వేలంలో రూ.3.10 లక్షల ధర పలికిన 'ఏకె-47'

సాధారణంగా రిజిస్ట్రేషన్ నెంబర్‌కు అయ్యే ఖర్చు రూ.10,000. అయితే, వేలంలో ఏకె-47 నెంబర్ ఏకంగా రూ.3.10 లక్షల వెల పలికింది. పంజాబ్‌కు చెందిన ఓ వ్యక్తి ఈ నెంబర్‌ను సొంతం చేసుకున్నారు. తన లగ్జరీ కారు కోసం ఈ నెంబర్‌ను కొనుగోలు చేసినట్లు ఆయన తెలిపారు. ఇది చంఢీఘడ్‌లో ప్రారంభించిన లేటెస్ట్ నెంబర్ సిరీస్. దీని పూర్తి నెంబర్ 'సిహెచ్01-ఏకె-0047'. ఏకె-47 అనేది అత్యంత ప్రాచుర్యం పొందిన మారణాయుధం పేరు.

కానీ, ఏకె-56 నెంబర్ కూడా ఇలాంటి ఆయుధం పేరే. అయితే, ఈ నెంబర్ మాత్రం కేవలం రూ.10,000 లకే అమ్ముడుపోయింది. చంఢీఘడ్ రిజిస్ట్రేషన్ అండ్ లైసెన్సింగ్ అథారిటీ అధికారులు నిర్వహించిన ఫ్యాన్సీ నెంబర్ల వేలంలో 0007 నెంబర్ రూ.4.21 లక్షలకు, 0005 నెంబర్ రూ.3.25 లక్షలకు మరియు 0001 నెంబర్ రూ.3.1 లక్షలకు అమ్ముడుపోయాయి.93 ఫ్యాన్సీ నెంబర్ల విక్రయం ద్వారా సుమారు రూ.48 లక్షలకు పైగా సొమ్మను ఛండీఘడ్ అధికారులు సొంతం చేసుకున్నారు.