దొంగలించిన 6 సంవత్సరాల తర్వాత కనుగొనబడిన మాజీ ముఖ్యమంత్రి కారు

ఇటీవల అరుణాచల్ ప్రదేశ్‌లో దొంగిలించబడిన 26 వాహనాలను ఇటానగర్ పోలీసులు స్వాధీనం చేసుకున్నారు. వాటిలో 22 టయోటా ఫార్చ్యూనర్, 2 హ్యుందాయ్ క్రెటా మరియు 2 మారుతి బ్రెజ్జా కార్లు ఉన్నాయి. స్వాధీనం చేసుకున్న కార్లలో బీహార్ మాజీ ముఖ్యమంత్రి లాలూ ప్రసాద్ యాదవ్‌కు చెందిన టయోటా ఫార్చ్యూనర్ కూడా ఉంది.

లాలూ ప్రసాద్ యాదవ్‌కు చెందిన టయోటా ఫార్చ్యూనర్ కారు ఆరేళ్ల క్రితం దొంగిలించబడింది. ఈ టయోటా ఫార్చ్యూనర్ కారు యాదవ్ ఇంటి నుండి దొంగలించబడింది. అప్పుడు హర్యానాలోని గురుగ్రామ్ పోలీస్ స్టేషన్లో ఫిర్యాదు చేశారు.

ఢిల్లీ, హర్యానా, గుజరాత్, పంజాబ్‌లలో ఎక్కువ వాహనాలు దొంగిలించబడ్డాయని పోలీసు అధికారి తెలిపారు. వీటిలో ఐదు వాహనాలు ఇంకా కనుగొనబడలేదు. ఈ కేసులో పన్సాగ్ తమగ్, విక్కీ గురుంగ్లను అరెస్టు చేశారు. ఇద్దరినీ బెయిల్‌పై విడుదల చేశారు. పోలీసుల దర్యాప్తులో నిందితుడు అనేక వాహనాల దొంగతనం గురించి కూడా తెలిపాడు. దొంగిలించబడిన ఈ కార్లలో లాలూ ప్రసాద్ యాదవ్ కారు కూడా కనుగొనబడింది.

స్వాధీనం చేసుకున్న వాహనాల్లో నకిలీ నంబర్ ప్లేట్లు ఉన్నాయి. వీటిలో 5 వాహనాల్లో ఒకే నెంబర్ ప్లేట్ ఉంది. స్వాధీనం చేసుకున్న ఈ వాహనాలన్నింటికీ సుమారు రూ. 9.34 కోట్లు ఖర్చవుతాయి. దొంగలు కార్లకు ఎటువంటి నష్టం కలిగించలేదు. అన్ని కార్లు మంచి స్థితిలో ఉన్నాయి.

సాధారణంగా కార్లు దొంగిలించబడిన తరువాత విడిగా అమ్ముతారు. తద్వారా వాటిని ఎవరూ గుర్తించలేరు. కారు దొంగతనం నివారించడానికి వాహన తయారీ సంస్థలు ఇటీవల కాలంలో అనేక ఫీచర్స్ అందిస్తున్నారు.

కొత్త కార్లలో జీపీఎస్ సిస్టం అంరచడం జరిగింది. ఒకవేళ దొంగతనాలు జరిగినట్లయితే ఈ జిపిఎస్ సిస్టం ద్వారా సులభంగా దొంగలించబడిన కార్లను గుర్తించవచ్చు. ఇది ప్రస్తుతం కాలంలో చాలా అవసరం. ఎందుకంటే దొంగలించిన వాహనాలను సులభంగా గుర్తించవచ్చు.