టాటా నానో లాంగ్ ట్రిప్‌‌కి పనికిరాదా..? ఎవరన్నారు ఆ మాట!

తర్వాతి స్లైడ్‌లలో రవి కుమార్ గారి టాటా నానో సౌత్ ఇండియా ట్రిప్ వివరాలను తెలుసుకోండి.

రోడ్ మ్యాప్

రవి కుమార్ ప్రయాణం కర్ణాటక రాజధాని బెంగుళూరు నుంచి ప్రారంభమై తమిళనాడు, కేరళ రాష్ట్రాల గుండా తిరిగి కర్ణాటకకు చేరుకుంది. ఆయన ప్రయాణించిన రూట్ మ్యాప్‌ను ఈ స్లైడ్‌లో చూడొచ్చు. మొత్తం 8 రోజుల పాటు సాగిన ఈ ప్రయాణంలో ఆయన 2000 కిలోమీటర్లకు పైగా దూరాన్ని టాటా నానో కారుతో కవర్ చేశారు. సముద్ర తీర ప్రాంతాలు, ఆలయాల సందర్శన వీరి ట్రిప్‌లో ప్రధాన భాగమయ్యాయి.

ఆలయ సందర్శనలు

రవి కుమార్ తన కుటుంబ సభ్యులతో సాగించిన ఈ ప్రయాణంలో ప్రతి గమ్యస్థానంలో అత్యంత ప్రముఖమైన దేవాలయాలను సందర్శించారు. మార్గ మధ్యంలో తన టాటా నానో కారు ఎక్కడా కూడా ట్రబుల్ ఇవ్వలేదని రవి చెప్పుకొచ్చారు. నిజానికి టాటా నానో ఓ చక్కటి ఫ్యామిలీ కారు అని, సురక్షితంగా నడిపే వారికి ఇదొక మంచి ఆప్షన్ అని ఆయన అభిప్రాయపడ్డారు.

టాటా నానో 2011 మోడల్

రవి కుమార్ తన రోడ్ ట్రిప్ కోసం ఉపయోగించిన టాటా నానో ఎల్ఎక్స్ వేరియంట్ కారును 2011లో కొనుగోలు చేశారు. అప్పట్లో ఇందులో పవర్ స్టీరింగ్ ఆప్షన్ కూడా లేదు. రవి తన రోడ్ ట్రిప్ ప్రారంభించడానికి ముందే ఈ నానో కారు ఓడోమీటర్ రీడింగ్ 27,143 కిలోమీటర్లుగా నమోదై ఉంది. ఈయన సగటును గంటకు 80-110 కి.మీ. వేగంతో డ్రైవ్ చేస్తూ, ఎయిర్ కండిషనింగ్ ఆన్‌లో ఉండి కూడా లీటరుకు 21 కిలోమీటర్ల మైలేజీని తన నానో ద్వారా పొందినట్లు తెలిపారు.

టాటా నానో హైవే పెర్ఫార్మెన్స్

టాటా నానో కారులోని 624సీసీ, ట్విన్-సిలిండర్, ఫ్యూయెల్ ఇంజెక్టెడ్ ఫోర్-సిలిండర్ ఇంజన్, ఇతర కార్లతో పోల్చుకుంటే చిన్నదే అయినప్పటికీ, దీని హైవే పెర్ఫార్మెన్స్ మాత్రం మెరుగ్గా ఉన్నదని, తన ప్రయాణంలో ఇంజన్‌లో ఎలాంటి సమస్యలు తలెత్తలేదని రవి తెలిపారు.

కుటుంబ సభ్యులు

వాస్తవానికి టాటా నానో కారు ఓ 5-సీటర్ కారు. ఇందులో డ్రైవర్‌తో కలిపి నలుగురు ప్రయాణీకులైతే సౌకర్యంగా కూర్చోవచ్చు. పరిమాణంలో నానో చిన్నదిగా కనిపించినప్పటికీ, దీని ఇంటీరియర్ స్పేస్ మాత్రం విశాలంగా ఉంటుంది. ఈ నానో కారులో రవితో పాటుగా ఆయన కుటుంబ సభ్యులు మరో ఐదుగురు కూడా ఉన్నారు. ఇందులో ఇద్దరు చిన్నారు, నలుగురు పెద్దవాళ్లు సౌకర్యంగా కూర్చొని ప్రయాణించినట్లు రవి చెప్పారు.

ఇదివరకటి లాంగ్ ట్రిప్స్

రవి తన నానో కారులో లాంగ్ ట్రిప్ చేయటం ఇదే ప్రథమం కాదు. గతంలో ఆయన కూడా ఇలాంటి కొన్ని లాంగ్ ట్రిప్స్ చేశారు. ఓ ట్రిప్‌లో ధర్మస్థళ, కుక్కే సుబ్రమణ్య, కొల్లూర్, సింగేరి, ఉడిపి, మురుదేశ్వర్ ప్రాంతాలను సందర్శించారు. అలాగే మరో ట్రిప్‌లో మహానంది, శ్రీశైలం, హైదరాబాద్ మీదుగా నానోలో ప్రయాణించారు. ఓసారి కర్ణాటక నుంచి పాండిచ్చేరికి కూడా ఈ నానో కారులోనే వెళ్లారు.

చివిరిమాట

చాలా మంది టాటా నానో కారు కేవలం సిటీకి మాత్రమే సూట్ అవుతుందని, ఇందులో లాంగ్ ట్రిప్స్ చేయలేమని చెబుతుంటారు. అలాంటి వారికి రవి కుమార్ చేసిన లాంగ్ ట్రిప్ ఓ చక్కటి ఉదాహరణగా నిలుస్తుంది. రవి కుమార్ తన తాజా ట్రిప్ ద్వారా టాటా నానో కారు శక్తి సామర్థ్యాలను మరోసారి రుజువు చేశారు. అతొనక సంతృప్తికర టాటా నానో కారు యజమాని.