ఫాస్ట్ అండ్ ఫ్యూరియస్ 6లో వళ్లు గగుర్పొడిచే కార్ యాక్సిడెంట్స్!

Updated: Wednesday, May 29, 2013, 17:27 [IST]

ఫాస్ట్ అండ్ ఫ్యూరియస్.. ఈ హాలీవుడ్ చిత్రం గురించి కార్ ప్రియులకు కొత్తగా పరిచయాలు చేయాల్సిన అసరం లేదు. ఇప్పటి వరకూ ఐదు విజయవంతమైన సీక్వెల్‌లను తన ఖాతాలో వేసుకున్న ఈ చిత్రం తాజాగా 6వ సీక్వెల్‌తో 'ఫాస్ట్ అండ్ ఫ్యూరియస్ 6'గా ఈనెల 24న అంతర్జాతీయంగా విడుదలైన సంగతి తెలిసినదే. ఇదివరకటి సీక్వెల్స్ కనీ వినీ ఎరుగని రీతిలో ఈ 6వ సీక్వెల్‌ను తీర్చిదిద్దారు.

ఫాస్ట్ అండ్ ఫ్యూరియస్ 6 సినిమాలో చిత్ర విచిత్రమైన కార్లను, జంబో ట్రక్కులను చూడొచ్చు. ఆశ్చర్యకరమైన విషయం ఏంటంటే, ఈ చిత్రంలో సుమారు 300 లకు పైగా కార్లను నాశనం చేశారట. మరొక ఆసక్తికరమైన విషయం ఏంటంటే, ఈ సినిమా భారత్‌లో విడుదలైన మొదటి 5 రోజుల్లోనే 24 కోట్లకు పైగా ఆర్జించింది. ఈ చిత్రంలో వేగంగా పరుగులు పెట్టే కస్టమైజ్డ్ కార్లు, అందమైన భామలు ప్రధాన ఆకర్షణగా నిలుస్తాయి.

ఈ లేటెస్ట్ సీక్వెల్ ఫాస్ట్ అండ్ ఫ్యూరియస్ చిత్రంలో, నిస్సాన్ జిటిఆర్, చెవర్లే కమారో, ఫెరారీ ఎన్జో, బిఎమ్‌డబ్ల్యూ ఎమ్5, ఫోర్డ్ మస్టాంగ్ వంటి శక్తివంతమైన సూపర్ కార్లను ఉపయోగించారు. మరి ఈ ఫాస్ట్ అండ్ ఫ్యూరియస్ 6 చిత్రంలో కొన్ని సన్నివేశాలను ఫొటోలు, వీడియోల ద్వారా మనం కూడా తిలకిద్దాం రండి..!