భారత్‌కు రానున్న ఫోర్డ్ మస్టాంగ్ కారు.. ఇంట్రెస్టింగ్ డిటేల్స్

తొలిసారిగా ఫోర్డ్ మస్టాంగ్‌ను కాన్సెప్ట్ రూపంలో అక్టోబర్ 7, 1962లో న్యూయార్క్‌లో ప్రదర్శనకు ఉంచారు. ఇందులో రెండవ ప్రోటోటైప్‌ను అక్టోబర్ 6, 1963లో వాట్కిన్స్‌లో పరిచయం చేశారు.

ప్రొడక్షన్ వెర్షన్ ఫోర్డ్ మస్టాంగ్ కారును తొలిసారిగా ఏప్రిల్ 17, 1964లో న్యూయార్క్‌లో నిర్వహించిన వరల్డ్ ఫెయిర్‌లో ప్రదర్శించారు.

ఫోర్డ్ మస్టాంగ్ విడుదలైన మొదటి రోజునే (1964లో) 22,000 యూనిట్లు అమ్ముడుపోయాయి. కేవలం రెండేళ్లలో 10 లక్షలకు పైగా మస్టాంగ్ కార్లు అమ్ముడుపోయాయి.

ఫోర్డ్ మస్టాంగ్ కార్లలో ఉపయోగించిన ఇండిపెండెంట్ రియర్ సస్పెన్షన్‌ను 1960వ కాలంలో పెర్ఫార్మెన్స్ వెర్షన్లుగా పరిగణించే వారు.

ఫోర్డ్ మస్టాంగ్ కారు మొదటి విఐఎన్ నెంబర్ - 5F08F100001. ఫోర్డ్ మస్టాంగ్ కారుపై ఉండే గుర్రపు లోగోని డిజైన్ చేసినది ఫిల్ క్లార్క్.

ఫోర్డ్ మస్టాంగ్ ఫాస్ట్‌బ్యాక్ కారును అక్టోబర్ 1, 1964లో ప్రవేశపెట్టారు. తొలి మస్టాంగ్ కోబ్రా కారును డిసెంబర్ 17, 1992లో విడుదల చేశారు.

ఫోర్డ్ మస్టాంగ్ 2-డోర్ కూపే (2 మరియు 2+2 సీటింగ్), హ్యాచ్‌బ్యాక్, ఫాస్ట్‌బ్యాక్ మరియు కన్వర్టిబల్ బాడీ స్టయిల్స్‌లో లభిస్తుంది. స్టాండర్డ్ ఫోర్డ సెడాన్ వేరియంట్ మస్టాంగ్ అస్సలు తయారే కాలేదు.

మస్టాంగ్ కూపే మూడు విభిన్న ఇంజన్ ఆప్షన్లతో (3.7 లీటర్ వి6, 5.0 లీటర్ మస్టాంగ్ జిటి, 5.8 లీటర్ సూపర్‌ఛార్జ్‌డ్ వి8) లభిస్తుంది.