కార్ల రియర్‌ వ్యూ విండోస్‌ వాటి వెనుక ఉన్న కార్ల గురించి స్పష్టంగా చూపించలేదు.

చిన్న కార్లు ఎక్కువగా చిన్న రియర్‌ విండోలను కలిగి ఉంటాయి. ఇవి విజిబిలిటీ కెపాసిటీని తగ్గిస్తాయి. ఫలితంగా, చిన్న కారు డ్రైవర్ వెనుక భాగాన్ని స్పష్టంగా చూడలేరు. దీని కారణంగా కారులో బ్లైండ్ స్పాట్ ప్రాంతం ఎక్కువగా ఉండే అవకాశం ఉంది. దీంతో రివర్స్‌ తీసే సమయంలో డ్రైవర్‌ మరింత కష్ట పడాల్సి వస్తుంది.

దేశంలో రోడ్లపై వాహనాలను నడపడం పెద్ద సవాలు లాంటిది. కొన్నిచోట్ల ట్రాఫిక్ సమయంలో బ్లైండ్ స్పాట్ ప్రాంతంలో వాహనాన్ని అంచనా వేయలేక డ్రైవర్లు ప్రమాదాలకు గురవుతున్నారు. దీంతో అనేక ప్రమాదాలు చోటుచేసుకున్నాయి. అందువల్ల, లిమిటెడ్‌ వ్యూతో ఉండే చిన్న రియర్‌ విండోలు ప్రమాదాలకు దారితీయడం భద్రతా సమస్య ఏర్పడుతుంది. దీంతో అనేక ప్రమాదాలు చోటుచేసుకున్నాయి.

ముఖ్యంగా హైవేలపై ప్రయాణిస్తున్నప్పుడు బ్లైండ్ స్పాట్ వాహనాల వల్ల చాలా ప్రమాదాలు జరుగుతున్నాయని నివేదికలు వెల్లడిస్తున్నాయి. కాబట్టి చిన్న కార్లు నడిపేటప్పుడు డ్రైవర్‌ చాలా జాగ్రత్తగా ఉండటం అవసరం. ఎలాంటి రోడ్లపై అయినా సరే కారును స్లోగా నడుపుతూ టర్నింగ్‌లు, ఓవర్‌టేక్‌లు చేసేటప్పుడు అప్రమత్తంగా ఉండాలి.

అయితే కొన్ని చిన్న కార్లలో ఈ సమస్యను ఎదుర్కోవడానికి రియర్‌వ్యూ కెమెరాలు మరియు సెన్సార్‌ల వంటి టెక్నాలజీని కలిగి ఉంటాయి. ఇది సాంకేతికంగా బ్లైండ్ స్పాట్‌ను తగ్గించగలదు. దీని ద్వారా ప్రమాదాల అవకాశాలు కూడా చాలా వరకు తగ్గవచ్చు. టెక్నాలజీ సాయంతో కొంచెం ఉపశమనం కలిగిందనే చెప్పవచ్చు.

అయితే చిన్న కార్లకు డిమాండ్‌ ఎక్కువగా ఉండటంతో సాంకేతిక పరికరాలతో తగినంత రియర్‌ వ్యూను నిర్ధారించే డిజైన్‌ల కోసం తయారీదారులు ప్రయత్నించాల్సి ఉంది. ఇందుకోసం సాంకేతిక అభివృద్ధిని పెంచాలి. కొన్ని కార్లు ఈ భద్రతా ఫీచర్ లేని తక్కువ-ధర వేరియంట్‌లను కలిగి ఉంటాయి. దీన్ని మార్చి ప్రయణికుల భద్రత దృష్ట్యా అన్ని వేరియంట్‌లలో ఈ సాంకేతికతను తప్పనిసరి చేయాలి.

మార్కెట్లో చిన్న కార్లలోనూ ఎన్నో రకాల మోడళ్లు అందుబాటులోకి వచ్చాయి. మారుతి సుజుకి ఆల్టో, టాటా నానో, షియోమీ, ఎంజీ కామెట్‌ ఇలా పలు కంపెనీల నుంచి బడ్జెట్‌ ధరలో చిన్న కార్లను విడుదల చేస్తున్నాయి. ఎంజీ కామెట్‌ ఎలక్ట్రిక్‌ వేరియంట్‌లో కస్టమర్లకు అందుబాటులో ఉంది.