సాధారణ వ్యక్తిని ప్రశంసించిన ఆనంద్ మహీంద్రా, ఎందుకో తెలుసా ?

ఇటీవల ఆనంద్ మహీంద్రా సిసిటివి ఇడియట్ ఖాతా ట్విట్టర్‌లో ఒక పోస్ట్ షేర్ చేశారు. ఈ వీడియోలో ఒక వ్యక్తి కొత్త టెక్నాలజీతో చిన్న స్థలంలో కార్ పార్కింగ్ చేయడం చూడవచ్చు. ఆనంద్ మహీంద్రా కొత్త విధానాన్ని ప్రశంసించారు.

మన దేశంలో వాహనాలు పార్కింగ్ చేయడానికి కావలసినంత స్థలం ఉండదు. కానీ ప్రజలు తక్కువ స్థలంలో వాహనాలను పార్క్ చేయడానికి వివిధ మార్గాలను అనుసరిస్తారు. వీడియోలో ఉన్న వ్యక్తి తన ఇంటి ముందు చిన్న స్థలంలో కారును పార్కింగ్ చేయడం మనం ఇక్కడ వీడియోలో చూడవచ్చు.

ఈ వీడియో గురించి ఆనంద్ మహీంద్రా మాట్లాడుతూ, నేను పంజాబ్ లో కొన్ని రోజుల క్రితం ఇలాంటి సంఘటన చూసానన్నారు. ఈ వీడియోలో ఆ వ్యక్తి చేస్తున్న పనికి ఆనంద్ మహీంద్రా అభినందించారు. అంతే కాకుండా దీనిని రూపొందించిన వ్యక్తి మా తయారీ కర్మాగారం రూపకల్పనను మెరుగుపరచడానికి కొత్త ఆలోచనలను ఇవ్వగలడు, అని ఆయన అన్నారు. ఈ వీడియోలోని వ్యక్తి తన ఎరుపు హ్యాచ్‌బ్యాక్‌ను పార్కింగ్ చేయడం మనం ఇక్కడ చూడవచ్చు.

ఆ వ్యక్తి మొదట తన కారును మెటల్ ప్లాట్‌ఫాంపై పార్క్ చేశాడు. ఈ ప్లాట్‌ఫాం స్థలానికి తగినట్లుగా రూపొందించబడింది. కారు ప్లాట్‌ఫాంపై నిలబడిన తరువాత, వ్యక్తి కారు నుండి దిగి ప్లాట్‌ఫాంను నెట్టాడు. దీనివల్ల కారు చిన్న స్థలంలో నిలిచిపోతుంది.

అతిచిన్న స్థలంలో కారును నిలిపిన వ్యక్తి చేసిన పనిని ప్రశంసించిన వ్యక్తులు, చెట్టును కత్తిరించకుండా ఓ వ్యక్తి కార్ పార్కింగ్ చేశాడని చెప్పారు. ఈ వ్యక్తి చర్యకు చాలా మంది అభినందనలు తెలిపారు.

ఆనంద్ మహీంద్రా కొద్ది రోజుల క్రితం బైక్ పార్కింగ్ చిత్రాలను పంచుకున్నారు. ఈ చిత్రంలో, రెండు బైక్‌లను పెద్ద ప్లాస్టిక్ వాటర్ ట్యాంక్ లోపల నిలిపి ఉంచారు. ఇది చూసి ఆనంద్ మహీంద్రా ఆశ్చర్యపోయారు. ఇలాంటి సంఘటనలు భారతదేశంలో చాలానే జరుగుతూ ఉంటాయి. చాలామంది ప్రజలు కొత్త కొత్త టెక్నాలజీ ఉపయోగించి తమ అనుభూతులను తెలుపుకుంటున్నారు.