కు.ని ఆపరేషన్ చేయించుంటే టాటా నానో గెలిచే అవకాశం

Published: Friday, July 1, 2011, 13:41 [IST]

నానాటికీ పెరిగిపోతున్న జనాభాను అదుపు చేసేందుకు రాజస్థాన్ మెడికల్ అండ్ హెల్త్ డిపార్ట్‌మెంట్ అధికారులు ఓ వినూత్న ప్రణాళికతో ముందుకొచ్చారు. జనాభా పెరుగుదలకు చెక్ పెట్టేందుకు కుటుంబ నియంత్రణ (కు.ని.) ఆపరేషన్ల పట్ల ప్రజల్లో అవగాహన కల్పించేందుకు రాజస్థాన్‌లోని జుంజును జిల్లా ఆరోగ్య శాఖ అధికారులు ఓ బంపర్ ఆఫర్‌ను ప్రకటించారు. కు.ని. ఆపరేషన్లు చేయించుకున్న నానో కారు గెలుచుకోవచ్చంటూ సరికొత్త ప్రచారాన్ని ప్రారంభించింది. కేవలం నానే కారో కాదండోయ్.. మోటార్‌సైకిళ్లు, టివి సెట్‌లు, మిక్సర్-గ్రైండర్లు వంటి బహుమతులను కూడా గెల్చుకోవచ్చు.

ఈ బంపర్ ప్రైజుల్లో ఒక టాటా నానో కారు, ఆదు మోటార్‌సైకిళ్లు, ఐదు 21" కలర్ టి.వి.లు, ఏడు మిక్సర్-గ్రైండర్లు ఉన్నాయని, జిల్లాలో కుటుంబ నియంత్రణను ప్రోత్సహించాలనే లక్ష్యంతో ఈ ప్రణాళిక సిద్ధం చేశామని జుంజును ఛీఫ్ మెడికల్ ఆఫీసర్ సీతారామ్ శర్మ వెల్లడించారు. 2011 జనాభ లెక్కల ప్రకారం, జుంజునులో గడచిన పదేళ్లలో జనాభ వృద్ధి రేటు 11.8 శాతం పెరిగింది. కాగా.. జనాభ పెరుగుదలను అదుపు చేసేందుకు ఈ తరహా పథకాలను ఇతర రాష్ట్రాలలో కూడా ప్రవేశపెడితే బాగుంటుందని నిపుణులు సలహా ఇస్తున్నారు.

Article Published On: Thursday, June 30, 2011, 18:05 [IST]

English summary

The Tata Nano is the latest offering to be provided to people who get themselves sterilized in Rajastan. The Rajastan medical and health department in bid to encourage men to take up the family planning operation is luring them by a scheme in which lucky dip winners can win several goodies including a Tata Nano. The scheme which has been launched in the district of Jhunjhunu also offers winners motorcycles, TVs and mixer grinders.

More from DriveSpark