Click it and Unblock the Notifications
సర్వీస్ సెంటర్ నుంచి దొంగలించబడిన టయోటా ఇన్నోవా క్రిస్టా.. ఇంతకీ ఎలా జరిగిందో తెలుసా ?
దేశవ్యాప్తంగా వాహన దొంగతనాలు సర్వసాధారణంగా మారిపోయాయి. ప్రతిరోజూ వందలాది వాహన దొంగతనం కేసులు నమోదవుతున్నాయి. వీటిని నివారించడానికి పోలీసులు వివిధ చర్యలు తీసుకుంటున్నప్పటికీ ఈ దొంగతహనాలను పూర్తిగా నిలువరించలేకపోతున్నారు.
దొంగతనాలను నివారించడానికి పోలీసులు మాత్రమే కాకుండా ఆటో తయారీదారులు కూడా వివిధ కొత్త సాంకేతిక పరిజ్ఞానాన్ని ఏర్పాటు చేస్తున్నారు. ఎన్ని టెక్నాలజీలు ప్రవేశపెట్టినప్పటికీ దొంగలు కూడా హైటెక్ టెక్నాలజీతో దొంగతనాలకు పాల్పడుతున్నారు. ఇది వాహనదాయూకు మాత్రమే కాకుండా పోలీసులకు కూడా తలనొప్పిగా మారింది. వాహనదారులు కొత్త వ్యూహాలను అనుసరిస్తున్నందున దొంగిలించబడిన వాహనాలను గుర్తించడం కూడా మరింత కష్టమవుతోంది.
అనేక ప్రభుత్వ కార్యాలయాలు మరియు ప్రైవేట్ సంస్థలలో సిసిటివి కెమెరాలు ఏర్పాటు చేయబడ్డాయి. దీనివల్ల పోలీసులకు దొంగలను గుర్తుపట్టడం సులభతరం అవుతుంది.
టయోటా ఇన్నోవా క్రిస్టా ఇటీవల ఆవిష్కరించబడింది. ఈ సంఘటనలో కారు యజమాని తన దొంగిలించిన కారును వెంబడించి పోలీసులకు నివేదించి కారును స్వాధీనం చేసుకున్నాడు.
కేరళలోని వయనాడ్లో ఈ సంఘటన జరిగిందని ఆసియానెట్ మలయాళ న్యూస్ తెలిపింది. ఈ క్రిస్టా కారు సర్వీస్ కోసం టయోటా డీలర్షిప్లో ఉంచబడింది. సర్వీస్ సెంటర్ లో కారు యజమాని మాట్లాడుతుండగా తెలియని వ్యక్తి వచ్చి కారును తీసుకెళ్లిపోయారు.
అపరిచిత వ్యక్తి కారులో కూర్చుని కారు నడపడం ద్వారా తప్పించుకోగలిగాడు. కారు ఓనర్ ఆఫీసు లోపల నుండి వీటిని గమనించి, హ్యుందాయ్ క్రెటా ద్వారా దొంగను వెంబడిస్తాడు. కానీ కారు ఓనర్ దగ్గర నుంచి దొంగ తప్పించుకోగలిగాడు.
సమాచారం అందుకున్న పోలీసులు కారును వెంబడించి కారును స్వాధీనం చేసుకున్నారు. ఈ సంఘటనలన్నీ ఆయా ప్రాంతాల్లోని సిసిటివి కెమెరాల్లో రికార్డ్ చేయబడ్డాయి.
సాధారణంగా సర్వీస్ సెంటర్ లో కారు లేదా టూ వీలర్ సర్వీస్ కి తీసుకువచ్చినప్పుడు, గేట్ పాస్ ఉంటేనే బయటకి వెళ్ళడానికి అనుమతిస్తారు. అయితే, దొంగ కారును సర్వీస్ సెంటర్ నుంచి ఎలా బయటకు తీశాడో తెలియదు. దొంగిలించబడిన వాహనాలను అనుసరించకపోతే వాటిని గుర్తించడం కష్టం.
దొంగిలించబడిన వాహనాలను గుర్తించడానికి జిపిఎస్ మరియు నావిగేషన్ వంటి ట్రాకింగ్ పరికరాలను విక్రయిస్తున్నారు. ఈ ఫీచర్ ఇప్పుడు అమ్మకానికి ఉన్న చాలా వాహనాల్లో అమలు చేయబడుతోంది.
కానీ ఈ ఫీచర్ ఖరీదైన లగ్జరీ కార్లలో మాత్రమే లభిస్తుంది. సరసమైన ధరలకు వాహనాలను విక్రయించే ఆటోమేకర్ కంపెనీలు ఈ ఫీచర్స్ అందించవు. కానీ ఈ ఫీచర్ మార్కెట్లో కొనుగోలు చేసి అదనంగా ఉపయోగించవచ్చు. ఈ విధంగా చేసినప్పుడు వాహనాలు దొంగతనానికి గురైప్పటికీ నావిగేషన్ మరియు ట్రాకింగ్ ద్వారా త్వరగా దొంగలను పట్టుకోవడానికి అనుకూలంగా ఉంటుంది.
Continue with Google