వర్షాకాలంలో ఘాట్ రోడ్ డ్రైవింగ్ టిప్స్..!!

1. ఇన్సూరెన్స్ మరియు వాహన పత్రాలు :

వర్షాకాలంలో ఘాట్ రోడ్ డ్రైవింగ్‌లో ఇన్సూరెన్స్ మరియు వాహన పత్రాలు తప్పని సరిగా వెంట తీసుకెళ్లాలి. ప్రమాదాలు జరిగే అవకాశం ఉంది. ప్రమాదం జరిగినపుడు అన్ని పత్రాలు సమర్పించాల్సి ఉంటుంది.

2. వేగాన్ని నియంత్రించుకోవాలి :

ఘాట్ రోడ్ డ్రైవింగ్‌లో సాధ్యమైనంత వరకూ వేగాన్ని నియంత్రించుకోవాలి. మలుపుల్లో ఎదురు వాహనాలు కన్పించవు కాబట్టి మన జాగ్రత్తలో మనం ఉండాలి. తడి వాతావరణంలో జాగ్రత్తగా డ్రైవ్ చేయాలి.

3. టైర్లను చెక్ చేసుకోవాలి :

రోడ్డుతో సంభందం కలిగి ఉండేవి టైర్లు మాత్రమే. కాబట్టి మొదట టైర్లను చెక్ చేసుకోవాలి. రుపాయి బిళ్లతో త్రెడ్ లోతును పరీక్షించాలి. కనీసం 1.6 మి.మీ లోతు ఉండాలి. లేకపోతే టైర్లను మార్చడం మంచిది.

4. వైపర్స్‌ను చెక్ చేసుకోవాలి :

కారు అద్దాన్ని వర్షపు నీటితో నిండుకోకుండా వైపర్స్‌ చాలా ఉపయోగపడుతాయి. కాబట్టి వైపర్స్‌ సరిగ్గా పని చేస్తున్నాయా అని చెక్ చేసుకోవాలి. లేకుంటే దారి కనపడకుండా ఉంటుంది.

5. హెడ్‍‌లైట్స్ వాడండి :

వర్షం వల్ల పగలు కూడా రాత్రి మాదిరి మబ్బుగా కన్పించని విధంగా ఉంటుంది. అప్పుడు హెడ్‍‌లైట్స్ వాడటం ద్వారా మనం వెలుతురును పొందవచ్చు.

6. సరైన గేర్‌లో నడపాలి :

ఘాట్ రోడ్ డ్రైవింగ్‌లో క్రిందకి దిగుతున్నప్పుడు న్యూట్రల్‌లో నడుపుతుంటారు. న్యూట్రల్‌లో ఒక్కో సారి బ్రేక్‌లు పని చేయవు. కాబట్టి వాహనాన్ని గేర్‌లో నడపడం ఉత్తమం.

7. తరచు గేర్‌ను తగ్గించాలి :

ఘాట్ రోడ్ డ్రైవింగ్‌లో ఎక్కువ వేగంతో వెళ్లడం సాధ్యం కాదు. కాబట్టి పరిస్థితిని బట్టి తరచు గేర్‌ను తగ్గించాలి.

8. హార్న్‌ను వాడండి :

ఘాట్ రోడ్ డ్రైవింగ్‌లో మలుపులో ముందున్న వాహనాలు కన్పించవు. హార్న్‌ను వాడటం వలన అవతలి వాహనానికి సంకేతం ఇచ్చినట్లు అవుతుంది.

9. దారి ఇచ్చి నడపండి :

ఘాట్ రోడ్ డ్రైవింగ్‌లో రోడ్డు మొత్తం మీరే ఆక్రమించకుండా అవతలి వాహనానికి దారి ఇచ్చి నడపండి. అప్పుడు ప్రమాదాలు జరిగే అవకాశం ఉండదు.

10. అన్ని డిస్టార్షన్స్‌ను దూరం చేయండి :

ఘాట్ రోడ్ డ్రైవింగ్‌లో స్టీరియో మరియు ప్యాసింజర్ వంటి అనవసర శబ్దాలను దూరం చేయండి. సెల్‌ఫోన్‌ను అసలు వాడకండి . పరధ్యానం వాహనం నడపటం మంచిది కాదు.

11. ఓవర్‌టేకింగ్ తగ్గిచండి :

ఘాట్ రోడ్ డ్రైవింగ్‌లో చాలా వరకు ముందున్న వాహనాలను ఓవర్‌టేకింగ్ చేయడం తగ్గిచండి. ఓపికతో వాహనాన్ని నడపండి.

12. నీటిలో నడపడం :

నీటి గుండా వాహనాన్ని నడపడం అత్యంత ప్రమాదకరం. తప్పక నీటిలో నడపాల్సివస్తే ఒకటో గేర్‌లో నెమ్మదిగా వాహనాన్ని నడపండి.

13. అనువైన ప్రాంతంలో నిలపండి :

ఘాట్ రోడ్ డ్రైవింగ్‌లో వాహనాన్ని నిలపాల్సి వస్తే విశాలంగా అనువైన ప్రాంతంలో నిలపండి. దీని ద్వారా ప్రమాదాలను నివారించవచ్చు.

చివరిమాట

వర్షాకాలంలో ఘాట్ రోడ్ డ్రైవింగ్‌లో పాటించవలసిన టిప్స్ తప్పక పాటించండి. క్షేమంగా గమ్యాన్ని చేరుకోండి........

Also Read : మరిన్ని ఆసక్తికర విషయాలు