ఎవరికీ తెలియకుండా రూ.10 కోట్ల కారు కొన్న పుష్ప విలన్..ఈ కారు ఎంత స్పీడ్‌గా వెళ్తుందో తెలుసా?

కొత్త కారు కొనడం అనేది చాలామంది కల. అందులోనూ అత్యంత విలాసవంతమైన ఫెరారీ లాంటి కారు కొనడం సెలబ్రిటీలకే సాధ్యం. ముఖ్యంగా కేరళ సినీ పరిశ్రమలో సూపర్ కార్లంటే హీరోలకు చాలా ఆసక్తి. లంబోర్గినీ, పోర్షే, మెర్సిడెస్-బెంజ్, ల్యాండ్ రోవర్ వంటి లగ్జరీ కార్ల కలెక్షన్‌ ఉన్న నటుడు ఫహద్ ఫాసిల్ (Fahadh Faasil). ఆయనకు కార్లంటే ఎంత ఇష్టమో మరోసారి రుజువైంది.

సినిమా హీరోహీరోయిన్లు లగ్జరీ కార్లు కొనడం చాలా కామన్. కానీ మలయాళ స్టార్ ఫహద్ ఫాసిల్ మాత్రం ఈ విషయంలో ఒక అడుగు ముందే ఉంటాడు. ఇప్పటికే ఆయన గ్యారేజీలో ఎన్నో ఖరీదైన కార్లు ఉన్నాయి. ఇప్పుడు వాటికి అదనంగా మరో కొత్త కారు చేరింది.

అయితే ఈ కారు మామూలుది కాదు.. ఏకంగా రూ.10 కోట్లు విలువ చేసే ఫెరారీ ప్యురోసాంగ్ (Ferrari Purosangue). దీని గురించి ఆయన పెద్దగా ప్రచారం చేసుకోలేదు, కానీ ఈ కొత్త కారు గురించి తెలిసిన ఫ్యాన్స్ అవాక్కవుతున్నారు.

మలయాళంలో లగ్జరీ కార్లు ఎక్కువగా కొనే నటుల్లో ఫహద్ ఫాసిల్ పేరు టాప్‌లో ఉంటుంది. ఆయన దగ్గర లంబోర్గిని, పోర్షే, మెర్సిడెస్-బెంజ్, ల్యాండ్ రోవర్ వంటి ప్రపంచ ప్రఖ్యాత బ్రాండ్ల కార్లు ఉన్నాయి. తాజాగా ఆయన ఫెరారీ బ్రాండ్ నుంచి సరికొత్త ప్యురోసాంగ్ కారును కొన్నారు. ఈ కారు ధర రూ.10.50 కోట్ల నుంచి మొదలవుతుంది. అయితే ఆప్షనల్ ఫీచర్లు కలుపుకుంటే దీని ధర ఆన్-రోడ్ సుమారు రూ. 13-15 కోట్ల వరకు ఉంటుందని అంచనా.

ఫెరారీ సాధారణంగా స్పోర్ట్స్ కార్లను తయారు చేస్తుంది. కానీ ఈ ప్యురోసాంగ్, ఫెరారీ సంస్థ తయారు చేసిన మొట్టమొదటి ఎస్‌యూవీ. ఈ కారులో డ్రైవర్‌తో పాటు మరో ముగ్గురు కూర్చోవచ్చు. దీని ఇంజిన్ చాలా పవర్ఫుల్. ప్యురోసాంగ్‌లో 6.5 లీటర్, V12 ఇంజిన్ ఉంది. ఇది 715 బీహెచ్‌పీ పవర్, 716 ఎన్ఎమ్ టార్క్ ను ఉత్పత్తి చేస్తుంది.

ఇది కేవలం 3.3 సెకన్లలో 0 నుంచి 100 కిలోమీటర్ల వేగాన్ని అందుకుంటుంది. ఈ కారు గంటకు గరిష్టంగా 310 కి.మీ. వేగంతో ప్రయాణించగలదు. ఇందులో 8-స్పీడ్ DCT ఆటోమేటిక్ ట్రాన్స్‌మిషన్ ఉంది.

ఫహద్ ఫాసిల్ కొన్న ప్యురోసాంగ్ కారు కంప్లీట్ వైట్ కలర్లో ఉంటుంది. ఫెరారీ దీన్ని బియాంకో సెర్వినో అని పిలుస్తుంది. అలాగే కారు లోపల భాగం యువతను ఆకట్టుకునేలా లైట్ బ్లూ కలర్లో ఉంది. ఈ బ్లూ కలర్‎ను అజుర్రో శాంటోరిని అని అంటారు. బయట తెలుపు, లోపల నీలం రంగుల కలయిక ఈ కారుకు ప్రత్యేక ఆకర్షణను తెస్తుంది.

సాధారణంగా ఫెరారీ షోరూమ్‌లు భారతదేశంలో ఢిల్లీ, ముంబై, బెంగళూరులలో మాత్రమే ఉన్నాయి. ఫహద్ కేరళకు దగ్గరగా ఉన్న బెంగళూరు షోరూమ్ నుంచే ఈ కారును కొనుగోలు చేసి ఉంటారని అందరూ భావించారు, కానీ ఆయన ఢిల్లీ షోరూమ్ నుంచి ఈ కారును తీసుకున్నారని వార్తలు చెబుతున్నాయి. అయితే, కారు డెలివరీ సమయంలో ఫహద్ ఫాసిల్ కారుతో కలిసి ఫోటోలు దిగలేదని సమాచారం. ఆయన సాధారణంగా కొత్త కార్లను నేరుగా ఇంటికే తెప్పించుకుంటారు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.