Click it and Unblock the Notifications
అమీర్ ఖాన్ 'డెల్లీ బెల్లీ' అడల్ట్ సినిమాకు లీగల్ నోటీసులు!
ఈ విషయంపై తమ లీగల్ టీమ్ దృష్టి సారించిందని, ఈ సినిమా క్లిప్పింగ్లను పరిశీలించిన తర్వాత ఏవైనా అభ్యంతరకరమైన వ్యాఖ్యలు కనిపిస్తే చట్టపరమైన చర్యలు తీసుకుంటామని భారదేశపు రెండవ అతిపెద్ద కార్ల తయారీ కంపెనీ అయిన హ్యుందాయ్ మోటార్ ఇండియా లిమిలెడ్ (హెచ్ఎమ్ఐఎల్) అధికార ప్రతినిధి ఒకరు తెలిపారు.
అయితే సినిమా చిత్రీకరణలో నిర్మాతలు సదరు కార్ బ్రాండ్ కనపడకుండా ఉండేలా జాగ్రత్తలు తీసుకున్నారు. చూడటానికి అచ్చం హ్యుందాయ్ శాంత్రోలా ఉండే ఈ కారుపై డెల్లీ బెల్లీ సినిమాలో కొన్ని అభ్యంతకరమైన డైలాగులు కూడా ఉన్నాయని ఆయన తెలిపారు. డెల్లీ బెల్లీ సినిమాను అమీర్ ఖాన్ ప్రొడక్షన్, యూటీవీ మోషన్ ఫిక్చర్లు సంయుక్తంగా నిర్మించాయి.
ఈ విషయంపై అమీర్ ఖాన్ ప్రొకడక్షన్ ప్రతినిధిని సంప్రదించగా.. ఏ మోటార్ కంపెనీ నుంచి తమకు ఎలాంటి లేఖ కానీ, సమాచారం కానీ లేదని తెలిపారు. హ్యుందాయ్ శాంత్రో మోడల్ను ఐ10 ఓవర్టేక్ చేయక ముందుకు కంపెనీ బెస్ట్-సెల్లింగ్ మోడల్గా ఉండేది.
ఇకపోతే డెల్లీ బెల్లీ సినిమా కేవలం పెద్దలకు మాత్రమే. ఇదో అడల్ట్ కామెడీ మూవీ. అమీర్ ఖాన్ తన మేనల్లుడు ఇమ్రాన్ ఖాన్తో ఈ సినిమాను నిర్మాంచారు. ఈ సినిమాలో ఓ పాట కూడా కాపీ రైట్ వివాదంలో చిక్కుకుంది. జూలై 1వ తేదీన విడుదలైన ఈ సినిమా మాత్రం ప్రేక్షకులనుంచి మంచి ఆదరాభిమానాలను పొందుతోంది.
Continue with Google