ఇండియా బైక్ వీక్ 2015: డ్రైవ్‌స్పార్క్ అడ్వెంచరస్ ట్రిప్

ఉదయం 3.20 నిమిషాల ప్రాంతంలో బెంగుళూరు నుంచి గోవా బయలుదేరాము.

బెంగుళూరు-హుబ్లి హైవేపై వెళ్తూ హుబ్లికి కొంచెం ముందు బన్కాపూర్ వద్ద మలుపు తీసుకున్నాం. బన్కాపూర్ నుంచి యెల్లాపూర్‌కి బయలుదేరాము.

బన్కాపూర్ పోలీస్ స్టేషన్ వద్ద ప్రమాదానికి గురై ఉన్న ఓ బ్లూ కలర్ మినీ కారును చూశాం.

యెల్లాపూర్‌కు కొంచెం ముందుగా ఓ పేరులేని రోడ్డు మీదకు వెళ్లాం. మార్గమధ్యంలో దారితప్పి ఓ అడవిలోకి వెళ్లిపోవటం జరిగింది. అక్కడ జిపిఎస్ కూడా పనిచేయలేదు.

ఆ అడవి గుండా రోడ్లు లేని మార్గంలో కొంత దూరం డ్రైవ్ చేయగా అంబికానగర్ అనే ప్రాంతం చేరుకున్నాం. అప్పటికీ, గోవాకి చేరుకోవాల్సలిన రోడ్డును చేరుకోలేదు.

అలా కొంత దూరం ప్రయాణించాక ఫారెస్ట్ ట్రైనింగ్ సెంటర్‌కు చేరుకున్నాం. అక్కడే తట్టిహల్లి డ్యామ్ ఉంది. అదేంటో చూద్దామని కారు దిగి అక్కడికి వెళ్లాం.

మమ్మల్ని చూసిన సెక్యూరిటీ సిబ్బంది లోపలికి బయటి వారిని అనుమతించడం సాధ్యం కాదని చెప్పాడు. ఆ రోడ్డు వెమ్మటే వెళితే ఓ చిన్న ఐలాండ్ (ద్వీపం) వస్తుందని చెప్పాడు. ఇదిగో ఈ ఫొటో క్యాప్చూర్ చేసింది అక్కడే.

మార్గమధ్యంలో అనేక లారీలు ఇదిగో ఇలా ప్రమాదానికి గురై కనిపించాయి.

మొత్తానికి చిన్న చిన్న అవాంతరాలను దాటుకుంటూ హైవే ఎక్కేశాం. ఇదిగో అక్కడే హ్యార్లీ డేవిడన్ గ్రూప్ రైడర్లు కనిపించారు. కాసేపు వారితో మాటా మంతీ కలిపాం. తిరిగి గోవాకు పయనమయ్యాం.

చివరి సాయంత్రం 3.30 నిమిషాలకు గోవా చేరుకున్నాం. రేపు ఉదయాన్నే గోవాలోని వగతోర్ వద్ద జరగనున్న ఇండియా బైక్ వీక్ కార్యక్రమాన్ని కవర్ చేసేందుకు ఇప్పటి నుంచే సిద్ధమయ్యాం. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ని గమనిస్తూ ఉండండి.