చిల్లర ఇవ్వడంలో ఆలస్యం చేశారని పెట్రోల్ స్టేషన్‌లో నిప్పంటించిన కస్టమర్

పెట్రోల్ బంకుల్లో ఆలస్యమైందనే కారణంతో కేరళ రాష్ట్రంలోని కొడకర ప్రాంతంలో ఓ వ్యక్తికి నిప్పించాడు. ఈ సంఘటన మొత్తం పెట్రోల్ స్టేషన్‌లో ఏర్పాటు చేసిన సీసీటీవీ కెమెరాలో రికార్డయ్యింది.

ఈ ఘటనలో నిప్పుంటుకున్న వ్యక్తి దిలీప్‌‌గా గుర్తించారు. దిలీప్‌ను 25 శాతం కాలిన గాయాలతో సమీపంలోని మెడికల్ కాలేజ్ హాస్పిటల్‌లో చేర్చారు. వివరాల్లోకి వెళితే, పెట్రోల్ పట్టించుకున్న వ్యక్తి మరియు పెట్రోల్ పట్టించుకోవడానికి వచ్చిన వ్యక్తి మధ్య జరిగిన వాగ్వాదంతో ఈ ఘర్షణ చోటు చేసుకుంది.

వినీత్ అనే వ్యక్తి పెట్రోల్ కోసం వేచి ఉన్నాడు, అదే సమయంలో దిలీప్ పెట్రోల్ పట్టించుకుని వెనక్కి వచ్చిన మొత్తాన్ని లెక్కపెడుతున్నాడు. 2000 రుపాయల నోటు ఇవ్వడంతో పెట్రోల్ బంకు ఉద్యోగికి 10 రుపాయల నోట్ల రూపంలో వెనక్కి ఇవ్వడంతో లెక్కించడంలో ఆలస్యం అయ్యింది. దీంతో వినీత్ దిలీప్‌తో గొడవకు దిగాడు.

కోపంతో ఊగిపోయిన వినీత్ అప్పటికే పెట్రోల్ నింపి ఉంచిన ప్లాస్టిక్ బాటిల్‌ను చేతిలోకి తీసుకొని దిలీప్ మీద వేయబోయాడు. అయిచే, దిలీప్ దాన్ని లాక్కొని పెట్రోల్ బంకు ఉద్యోగిని చేతికి ఇవ్వబోతుండగా మళ్లీ లాగేసుకున్న వినీత్ వెంటనే ఆ పెట్రోల్‌ను దిలీప్ మీద పోసి నిప్పంటించాడు.

క్షణాల్లో దిలీప్ మరియు ఆయన బైకును మంటలు చుట్టుముట్టాయి. వెనక్కి వచ్చిన చిల్లర నోట్లను లెక్కిస్తున్న దిలీప్ స్నేహితుడు, వెంటనే అక్కడికి వచ్చి దిలీప్‌ను రక్షించి బుద్ధిలేని పని చేసిన వినీత్ మీద రాయితో దాడి చేశాడు.

దిలీప్ బైకు హీరో కరిజ్మా మంటల్లో పూర్తిగా కాలిపోయింది. నిప్పంటుకున్న దిలీప్ 20 నుండి 25 శాతం కాలిన గాయాలతో ఆసుపత్రిలో చేరాడు. పెట్రోల్ స్టేషన్ ఉద్యోగులు అగ్నిమాపక పరికరాలు ఉపయోగించి మంటలను అదుపు చేశారు.

అదృష్టవశాత్తు పెట్రోల్ నింపే మెషీన్లకు నిప్పంటుకోలేదు. విచక్షణ కోల్పోయే చేసే పనులు ఎంతటి తీవ్రమైన పరిణామాలకు దారితీస్తాయనడానికి ఇదొక చక్కటి ఉదాహరణ.