రండి.. ఫియట్ కెఫేలో వేడి వేడి కాఫీ తాగొద్దాం..!!

ఇంకేముంది, ఎంతటి వారైనా ఈ ప్రశాంతమైన వాతావరణానికి తలొగ్గి ఎవ్వరైనా ఫియట్ కార్లపై ఓ లుక్కేయాల్సిందే. అంతేకాకుండా, ఈ కెఫేలో ఫియట్ ఆటోమొబైల్ చరిత్రను తెలియజెప్పే ఫోటోలు, మోడల్ కార్లను కూడా గమనించవచ్చు. ఇంకా, ప్రస్తుతం ఫియట్ ఇండియా మార్కెట్లో అందిస్తున్న పుంటో హ్యాచ్‌బ్యాక్, లీనియా సెడాన్‌లను ఇక్కడ ప్రదర్శనకు ఉంచడమే కాకుండా, టెస్ట్ డ్రైవ్‌లను కూడా ఆఫర్ చేస్తుంది.

ఫియట్ కెఫేలో వివిధ రకాలు కాఫీ, టీ, స్నాక్స్, డిసెర్ట్స్ లభిస్తాయి. వీటి ధరలు, ఇతర వివరాలను ఫియట్‌కెఫే అధికారిక వెబ్‌సైట్‌లో పొందవచ్చు. న్యూఢిల్లీలోని టోల్‌స్టాయ్ మార్గ్‌లో ఫియట్ కెఫేను ఏర్పాటు చేశారు. ఇండియాలో మనకు ఫియట్ కెఫే కొత్త కావచ్చు కానీ, ప్రపంచ వ్యాప్తంగా ఫియట్‌కు ఇలాంటి కెఫేలు చాలానే ఉన్నాయి. ఈ కెఫేలలో ఫెరారీ, లాన్సియా, ఆల్ఫా రోమియో, మాసేరటి వంటి బ్రాండ్‌లు ప్రదర్శించబడుతాయి.