అర్ధరాత్రి స్విగ్గీ డెలివరీ బాయ్‌కి కెటిఎమ్ బైక్ ఇచ్చిన వ్యక్తి, ఎందుకో తెలుసా?

ఇటీవల ఒక స్విగ్గి డెలివరీ బాయ్ యొక్క బైక్ రాత్రిపూట పంక్చర్ అయ్యింది. ఫుడ్ ఆర్డర్ చేసిన వినియోగదారునికి ఏవిధంగా సమయానికి ఫుడ్ అందించాలో తనకి అర్థం కాకుండా పోయింది. ఇదే సమయంలో దారిలో ఉన్న ఒక వ్యక్తి తమ కెటిఎమ్ ఆర్‌సి 390 బైక్‌ను అతనికి ఇచ్చారు.

ఈ సంఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ వీడియో సోషల్ మీడియాలో చాలామంది దృష్టిని ఆకర్షిస్తోంది. ఈ సంఘటన రాత్రి 11 గంటల సమయంలో జరిగింది. ఈ వీడియోను ఎన్‌సిఆర్ బైకర్స్ అనే యూట్యూబ్ ఛానెల్‌లో పోస్ట్ చేశారు.

కెటిఎం బైక్ నడుపుతున్న వ్యక్తి, రోడ్డుపై స్విగ్గి డెలివరీ బాయ్ బైక్ పంక్షర్ అయి ముందుకు నెట్టుకుంటూ వెళ్తున్నాడు. ఆ సమయమ్లో అక్కడకు వచ్చిన కెటిఎమ్ బైక్ ఓనర్ ఏమైనదని అడిగాడు, అప్పుడు తన బైక్ పంక్షర్ అయినదని అందుకే తానూ బైక్ నెట్టుకుంటూ వెళ్తున్నానని చెప్పాడు.

ఇది విన్న కెటిఎమ్ ఓనర్ తన కెటిఎం బైక్‌ను డెలివరీ బాయ్‌కి ఇచ్చాడు. మొదట్లో స్విగ్గి డెలివరీ బాయ్ కెటిఎం బైక్ పొందడానికి నిరాకరించాడు. తన వల్ల ఎవరినీ ఇబ్బంది కలగకూడదని చెప్పాడు. కానీ కెటిఎం బైక్ యజమాని డెలివరీ అబ్బాయికి తన కెటిఎం బైక్ తీసుకోమని పట్టుబట్టారు.

కెటిఎం బైక్ ఓనర్ మరియు అతని స్నేహితులు డెలివరీ బాయ్ ఆహారాన్ని డెలివరీ ఇవ్వడానికి వెళ్ళినప్పుడు, డెలివరీ బాయ్ యొక్క బైక్‌ను రిపేర్ షాప్ కి తీసుకెళ్లారు. బైక్ రిపేర్ షాప్ లో పంక్చర్ అయిన టైర్ ట్యూబ్‌ను మార్చాలని చెప్పారు. కొత్త ట్యూబ్ వేయమని దానికి కావలసిన అమౌంట్ తానె చెల్లించాడు.

అదే సమయంలో డెలివరీ చేసి అక్కడకు వచ్చిన డెలివరీ బాయ్, తన బైక్ యొక్క ట్యూబ్ రీప్లేస్‌మెంట్ కోసం చెల్లించిన డబ్బు తీసుకోమని చెబుతాడు. అయినా దానికి కెటిఎం బైక్ ఓనర్ నిరాకరించి తనకు డబ్బు అవసరంలేదని చెప్పాడు. దీనికి బదులుగా రోడ్డు మీద అవసరమైన వారికి సహాయం చేయమని డెలివరీ బాయ్‌తో చెప్పాడు.

ఆ విధంగా సహాయం చేయడం వల్ల చాలామందికి ఉపయోగకరంగా ఉంటుందని చెప్పాడు. ఇక్కడ ఉన్న కెటిఎం బైక్ ఓనర్ రహదారిపై నిరుపేదలకు సహాయం చేయడం ఇదే మొదటిసారి కాదు. ఈ కెటిఎం బైక్ యజమాని రహదారిపై సహాయం అవసరమైన చాలామందికి తన వంతు సహాయం అందించారు. అతను తన యూట్యూబ్ ఛానెల్‌లో ఈ విధంగా సహాయం చేసిన అనేక వీడియోలను అప్‌లోడ్ చేశాడు.

Image Courtesy: NCR Bikerz