సీట్ బెల్ట్ పెట్టుకుని ఉంటే జస్పాల్ బ్రతికి ఉండేవాడు: వైద్యులు

నవ్వుల రేడు 'కింగ్ ఆఫ్ సెటైర్' జస్పాల్ భట్టీ ఇటీవలే రోడ్డు ప్రమాదంలో మరణించిన సంగతి తెలిసిందే. తనదైన శైలిలో ప్రజలకు వినోదాన్ని అందిస్తూ.. భారతీయుస గుండెల్లో సుస్థిర స్థానాన్ని దక్కించుకున్న జస్పాల్ మరణానికి నిర్లక్ష్యం కూడా ఓ కారణం అని చెప్పవచ్చు. జస్పాల్ భట్టీ ప్రయాణిస్తున్న హోండా అకార్డ్ కారు మితిమీరిన వేగంతో వెళ్తూ రోడ్డుకు పక్కగా ఉన్న చెట్టును ఢీకొనడంతో ఆయన మరణించిన సంగతి తెలిసిందే.

జస్పాల్ భట్టీ మృత దేహానికి పోస్టుమార్టం నిర్వహించిన జలంధర్ సివిల్ హాస్పిటల్ డాక్టర్లు తెలిపిన దాని ప్రకారం, వెనుక సీటులో ప్రయాణిస్తున్న జస్పాల్ భట్టీ సీట్ బెల్ట్ ధరించి ఉండి ఉంటే ప్రమాధ తీవ్రత తక్కువగా ఉండి ఆయన బ్రతికి ఉండే అవకాశం ఉండేదని వారు వ్యాఖ్యానించారు. అదృష్టవశాత్తు సీట్ బెల్ట్ ధరించడం కారణంగా ఫ్రంట్ సీట్‌లో ప్రయాణిస్తున్న ప్రయాణికులు సురక్షితంగా బయపడ్డారని వారు తెలిపారు. ఈ ప్రమాదంలో జస్పాల్ తలకు బలమైన గాయం తగలటం వలన పుర్రె ఎముకులు విరిగి, రక్తం గడ్డ కట్టి మరణించినట్లు మెడికల్ ఆఫీసర్ డా. సంజ్ ఖన్నా తెలిపారు.

జస్పాల్ భట్టీ ఫైల్ ఫోటో

ప్రమాదానికి గురైన జస్పాల్ భట్టీ కారు

హోండా అకార్డ్ కారులో వెనుక సీటులు కూర్చునే ముగ్గురు ప్రయాణికుల కోసం ఏర్పాటు చేసిన సీట్ బెల్ట్స్.

అమల్లో ఉన్న నిబంధనల ప్రకారం కారులో ప్రయాణిస్తున్న ప్రయాణికులంతా సీట్ బెల్టులను ధరించడం తప్పనిసరి.

జస్పాల్ భట్టీ హోండా అకార్డ్ కారు

అత్యవర సమయాల్లో సీట్ బెల్ట్ రక్షణ కవచంలా ప్రయాణికులను రక్షిస్తుంది. దీనిని విస్మరిస్తే ఇదే ప్రయాణికుల పాలిట యమపాశంగా మారుతుంది. జస్పాల్ భట్టీ విషయంలో కూడా ఇదే జరిగింది. కాబట్టి ఇప్పటికైనా మేల్కొని సీట్ బెల్ట్ ప్రాధాన్యతను గుర్తుంచుకోండి. వాహనంలో ప్రయాణిస్తున్నప్పుడు సీట్ బెల్ట్‌ను ధరించటం మర్చిపోకండి..!