మైఖేల్ షుమాకర్ కోమా నుంచి బయటపడుతాడా?

వరుసగా ఏడు సార్లు ఫార్ములా వన్ ఛాంపియన్‌షిప్‌ను గెలిచిన ప్రపంచ ప్రఖ్యాత ఫార్ములా వన్ రేసర్ మైఖేల్ షుమాకర్‌ గడచిన డిసెంబర్ 9, 2013వ తేదిన జరిగిన స్కీయింగ్ యాక్సిడెంట్‌లో తలకు బలమైన గాయం తగలడంతో కోమాలోకి వెళ్లిపోయిన సంగతి తెలిసినదే. అయితే, ఇప్పుడు షుమాకర్‌ను కోమాలో నుంచి బయటుకు తీసుకువచ్చేందుకు వైద్యులు ప్రయత్నిస్తున్నారు.

ఈ విషయాన్ని షుమాకర్ ఏజెంట్ మరియు ఆయనకు చికిత్స అందిస్తున్న వైద్యులు స్పష్టం చేశారు. షుమాకర్ ఏజెంట్ సబిన్ కెమ్ తెలిపిన సమాచారం ప్రకారం, కోమా నుంచి బయటకు తీసుకువచ్చేందుకు షుమాకర్ సెడెషన్‌ను తగ్గించారని, ఇందుకు సుధీర్ఘ కాలం పట్టే అవకాశం ఉందని పేర్కొన్నారు. కోమాలో ఉన్నప్పటికీ, ఆయన ఆరోగ్యం మాత్రం స్థిరంగా ఉన్నట్లు తెలిపారు.

మైఖేల్ షుమాకర్‌ తన కెరీర్‌లో మొత్తం 30,5 ఫార్ములా వన్ రేసుల్లో పాల్గొన్నాడు. అందులో 91 విజయాలు, 7 ఛాంపియన్‌షిప్ టైటిళ్లను షుమీ తన ఖాతాలో వేసుకున్నాడు. చిన్నతనం నుంచే ఫార్ములా వన్ రేస్ పట్ల ఆసక్తి ఉన్న మైఖేలు షుమాకర్, ఫార్ములా వన్ రేస్ ట్రాక్‌పై ఇప్పటి వరకూ 80,000 కిలోమీటర్లకు పైగా టైర్లు అరిగేలా చకర్లు కొట్టాడు.

వివిధ రేస్ ట్రాక్‌ల మైఖేల్ షుమాకర్‌ ప్రయాణించిన మొత్తం దూరం 80,000 కిలోమీటర్లు (49,710 మైళ్లు)ను దాటింది. ఫార్ములా వన్ కార్లలో మైఖేల్ షుమాకర్‌ ఇప్పటి వరకూ చుట్టిన దూరంతో, రెండు సార్లు భూమిని చుట్టి రావచ్చట. 19 ఎఫ్ సీజన్స్ పూర్తి చేసిన తర్వాత అతను మొలురాయిని అధిగమించగలిగాడు.