పెట్రోల్ పై పగబట్టిన జనాలు.. 57 లక్షల ఈవీలు..కల కాదు, నిజం..త్వరలోనే ఇంటికో ఎలక్ట్రిక్ వెహికల్ ఉంటుదేమో..

భారతదేశంలో ఎలక్ట్రిక్ వాహనాల (ఈవీ) డిమాండ్ రోజురోజుకు పెరుగుతోందని అందరికీ తెలిసిందే. అయితే, ఇప్పటివరకు ఎన్ని వాహనాలు అమ్ముడయ్యాయో మీరు ఎప్పుడైనా ఆలోచించారా? ప్రభుత్వం వద్ద ఉన్న గణాంకాల ప్రకారం, ఈ ఏడాది ఫిబ్రవరి నాటికి భారతదేశంలో 57 లక్షల ఎలక్ట్రిక్ వాహనాలు అమ్ముడయ్యాయి. కాలుష్యాన్ని తగ్గించడంలో, ఎలక్ట్రిక్ వాహనాల అమ్మకాలను పెంచడంలో ప్రభుత్వం విజయం సాధించిందనడానికి ఇదే సాక్ష్యం. 2025 ఆర్థిక సంవత్సరంలో ఎలక్ట్రిక్ ద్విచక్ర వాహనాల అమ్మకాలు 11.49 లక్షల యూనిట్లకు చేరుకున్నాయి.. ఇది గత సంవత్సరం కంటే 21 శాతం ఎక్కువ.

ప్రపంచంలోనే అతిపెద్ద ఎలక్ట్రిక్ వాహనాల తయారీదారుగా, భారీ ఉత్పత్తి, స్వచ్ఛమైన ఇంధన వినియోగంలో దేశాన్ని అగ్రగామిగా మార్చాలని భారత ప్రభుత్వం లక్ష్యంగా పెట్టుకుంది. ఈవీ మార్కెట్‌ను పెంచడానికి, కాలుష్యాన్ని తగ్గించడానికి అనేక చర్యలు తీసుకుంది. వెహికల్ స్క్రాపేజ్ పాలసీ కూడా ఇందులో భాగమేనని చెప్పవచ్చు. పర్యావరణానికి సహాయం చేయడంతో పాటు కొత్త వాహనాల డిమాండ్‌ను పెంచడానికి ఈ పాలసీకి అధిక ప్రాధాన్యత ఇస్తున్నారు.

అయితే, ఢిల్లీలో ఇంధన వాహనాల నిషేధంపై అనేక నిరసనలు, వ్యతిరేకతలు వ్యక్తమైన సందర్భంలో సుప్రీం కోర్టు తీర్పు వచ్చింది. ఈవీల విషయానికి వస్తే, ఎలక్ట్రిక్ వాహనాలకు సంబంధించిన ప్రధాన సమస్యలలో ఒకటి ఛార్జింగ్ ఖర్చు. ఈ ఖర్చును తగ్గించడానికి ఉత్తమ మార్గం ఇంటిలో సోలార్ ఎనర్జీని ఉపయోగించడం. ప్రస్తుతం ప్రభుత్వం మీ ఇంటిపై సోలార్ ప్యానెల్‌లను ఏర్పాటు చేయడానికి సబ్సిడీని కూడా అందిస్తోంది.

మీ ఇంట్లో సోలార్ ప్యానెళ్లు ఉంటే, మీకు కేవలం ఒక హామ్ సోలార్ ఫోటోవోల్టాయిక్ సిస్టమ్, ఎలక్ట్రిక్ కారు బ్యాటరీ కోసం సోలార్ ఛార్జర్ కేబుల్ మాత్రమే సరిపోతుంది. ఒకవేళ మీ ఇంట్లో ఈవీ ఛార్జర్ ఉంటే, దాన్ని పీవీ ఇన్వర్టర్ యూనిట్ ఉపయోగించి మీ సోలార్ ప్యానెల్ సిస్టమ్‌తో అనుసంధానం చేయవచ్చు.

ఎలక్ట్రిక్ కార్లు పూర్తిగా బ్యాటరీలు, ఎలక్ట్రిక్ మోటార్లపై పనిచేస్తాయి. ప్రస్తుతం, ఇవి పర్యావరణానికి అత్యంత అనుకూలమైన ఆప్షన్‌గా పరిగణించబడుతున్నాయి. ఎలక్ట్రిక్ కార్ల నిర్వహణ ఖర్చు కరెంట్ ఛార్జీలు, ఇతర ఛార్జింగ్ ఖర్చులపై ఆధారపడి ఉంటుంది. భారతదేశంలో ఒక యూనిట్ విద్యుత్ సగటు ధర రూ.6 నుండి రూ.8 వరకు ఉంటుంది. ఇది హైబ్రిడ్ కార్లతో పోలిస్తే ఎలక్ట్రిక్ వాహనాల నిర్వహణ ఖర్చును గణనీయంగా తగ్గిస్తుంది.

టేయిల్‌పైప్ ఎమిషన్స్ సున్నా కాబట్టి, ఎలక్ట్రిక్ కార్లు పర్యావరణానికి అత్యుత్తమ ఆప్షన్‌గా పరిగణించబడతాయి. అయినప్పటికీ, విద్యుత్ ఉత్పత్తి బొగ్గు, ఇతర శిలాజ ఇంధనాలపై ఆధారపడి ఉన్నందున, ఎలక్ట్రిక్ వాహనాలు పరోక్షంగా కాలుష్యానికి కారణమవుతాయని కొందరు విమర్శిస్తారు.

ఎలక్ట్రిక్ కార్లను ఛార్జ్ చేయడానికి ఛార్జింగ్ స్టేషన్లు లేదా హోమ్ ఛార్జింగ్ వ్యవస్థ అవసరం. భారతదేశంలో ముఖ్యంగా గ్రామీణ ప్రాంతాల్లో ఛార్జింగ్ మౌలిక సదుపాయాలు చాలా తక్కువగా ఉన్నాయి. ఇది ఈవీ ఛార్జింగ్‌కు ఒక పెద్ద సవాలుగా మారుతుంది. మీ అవసరాలను గుర్తించి ఈవీని ఎంచుకుంటే, మీ జేబుకు ఎటువంటి నష్టం ఉండదనే విషయంలో సందేహం లేదు.