భర్తతో గొడవ.. నడిరోడ్డులో రేంజ్ రోవర్ కారుపైకెక్కిన భార్య, ఆ తర్వాత ఏం జరిగిందో మీరే చూడండి

భార్యా భర్తల గొడవ కారణంగా ట్రాఫిక్ ఎక్కువ కావడంతో ఒక లైన్ బ్లాక్ చేయబడింది. ఇది రహదారిపై ఎక్కువ సేపు జామ్‌కు కారణమైంది. ట్రాఫిక్ పోలీసులు కూడా అక్కడికి చేరుకున్నప్పటికీ వారు గొడవను నిలువరించలేకపోయారు. కానీ కొంతవరకు ట్రాఫిక్ ని నియంత్రించడానికి ప్రయత్నించారు.

ఇక్కడ జరిగిన గొడవకు సంబంధించిన పూర్తి సమాచారం అందుబాటులో లేదు. కానీ ఈ వీడియోను ఆ పరిసర ప్రాంతంలో బాల్కనీలో నిలబడి ఉన్న వ్యక్తి తీశారు. ఆ మహిళ తన ల్యాండ్ రోవర్ రేంజ్ రోవర్‌ను తన చెప్పులతో కొడుతూ గట్టిగా అరవడం మనం ఈ వీడియోలో చూడవచ్చు. ఆమె కారు బోనెట్ పైకి ఎక్కి ముందు విండ్ షీల్డ్ మీద తన చెప్పుతో కొడుతుంది.

ల్యాండ్ రోవర్ రేంజ్ రోవర్ లో ఉన్న భర్త కొన్ని నిమిషాల తరువాత కార్ విండో కొంచెం ఓపెన్ చేసాడు. ఆమె వెంటనే కార్ విండో ని పగులగొట్టటానికి ప్రయత్నించింది. ఈ వీడియోలో మనం గమనించినట్లయితే వీడియో చివరలో భర్త నెమ్మదిగా కారు ముందుకు నడుపుతాడు. ఆ స్త్రీ అతనిని వెంబడించడాన్ని చూడవచ్చు.

భార్య రోడ్డుపై భర్తను వెంబడించింది మరియు రేంజ్ రోవర్ పక్కన నిలిపి ఉంచిన హ్యుందాయ్ క్రెటా కూడా ఆమెకు చెందినది. ఆమె కొంతకాలం రేంజ్ రోవర్‌తో పాటు దీనిని ఉపయోగిస్తోంది.

ఈ సంఘటన జరిగిన సమయంలో ట్రాఫిక్ పోలీసులు కూడా అక్కడే నిలబడి ఉన్నట్లు వీడియోలో చూపిస్తుంది. ఈ ట్రాఫిక్ పోలీసులు వారి గొడవలో కల్పించుకోలేదు, అయితే అయితే రోడ్డుపై ట్రాఫిక్ కి కారణం కావడం వల్ల పోలీసులు తమ హ్యుందాయ్ క్రెటాకు ఇ-చలాన్ జారీ చేశారు.

భారతదేశంలో రోడ్డుపై గొడవలు పడటం అనేది చాలా తక్కువగా చూస్తూ ఉంటాము. ఏదేమైనా రహదారి మధ్యలో గొడవలు చేయడం అనేది చుట్టుపక్కల వాహనదారులకు కూడా చాలా ఇబ్బందికరంగా ఉంటుంది.