లంబోర్ఘినితో చేతులు కలిపిన అమెరికన్ సింగర్ లేడీ గాగా ; ఎందుకో తెలుసా ?

వృత్తిపరంగా "లేడీ గాగా" అని పిలబడే "స్టెఫానీ జోవాన్ ఏంజెలీనా" ఒక అమెరికన్ సింగర్. అంతే కాకుండా ఈమె సాంగ్స్ రైటర్, యాక్టర్ మరియు వ్యాపారవేత్త. లేడీ గాగా ఇప్పుడు ప్రముఖ కార్ల తయారీ సంస్థ లంబోర్ఘిని యొక్క ప్రయోజనం కోసం చేతులు కలిపినట్లు సమాచారం. కోవిడ్-19 బాధితులకు సహాయం చేయడానికి లంబోర్ఘిని కంపెనీ మరియు లేడీ గాగా పనిచేసినట్లు చెబుతున్నారు.

దీని ద్వారా కరోనా పీడిత బాధితుల సహాయానికి చాలా అనుకూలంగా ఉంటుంది. కరోనావైరస్ బాధితుల కోసం డబ్బును సేకరించడానికి ప్రత్యేక కార్యక్రమాలను నిర్వహించడానికి ఈమె ఒక కార్యక్రమాన్ని రూపొందించింది. కరోనా వైరస్ వ్యాప్తి ప్రారంభంలో ప్రపంచంలోని దాదాపు అన్ని వాహన తయారీ సంస్థలు వివిధ మార్గాల్లో మద్దతు ఇచ్చాయి.

భారతదేశంలో టాటా గ్రూప్ యొక్క సహకారం నింజంగా చాలా ప్రశంసనీయం. టాటా మోటార్స్‌తో పాటు మహీంద్రా & మహీంద్రా వంటి సంస్థలు కూడా చాలా వరకు ఆర్థిక సహాయం చేశాయి. కరోనావైరస్ బాధితులకు ఆర్థిక సహాయం అందించడానికి లంబోర్ఘిని ఇప్పుడు లేడీ గాగాతో జతకట్టింది. నిధుల సేకరణ ప్రక్రియ ఇప్పటికే ప్రారంభమైంది.

కరోనా బాధితుల సహాయార్థం ఈ పనులు డిసెంబర్ 16 వరకు జరుగుతాయి. గాగా యొక్క ప్రత్యేక కార్యక్రమాలు ఒమాజ్ ప్లాట్‌ఫాం ద్వారా జరుగుతాయి. ఇందులో పాల్గొనడానికి ఎటువంటి ఛార్జీ లేదని చెబుతారు. కానీ కరోనా వైరస్‌తో బాధపడేవారికి సహాయం చేయడానికి డబ్బును సమీకరిస్తున్నారు.

ఆదాయంలో ఎక్కువ భాగం లేడీ గాగా యొక్క బోర్న్ ది వే ఫౌండేషన్‌కు వెళ్తుంది. అంతే కాకుండా లేడీ గాగా టుగెదర్ రైజింగ్ అనే సంస్థకు సహాయం చేయాలనుకుంటున్నారు. బాధితులకు సేవ చేయడానికి ముందుకు వచ్చిన లేడీ గాగాని చాలామంది ప్రశంసిస్తున్నారు.

ఇక్కడ మనం గమనించవలసిన మరొక విషయం ఏమిటంటే ఈ కార్యక్రమంలో పాల్గొన్న వారికి ఆశ్చర్యకరమైన బహుమతి ఇవ్వబడుతుంది. ఇందులో పాల్గొనే వారిలో ఒక అదృష్టవంతులకి 911 ఆల్బమ్‌లో లేడీ గాగా ఉపయోగించిన లంబోర్ఘిని కారు ఇవ్వబడింది.

సింగర్ లేడీ గాగా మరియు లంబోర్ఘిని కంపెనీలకు ప్రపంచవ్యాప్తంగా పెద్ద సంఖ్యలో అభిమానులు ఉన్నారు. ఈ పని కోసం ఇద్దరూ భారీ మొత్తంలో డబ్బును సమీకరించాలని భావిస్తున్నారు. ప్రదర్శన చివరి రోజు డిసెంబర్ 16 న ఫలితాలు ప్రకటించబడతాయి. వీరు చేస్తున్న ఈ పనికి ఇప్పటికే చాలామంది ప్రజల నుండి మద్దతు పెరుగుతుండటం కూడా గమనార్హం.