ఈబేలో రూ. 30 లక్షల ధర పలికిన కేట్ మిడిల్టన్ కారు!

Published: Monday, July 25, 2011, 13:19 [IST]

బ్రిటీష్ యువరాజు విలియమ్స్ అర్థాంగి యువరాణి కేట్ మిడిల్టన్ గతంలో ఉపయోగించిన ఫోక్స్‌వ్యాగన్ గోల్ఫ్ కారుకు ఈబే నిర్వహించిన వేలంలో 48,100 యూరోల (సుమారు రూ. 30,72,018.9) వెల పలికింది. 10,818 యూరో (సుమారు రూ. 6,90,916.8)లను చెల్లించి కేట్ మిడిల్టన్ 2001వ సంవత్సరంలో ఈ బ్లూ కలర్ కారును కొనుగోలు చేశారు.

మూడు డోర్లు కలిగిన ఫోక్స్‌వ్యాగన్ గోల్ఫ్ కారు 1,390 సీసీ పెట్రోల్ ఇంజన్‌, మ్యాన్యువల్ ట్రాన్సిమిషన్ సిస్టమ్‌తో తయారైన ఈ కారు మొడల్ ఇయర్ 2001. ఈ కారును నవంబర్ 27, 2001వ తేదీన కేథరీన్ మిడిల్టన్ పేరుపై రిజిస్టర్ చేయించారు. ఈ కారును వేలం వేసే నాటికి ఇది 62,000 కిలోమీటర్ల దూరం ప్రయాణించి ఉంది. ఈ కారుకు మొత్తం 23 బిడ్‌లు వచ్చాయి.