ఆటోను ఢీకొట్టిన లంబోర్గినీ కారు.. మరమ్మతులకు లక్షల్లోనే ఖర్చు..!

గతంతో పోలిస్తే భారత్‌లో సూపర్‌ కార్ల సంఖ్య బాగా పెరిగింది. ఈ కార్లతో సాధారణ రహదారులపై వేగంగా వెళ్లడం ఎప్పుడూ అత్యంత ప్రమాదకరం. అందువల్ల ప్రత్యేకంగా సెలవు రోజులు, రద్దీ తక్కువగా ఉన్న రోజుల్లోనే ఈ కార్ల ఎక్కువగా రోడ్లపైకి వస్తుంటాయి. సూపర్‌కార్లలో ఒకటైన లంబోర్గినీ ఉరుస్‌ ఇటీవల ప్రమాదానికి గురైంది.

అత్యంత వేగంగా వచ్చిన లంబోర్గినీ ఉరుస్‌ సూపర్‌ కారు అదుపుతప్పి ఓ ఆటోను ఢీకొట్టింది. ప్రమాద సమయంలో ఈ కారును ఓ యువకుడు డ్రైవింగ్‌ చేస్తున్నట్లు సమాచారం. ఈ ఘటన ఢిల్లీలోని చిరాగ్‌ ప్రాంతంలో జరిగింది. లంబోర్గినీ కారును డ్రైవింగ్‌ చేసిన వ్యక్తిని రాజ్‌వీర్‌గా గుర్తించారు.

రాజ్‌వీర్‌ అనే 21 సంవత్సరాల యువకుడు తన స్నేహితుడితో పార్టీ చేసుకొని తిరిగి వస్తుండగా ఢిల్లీ చిరాగ్‌ పైవంతెనపై కారు నియంత్రణ కోల్పోయింది. అక్కడ ఉన్న ఆటోను ఢీకొట్టింది. ఈ ప్రమాదంలో ఆటో డ్రైవర్‌, మరో ప్రయాణికుడు గాయపడ్డారు. ఆటోలో ప్రయాణిస్తున్న వ్యక్తి ఓ ఎయిర్‌లైన్స్‌ సంస్థలో ఇంజనీర్‌గా పనిచేసినట్లు తెలిసింది. ఇంటి నుంచి ఎయిర్‌పోర్ట్‌కు వెళ్తుండగా ఈ ప్రమాదం జరిగింది. గాయపడిన వారిని దగ్గరలోని హాస్పిటల్‌కు తరలించారు.

ఈ ప్రమాదానికి సంబంధించిన ఫోటోలను గమనిస్తే.. ప్రమాద తీవ్రత అర్థం అవుతుంది. లంబోర్గినీ కారు ఎడమవైపు డ్యామేజ్‌ అయింది. కారు ఎడమవైపు ఫెండర్, బంపర్‌, హెడ్‌లైట్లు బాగా దెబ్బతిన్నాయి. లంబోర్గినీ అల్లాయ్‌ వీల్స్‌, టైర్లు కూడా డ్యామేజ్‌ అయ్యాయి. ఆటో వెనుక భాగం, క్యాబిన్ బాగా దెబ్బతింది. ప్రమాదం జరిగిన సమయంలో ఢిల్లీలో వర్షం కురిసినట్లు తెలిసింది. అయితే కారులో ఉన్న ప్రయాణికులు క్షేమంగా బయటపడ్డారు.

కారు కుడివైపున కూడా కొంచెం డ్యామేజ్‌ అయింది. కుడివైపున ఉన్న రెండు డోర్లు కూడా దెబ్బతిన్నాయి. అయితే లంబోర్గినీ కారు డ్రైవర్‌ మద్యం తాగి వాహనం డ్రైవింగ్‌ చేశాడా లేదా అనేది స్పష్టంగా తెలియలేదు. ఈ ఘటనలో కారు డ్రైవర్‌ను పోలీసులు అదుపులోకి తీసుకొని, బెయిల్‌పై విడుదల చేశారు.

లంబోర్గినీ ఉరుస్‌ ఎక్కువ విక్రయాలు జరుగుతున్న కార్లలో ఒకటి. ఈ కారు ప్రారంభ ధర సుమారు రూ.3 కోట్లుగా (ఎక్స్‌షోరూం) ఉంది. ఈ ప్రమాదానికి కారణమైన లంబోర్గినీ కారు రిపేర్‌ చేసేందుకు చాలా ఖర్చు అయ్యే అవకాశం ఉందని ఘటనకు సంబంధించిన ఫోటోలు చూస్తే అర్థం అవుతోంది. సాధారణంగా కూడా ఈ కారు రిపేర్‌, నిర్వహణకు లక్షల రూపాయలు ఖర్చు అయ్యే అవకాశం ఉంది. లంబోర్గినీ ఉరుస్‌ కారుకు ప్రమాద బీమా ఉండవచ్చు.

లంబోర్గినీ ఉరుస్‌ కారు 4.0 లీటర్‌ V8 ట్విన్‌ టర్బోఛార్జడ్‌ పెట్రోల్‌ ఇంజిన్‌ను కలిగి ఉంటుంది. 650PS మరియు 850Nm గరిష్ఠ టార్క్‌ను ఉత్పత్తి చేయనుంది. మరియు ఈ కారు 8- స్పీడ్‌ ఆటోమేటిక్‌ గేర్‌బాక్స్‌ను కలిగి ఉంటుంది. శక్తి అన్ని చక్రాలకు పంపబడుతుంది.

ఎంట్రీ లెవల్‌ లంబోర్గినీ ఉరుస్‌ కారు ప్రారంభ ధర మాత్రమే రూ. 3 కోట్ల వరకు ఉంటుంది. మరింత అత్యాధునిక మోడల్‌, ఫీచర్లు కలిగిన కారు కోసం మరింత వెచ్చించాల్సి ఉంటుంది. కస్టమర్‌కు ఇష్ట ప్రకారం లంబోర్గినీ కారు పెయింట్‌తో అందిస్తారు.