వేలానికి కోట మహారాజు రోల్స్ రాయిస్ 'టైగర్ కార్'!!

రాజస్థాన్‌లోని అడవులు, కొండలు వంటి ప్రాంతాల్లో రాజు వేటకు వెళ్లేందుకు వీలుగా పొడవైన టైర్లతో ఈ కారును రూపొందించారు. ఎలాంటి యంత్రాలు ఉపయోగించకుండా ఈ కారును పూర్తిగా చేతుల్తో రూపొందించారు. ఇంకా, ఈ కారులో ఏ వైపుకు కావాలంటే ఆ వైపుకు తిరిగేలా అమర్చబడిన శక్తివంతమైన ఇత్తడి సెర్చ్‌లైట్లు ప్రధాన ఆకర్షణ. 1925వ సంవత్సరానికి చెందిన ఈ రోల్స్ రాయిస్ కారును టోర్పెడ్ టూరెర్ లేదా "టైగర్ కార్" అని పిలుస్తారు.

ప్రపంచంలోనే అత్యంత పురాతనమైన మరియు అతిపెద్దదైన వేలం కంపెనీ బోన్‌హామ్ ప్రకారం.. ఈ కారు వేలంలో 7.5 లక్షల అమెరికన్ డాలర్ల నుంచి 10 లక్షల అమెరికన్ డాలర్ల వరకూ వెల పలుకవచ్చని అంచనా. ఈ కారు వేలం ఆగస్టు 18-19 తేదీలలో కాలిఫోర్నియాలో జరగనుంది. టైగర్ కారు 8-లీటర్, 6-సిలిండర్ ఇంజన్‌తో డ్యూయెల్ స్పార్క్ ఇగ్నిషన్ సిస్టమ్‌ను కలిగి ఉంటుంది. రెండవ ఉమీద్ సింగ్ (సాహిబ్ బహుదూర్ సింగ్ అనే పేరు కూడా ఉంది) కోటను 1889 నుండి 1940వ సంవత్సరం వరకూ పరిపాలించాడు. పులులు, సింహాలు వంటి క్రూర మృగాలను వేటాడటానికి రెండవ ఉమీద్ సింగ్ రాజు ఈ టైగర్ కారును ఉపయోగించేవారు.