ఫ్లైట్‌లో ఆల్కహాల్‌ ఎంత సప్లై చేస్తారో తెలుసా.?? త్వరలో మారనున్న గైడ్‌లైన్స్‌.!!

ఇటీవలి కాలంలో విమానాల్లో వింత తరహా ఘటనలు చోటుచేసుకుంటున్నాయి. ఫ్లైట్ జర్నీలో మద్యం తాగి తోటి ప్రయాణికులకు ఇబ్బంది కలిగించడం.. ఆల్కహాల్ మత్తులో ఇష్టారీతిన వ్యవహరించడం లాంటి సంఘటనలు చాలా చోటుచేసుకుంటున్నాయి. ఈ క్రమంలో(Drinking Policy In Flights) ఇలాంటివి పునరావృతం కాకుండా కొత్త నిబంధనలు అమల్లోకి వచ్చే అవకాశం ఉన్నట్లుగా తెలుస్తోంది.

విమానయానం అంటే ఒకప్పుడు ధనవంతులకు మాత్రమే అన్నట్లుగా ఉండేది. కానీ ఇప్పుడు మధ్య తరగతి ప్రజలకు సైతం సరసమైన ధరల్లో అందుబాటులోకి వచ్చాయి. చాలా తక్కువ సమయంలో గమ్యస్థానాలకు చేరుస్తుండటంతో.. ఎక్కువ మంది విమాన సర్వీసులపై ఆధారపడుతున్నారు. ఈ క్రమంలో ఫ్లైట్‌ జర్నీ ఎంత లగ్జరీగా ఉన్నా.. కొన్ని సంఘటనలు ఆందోళన కలిగిస్తున్నాయి.

దేశీయ, అంతర్జాతీయ విమాన సేవల్లో ప్రయాణికులకు అల్పాహారం, భోజనం, పానీయాలు అందిస్తారనే విషయం తెలిసిందే. ఇంకా వైన్‌, విస్కీ లాంటి వాటిని కూడా ప్రయాణికులకు సరఫరా చేస్తారు. అయితే ఇక్కడ కొందరు జర్నీలో అతిగా మద్యం సేవించి కొన్ని వికృత చేష్టలకు పాల్పడుతుండటం ఇటీవల చాలా మందికి ఆందోళన కలిగిస్తోంది.

మత్తులో ఉన్న కొందరు విమాన ప్రయాణికులు(Air India) గతంలో పలు వివాదాస్పద చర్యలకు పాల్పడ్డారు. కొందరైతే అత్యుత్సాహం ప్రదర్శిస్తూ విమానం డోర్లు కూడా తెరిచేందుకు కూడా యత్నించారు. ఇంకా పొగ తాగడం లాంటివి కూడా చేసేవారు. మద్యం మత్తులో ఉన్న విమాన ప్రయాణికులు ఇంతకంటే దారుణమైన చర్యలకు పాల్పడుతున్నారు.

ఈ నేపథ్యంలోనే DGCA (డైరెక్టరేట్ ఆఫ్ సివిల్ ఏవియేషన్) ఇలాంటి పరిస్థితులను ఎదుర్కొనేందుకు ప్రత్యేకంగా 'స్టాండర్డ్ ఆపరేటింగ్ ప్రొసీజర్' (SOP)ని రూపొందించాలని భావిస్తున్నట్లు ఇటీవల సుప్రీంకోర్టుకు తెలియజేసింది. న్యూయార్క్-ఢిల్లీ విమానంలో ప్రయాణించిన 72 ఏళ్ల మహిళ తన చెత్త విమాన ప్రయాణ అనుభవాన్ని అనుసరించి దాఖలు చేసిన కేసులో DGCA ఈ సమాచారాన్ని వెల్లడించింది.

ఈ రకమైన వాతావరణంలో, ప్రయాణ సమయంలో విమాన ప్రయాణీకుడికి ఎంత మద్యం అందిస్తారు అనే సందేహం చాలా మందికి ఉంటుంది. ముఖ్యంగా, ఎయిర్ ఇండియా ఆన్ బోర్డ్ డ్రింకింగ్ పాలసీకి అనుగుణంగా మేము ఈ సమాచారాన్ని ఇక్కడ అందిస్తున్నాము. విమాన ప్రయాణంలో అందరికీ మద్యం అందించబడదు. 18 ఏళ్లు నిండిన వారికి మాత్రమే మద్యం అందిస్తున్నారు.

ఇది బ్రాందీ లేదా విస్కీ వంటి అత్యంత మత్తునిచ్చే మద్యం అయితే, ఒక వ్యక్తికి ఒక చిన్న సీసా మాత్రమే అందిస్తారు. అది బీర్ అయితే 12 ఔన్సులు, లేదా వైన్ అయితే ఫుల్ గ్లాస్. ఒకసారి మాత్రమే సర్వీస్‌ చేస్తారు. అలాగే, ఎయిర్ ఇండియా తన డ్రింకింగ్‌ పాలసీలో నాలుగు గంటల కంటే తక్కువ వ్యవధి గల విమానాల్లో రెండు కంటే ఎక్కువ పానీయాలు అందించకూడదని పేర్కొంది.

ప్రత్యేకంగా, ప్రతి రౌండ్ మధ్య మూడు గంటల గ్యాప్ ఉంటుందని కూడా ఎయిర్‌ ఇండియా పేర్కొంది. ప్రయాణికులు సీటు నుంచి మద్యం తాగాల్సి వస్తోంది. అలాగే సీటుపై కూర్చొని ఆ వైన్ తాగాలి. అయితే, అలాంటి నిబంధనలు బిజినెస్ క్లాస్ ప్రయాణికులకు వర్తించవు. అదే సమయంలో, ప్రయాణీకులు కొంచెం రూడ్‌గా ఉన్నా కూడా వెంటనే మద్యపానాన్ని నిలిపివేయవచ్చని కూడా నిబంధనలు పేర్కొంటున్నాయి.

పై సమాచారం ప్రకారం విమానంలో మైనారిటీ తీరని ఎవరికైనా సరే మద్యం అందించబడదని స్పష్టమైంది. ఇది ఎయిర్ ఇండియా అధికారిక సమాచారం అని కథనాలు కూడా వెల్లడిస్తున్నాయి. అయితే ప్రస్తుత ఘటనను బట్టి చూస్తే రానున్న రోజుల్లో విమానయాన సంస్థలు ఎవరికీ మద్యం సరఫరా చేయని పరిస్థితి వచ్చే అవకాశం కనిపిస్తోంది.