మీ కారు బ్లాక్‌ ప్లాస్టిక్‌ ప్యానెల్‌ ఎప్పుడూ కొత్తగా ఉండాలంటే.. ఈ టిప్స్ తప్పనిసరి

కారును చూడగానే మొదటగా ఎవరినైనా ఆకట్టుకునేది దాని డిజైన్‌. స్టైలిష్‌ లుక్‌తో ఫ్రంట్‌, బ్యాక్‌, సైడ్స్‌ భాగాలను కార్ల తయారీదారులు చాలా ఆకర్షణీయంగా తయారుచేస్తారు. ఆ డిజైన్‌లో ముఖ్యమైనది బ్లాక్‌ ప్లాస్టిక్‌ బాడీ ప్యానెల్స్‌.. అయితే దీన్ని సరిగ్గా మెయింటైన్‌ చేయకపోతే త్వరగా మసకబారిపోతుంది. దీంతో కొత్త కారు కాస్త త్వరగా పాత కారుగా కనిపిస్తుంది.

రోడ్డుపై ప్రయాణిస్తున్నప్పుడు అధిక వేడి మరియు ధూళి కారణంగా కారు బ్లాక్‌ ప్లాస్టిక్‌ బాడీ ప్యానెల్స్‌.. త్వరగా ప్రభావితమై మురికిగా కనిపిస్తాయి. దీని ద్వారా ఆ మెరుపు అనేది త్వరగా మాయమైపోతుంది. దీంతో కారు కూడా చాలా పాతదిగా కనిపించడం ప్రారంభమవుతుంది. అందుకే ఈ బాడీ ప్యానెల్స్‌పై వాహనదారులు ప్రత్యేక దృష్టి సారించాలని ఆటో నిపుణులు చెబుతున్నారు.

హీట్ గన్ లేదా టార్చ్‌తో ప్లాస్టిక్‌ను వేడి చేయడం: బ్లాక్‌ ప్లాస్టిక్‌ బాడీ ప్యానెల్స్‌ను కొత్తగా కనిపించేలా చేయడానికి కొంతమంది మెకానిక్‌లు వాడిపోయిన మరియు పాతగా కనిపించే బ్లాక్ బాడీ ప్యానెల్‌ను వేడి చేస్తారు. దీని ద్వారా ప్లాస్టిక్ వేడెక్కుతుంది. తద్వారా దానిపై దుమ్ము బయటకు వస్తుంది. అదేవిధంగా కొంతమంది బ్లాక్ ప్లాస్టిక్ ప్యానెల్స్‌ను హీట్ గన్ లేదా టార్చ్‌తో వేడి చేస్తారు.

అయితే దీన్ని చేసేటప్పుడు కొంచెం ఎక్కువ శ్రద్ధ అవసరమని గుర్తుంచుకోవాలి. ఎందుకంటే మీరు చాలా కాలం పాటు అదే పార్ట్‌ను వేడి చేయడంలో అజాగ్రత్త వహిస్తే.. బాడీ ప్యానెల్‌ దెబ్బతినే ప్రమాదం ఉంది. కాబట్టి ముందస్తు అనుభవం లేకుండా ఇలాంటి చర్యలకు పాల్పడకూడదు.

బాడీ ప్యానెల్ రీ-స్టోరర్ (Trim Restorer): పాత బ్లాక్ బాడీ ప్యానెల్‌ను కొత్త స్థితికి పునరుద్ధరించడానికి ఇది బెస్ట్‌ ఛాయిస్‌. దీని ద్వారా ఎక్కువ కాలం పాటు సురక్షితంగా ఉంటుంది. ఇందుకు కావాల్సిన కెమికల్‌ మార్కెట్‌లో అందుబాటులో ఉంటాయి. దీన్ని మీరు ఇంటి దగ్గరే చేసుకోవచ్చు.

పైన చెప్పిన వాటితో పాటు మరికొన్ని చిట్కాలు కూడా ఉన్నాయి. బ్లాక్ ప్లాస్టిక్ ప్యానెల్‌ను శాశ్వతంగా పునరుద్ధరించాలనుకుంటే.. ప్లాస్టిక్ ట్రిమ్‌లను మొదట శుభ్రంగా కడగాలి. దీని కోసం ఆల్కహాల్ ఉపయోగించవచ్చు. ఐసోప్రొపైల్ ఆల్కహాల్ ద్వారా మంచి ఫలితాలు కనిపిస్తాయి. ఇలా చేసిన తర్వాత మైక్రోఫైబర్ క్లాత్‌తో ప్యానెళ్లను పూర్తిగా తుడవాల్సి ఉంటుంది.

ఇలా చేయడం ద్వారా బ్లాక్ ప్యానెల్ కొత్తగా కనిపిస్తుంది. తరువాత, రెనోవేట్‌ పూత మొత్తాన్ని బ్లాక్ ప్యానెల్‌పై వర్తింపజేయాల్సి ఉంటుంది. ఈ అదనపు పూతను పొడి గుడ్డతో శుభ్రం చేయాలి. ఇది ఎండిపోయి సమస్యగా మారకుండా ఉంటుంది. తర్వాత 6 గంటలు ఆరనివ్వాలి. ఇలా చేయడం వల్ల షోరూమ్ నుంచి కొనుగోలు చేసుకున్న కొత్త కారులా కనిపిస్తుంది.

అదేవిధంగా, సబ్బు మరియు నీటితో కడగడానికి ముందు కారు యొక్క ప్లాస్టిక్ ప్యానెల్‌ను కవర్‌ చేయాల్సి ఉంటుంది. ఇలా చేసిన తర్వాత, బ్లాక్ ప్యానెళ్లను బాగా కడగాలి. ఇలా చేయడం వల్ల కారు పెయింట్‌కు అనవసరమైన నష్టం జరగకుండా ఉంటుంది. పైన చెప్పిన చిట్కాలు పాటిస్తూ మీ కారును నిత్యం కొత్తగా ఉంచుకోండి.

డ్రైవ్‌స్పార్క్ తెలుగు వెబ్‌సైట్ ఆటోమొబైల్‌కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.