ఆటోపైలట్ మోడ్‌లో స్టంట్ చేసిన ఇండో-అమెరికన్ అరెస్ట్; వివరాలు

అరెస్టయిన పరం శర్మ గతంలో కూడా చాలాసార్లు ఇలాంటి స్టంట్స్ చేసినట్లు తెలిసింది. అతని టెస్లా కారు ఆటోపైలట్ మోడ్‌లో డ్రైవ్ చేస్తున్న అనేక వీడియోలు బయటపడ్డాయి. 25 ఏళ్ల వయసున్న ఈ ఇండో-అమెరికన్ తన విలాసవంతమైన జీవనశైలిని చూపించే ఫోటోలను సోషల్ మీడియాలో పోస్ట్ చేయడం ద్వారా బాగా ప్రాచుర్యం పొందాడు.

నివేదికల ప్రకారం గత వారం అతను తన టెస్లా మోడల్ 3 ను ఆటోపైలట్‌ మోడ్ లో ఉంచి వెనుక సీట్లో కూర్చున్నాడు. ఈ కారణంగా అతన్ని కాలిఫోర్నియా హైవే పోలీసులు అరెస్టు చేసినట్లు నివేదించారు. టెస్లా కారు వెనుక సీట్లో ఒక వ్యక్తి బే ఏరియా రోడ్ వైపు వెళుతున్నట్లు వారు గమనించారని పోలీసులు చెబుతున్నారు.

ఏ ప్రమాదం జరగకముందే జరగకముందే పరం శర్మను అరెస్టు చేసినట్లు పోలీసులు తెలిపారు. పరం శర్మపై నిర్లక్ష్యంగా వాహనం డ్రైవ్ చేయడం మరియు పోలీసు అధికారికి అవిధేయత చూపినందుకు శాంటా రీటాలో రెండు కేసులు నమోదయ్యాయి.

ఈ రెండు కేసులకు సంబంధించి కాలిఫోర్నియా హైవే పోలీసులు పరం శర్మను అరెస్ట్ చేశారు. ఆ కేసులలో, పరం శర్మను అరెస్టు చేసి, తరువాత విడుదల చేశారు. హైవే పోలీసులను ట్రోలింగ్ చేయడం, డ్రైవర్‌లేని కారులో డ్రైవింగ్ చేయడం వంటి వీడియోలను శర్మ తన ఇన్‌స్టాగ్రామ్ ఖాతాలో పోస్ట్ చేశారు.

మరొక వీడియోలో అతను టెస్లా కారు వెనుక సీట్లో కూర్చున్న తన పాయింట్ ఆఫ్ వ్యూ వీడియోను పోస్ట్ చేశాడు. ఈ సమయంలో టెస్లా కారు ఓపెన్ రోడ్డుపై కదులుతోంది. డ్రైవర్‌లేని కారు హిల్స్‌బరోలోని ఇంటర్‌స్టేట్ 280 వైపు వెళుతున్నట్లు కారు ఇన్ఫోటైన్‌మెంట్ సిస్టమ్ తెలిపింది.

ఈ తరహా వీడియోలను పరం శర్మ తన ఇన్‌స్టాగ్రామ్ ఖాతాలో పోస్ట్ చేశారు. హైవే పోలీసులు అతని డ్రైవర్ లెస్ టెస్లా కారులో డ్రైవింగ్ చేస్తున్న స్క్రీన్ షాట్ తీశారు. టెస్లా ఆటోపైలట్ మోడ్ ఇంతకు ముందు చాలాసార్లు దుర్వినియోగం చేయబడింది. ఇటీవల కాలంలో టెస్లా కార్లు ఆటో ఫైలెట్ మోడ్ లో చాలా ప్రమాదాలకు కారణమైనట్లు కూడా కేసులు నమోదయ్యాయి.

Source: Cartoq