ఫస్ట్ టైమ్ కార్ డ్రైవ్ చేయడానికి సిద్దమైన కుమార్తెతో తండ్రి ఫన్నీ [వీడియో]

అమ్మాయిల విషయానికి వస్తే, ప్రతి అమ్మాయి జీవితంలో దాదాపు ఆమె తండ్రే మొదటి హీరో, కావున ప్రతి అమ్మాయికి ఎక్కువగా వారి తండ్రితో చాలా అనుబంధం ఉంటుంది. ఇటీవల ఒక వీడియో బయటపడింది. ఈ వీడియోలో ఒక అమ్మాయి తాను మొదట సారి కార్ డ్రైవ్ చేయడానికి తన తండ్రి కోసం వేచి ఉంటుంది. ఈ సమయంలో ఆ అమ్మాయి తండ్రి చేసిన పని నిజంగా చాలా హాస్యాస్పదంగా ఉంటుంది.

ఈ వీడియోలో మీరు గమనించినట్లయితే, ఒక అమ్మాయి మొదటిసారి కారు నడుపుతున్నప్పుడు, ఆమె తండ్రి తనకు క్రాష్ టెస్ట్ లో ఉపయోగించుకునే డమ్మీ బొమ్మ మాదిరిగా ఉండే దుస్తులు వేసుకుని కనిపిస్తాడు. ఈ వీడియో ఇప్పుడు సోషల్ నెట్‌వర్కింగ్ సైట్లలో వైరల్ గా మారింది.

ఆ అమ్మాయి డ్రైవర్ సీట్లో ఉంటే, ఆమె తండ్రి ప్యాసింజర్ సీట్లో ఆ డమ్మీ డ్రెస్ వేసుకుని కూర్చున్నాడు. ఇలాంటి డ్రెస్ క్రాష్ టెస్ట్ లో ఉపయోగించే మాదిరిగా ఉంటుంది. వీటి ద్వారానే క్రాష్ టెస్ట్ లో కారు ఎంత సురక్షితమైనదో తెలుస్తుంది. అంతే కాకుండా ఈ టెస్టులో కార్లు దెబ్బతింటాయి, దీన్ని బట్టి వాటి భద్రతా ప్రమాణాలను నిర్దారిస్తారు.

ఈ క్రాష్ టెస్ట్ లో ఉపయోగించిన డమ్మీ మాదిరిగానే అమ్మాయి తండ్రి దుస్తులు ధరించాడు. ఈ వీడియో చాలా మంది దృష్టిని ఆకర్షించింది. ఈ వీడియో ఫన్నీ అని కొంతమంది వ్యాఖ్యానించారు. మరికొందరు ఈ వీడియోపై అభ్యంతరం వ్యక్తం చేశారు. ఎందుకంటే ఆమె తండ్రి ఈ విధంగా ప్రవర్తించినందుకు తన కుమార్తెకు క్షమాపణ చెప్పాలని తండ్రిని కోరారు.

ఆ అమ్మాయి చేసిన ఈ చర్య ఆమెలో ఉన్న నమ్మకాన్ని దెబ్బతీస్తుందని కొందరు వ్యాఖ్యానించారు. ప్రతి తండ్రి తమ పిల్లల్లో విశ్వాసాన్ని పెంచేలా ప్రవర్తించాలని చెప్పారు. ఈ వీడియో చూసిన వారిలో చాలామంది దీన్ని కామెడీగా చూసారు. మరికొందరు కొన్ని అభ్యంతరాలను వ్యక్తం చేశారు.

గ్లోబల్ ఎన్‌సిఎపి నుండి సేఫ్టీ రేటింగ్ పొందడానికి కార్లకు క్రాష్ పరీక్షలు చాలా ప్రధానమైనవి. భారతదేశంలో టాటా నెక్సాన్, టాటా ఆల్ట్రోజ్ మరియు మహీంద్రా ఎక్స్‌యువి 300 వంటి కార్లు గ్లోబల్ ఎన్‌సిఎపి నుండి 5 స్టార్ సేఫ్టీ రేటింగ్‌ కైవసం చేసుకున్నాయి. ఇవన్నీ చాలా సురక్షితమైనవని గ్లోబల్ ఎన్‌సిఎపి అధికారికంగా ప్రకటించింది.