సింపుల్ లైఫ్ అంటే ఇదేనా.. రూ.3.34కోట్లు కారు కొనుగోలు చేసిన పుష్ప విలన్

మలయాళ సినిమా పరిశ్రమలోని నటీనటులకు వాహనాలు అంటే ఎనలేని ప్రేమ ఉంటుంది. వెహికల్ లవర్స్‎లో సీనియర్ హీరో మమ్ముట్టి నుంచి కొత్త యాక్టర్ల వరకు అందరికీ కార్లంటే పిచ్చే. అయితే, వారిలో మాలీవుడ్ ప్రిన్స్ ఫహద్ ఫాసిల్ తనకు ఇష్టమైన వాహనాలన్నింటినీ సొంతం చేసుకుంటున్నారు.

రేంజ్ రోవర్ ఆటోబయోగ్రఫీ, మెర్సిడెస్ బెంజ్ జి-వాగన్ ఎందుకు, ఇటీవల విడుదలైన గోల్ఫ్ జిటిఐని కూడా సొంతం చేసుకున్నారు. కార్ల పిచ్చిలో భార్య నజ్రియా కూడా ఏమాత్రం వెనుకబడి లేరు. ఇప్పుడు నజ్రియా కొత్త సినిమా పూజకు లెగ్జస్ లగ్జరీ ఎంపీవీ LM 350Hలో వచ్చారు.

జపనీస్ వాహన తయారీ సంస్థ లెగ్జస్ GA-K మాడ్యులర్ ప్లాట్‌ఫారమ్ ఆధారంగా రూపొందించబడిన టయోటా లెగ్జస్ LM 350h చూడటానికి చాలా అద్భుతంగా ఉంటుంది. ఈ ఎంపీవీ ప్రధాన డిజైన్ హైలైట్స్‌లో పెద్ద స్పిండిల్ గ్రిల్, షార్ప్-స్టైల్డ్ LED హెడ్‌ల్యాంప్‌లు, వర్టికల్ ఫాగ్ ల్యాంప్‌లు, వెనుక భాగంలో పూర్తి-వెడల్పు LED టెయిల్‌లైట్, బాక్సీ బాడీ స్టైల్ ఉన్నాయి. ఇవన్నీ వాహనానికి ఒక లగ్జరీ లుక్ అందిస్తున్నాయి.

లెగ్జస్ LM 350h ఎంపీవీని అట్రాక్టివ్ గా మార్చే మరో అంశం దాని ఇంటీరియర్. ఇది 4-సీటర్ కాన్ఫిగరేషన్ ఆప్షన్‌తో మార్కెట్‌లోకి వస్తున్న లగ్జరీ మూవర్. ఈ వాహనంలో ఎయిర్‌క్రాఫ్ట్-స్టైల్ రెక్లైనర్ సీట్లు, 23-స్పీకర్ సరౌండ్ సౌండ్ సిస్టమ్, పిల్లో-స్టైల్ హెడ్‌రెస్ట్‌లు, ఒక రిఫ్రిజిరేటర్, 48-ఇంచ్ టెలివిజన్ వంటి అద్భుతమైన సౌకర్యాలు ఉన్నాయి.

వీటితో పాటు, ఫోల్డ్-అవుట్ టేబుల్స్, హీటెడ్ ఆర్మ్‌రెస్ట్‌లు, USB పోర్ట్‌లు, వైర్‌లెస్ ఫోన్ ఛార్జర్‌లు, రీడింగ్ లైట్స్, వానిటీ మిర్రర్‌లు, ఒక అంబరెల్లా హోల్డర్ వంటి సౌకర్యాలు కూడా ఈ లగ్జరీ ఎంపీవీలో భాగం. అడాప్టివ్ సస్పెన్షన్తో వస్తున్నందున, ప్రయాణాలు అత్యంత సౌకర్యవంతంగా ఉంటాయని ప్రత్యేకంగా చెప్పనవసరం లేదు.

లెగ్జస్ LM 350h మోడల్‌లో ప్రయాణికుల శరీర ఉష్ణోగ్రతకు అనుగుణంగా క్యాబిన్ టెంపరేచర్‌ను అడ్జస్ట్ చేసే కొత్త సెన్సార్-బెస్డ్ క్లైమేట్ కంట్రోల్ ఫీచర్ కూడా ఉంది. నోయెస్-రిడక్షన్ టైర్‌లు, యాక్టివ్ నోయెస్ కంట్రోల్, డిజిటల్ రియర్‌వ్యూ మిర్రర్ వంటివి ఉపయోగించి సాఫీగా డ్రైవింగ్ చేసే అనుభవాన్ని అందించడంలో లెగ్జస్ ప్రత్యేక శ్రద్ధ చూపింది.

లెగ్జస్ సేఫ్టీ సిస్టమ్+ 3 ADAS సూట్ కూడా ఈ మల్టీ పర్పస్ వాహనంలో అందించారు. ఇది ప్రయాణికుల సేప్టీని మరింత పెంచుతుంది. LM 350h మోడల్‌కు 2.5 లీటర్ ఫోర్-సిలిండర్ పెట్రోల్ హైబ్రిడ్ ఇంజిన్ శక్తినిస్తుంది. ఇది 246 bhp పవర్, 239 Nm టార్క్‌ను ఉత్పత్తి చేస్తుంది.

eCVT ఆటోమేటిక్ ట్రాన్స్‌మిషన్‌కు జతచేయబడిన ఈ ఇంజిన్‌లో అధిక కెపాసిటీ కోసం నికెల్-మెటల్ హైడ్రైడ్ బ్యాటరీ కూడా పనిచేస్తుంది. ఆల్-వీల్ డ్రైవ్ సిస్టమ్ కూడా కారును నెక్ట్స్ లెవల్‎కు తీసుకెళ్తుంది. మెరుగైన ట్రాక్షన్, కంట్రోల్‌ను అందిస్తుంది.

ఫహద్ ఫాసిల్ గ్యారేజ్‌లో లగ్జరీ వాహనాల పెద్ద కలెక్షనే ఉంది. లంబోర్ఘిని ఉరుస్, పోర్షే 911 కరేరా ఎస్, టయోటా వెల్‌ఫైర్, ల్యాండ్ రోవర్ డిఫెండర్, బీఎండబ్ల్యూ 7 సిరీస్, రేంజ్ రోవర్ వోగ్, మినీ కంట్రీమ్యాన్, జి-వాగన్, గోల్ఫ్ జిటిఐ, మెర్సిడెస్ బెంజ్ GLS 450, ఈ కార్లన్నీ ఫహద్ ఫాసిల్ కు కార్లంటే ఎంత ఇష్టమో తెలియజేస్తున్నాయి.