Just In
- 30 min ago మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- 14 hrs ago వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- 17 hrs ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 19 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
Don't Miss
- Finance IREDA: భారీగా లాభాలను ప్రకటించిన ఐఆర్ఈడీఏ..
- Movies Karthika Deepam 2 April 20th: దీపపై పగతో రగిలిపోతున్న నర్సింహ.. శౌర్యని ఇక్కడే చదివిస్తానంటున్న దశరద్!
- Sports సూపర్ మ్యాన్ జడేజా: గాల్లోకి డైవ్ చేస్తూ ఒంటిచేత్తో క్యాచ్ Video
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
జాతిపిత మహాత్మా గాంధీ ప్రయాణించిన కార్లు
పాఠకులందరికీ ముందుగా స్వాతంత్ర్య దినోత్సవ శుభాకాంక్షలు. భారతదేశానికి స్వాతంత్ర్యం రావడంలో కీలక పాత్ర పోషించిన స్వాతంత్ర్య సమరయోధుల్లో ఒకరైన జాతిపిత మహాత్మా గాంధీ గురించి తెలియని వారుండరు.
భారతదేశానికి స్వాతంత్య్ర రావడంలో కీలక పాత్ర పోషించిన స్వాతంత్య్ర సమరయోధుల్లో ఒకరైన జాతిపిత మహాత్మా గాంధీ గురించి తెలియని వారుండరు.
చేతితో వడికిన వస్త్రాలు ధరించి ఎంతో సాదాసీదాగా గడిపిన జాతిపిత వద్ద ఒక్క సొంత కారు కూడా ఉండేది కాదు. 72వ స్వాతంత్ర్య దినోత్సవ వేడుకలను పురస్కరించుకుని మహాత్మా గాంధీ ఉపయోగించిన కార్ల గురించి ఇవాళ్టి కథనంలో తెలుసుకుందాం రండి...!
మహాత్మా గాంధీ వద్ద అప్పట్లో కారు కొనుగోలు చేసేంత సంపద ఉన్నప్పటికీ, ఆయన ఎన్నడూ వాటిపై వ్యామోహ పడలేదు. అప్పట్లో కారు కలిగి ఉండటం అంటే, పెద్ద హోదాను కలిగి ఉండటంగా భావించే వారు. మహాత్మా గాంధీ ఒక్క కారు కూడా యజమాని కాలేకపోయారంటే ఆశ్చర్యపోవాల్సిన అవసరం లేదు.
గాంధీజీ కారును కొనకపోయినప్పటికీ, కొన్ని సందర్భాల్లో కారులో ప్రయాణించారు. అలా ఆయన ప్రయాణించిన కార్లలో ఒకటి ఈ పురాతన ఫోర్డ్ కారు. మహాత్మా గాంధీ ఈ కారులో ప్రయాణించిన తర్వాత, ప్రపంచ వ్యాప్తంగా ఈ కారుకు మంచి పాపులారిటీ వచ్చింది.
బాపూజీ 1927లో ఉత్తరప్రదేశ్లోని బరేలీ సెంట్రల్ జైలు నుంచి ఈ ఫోర్డ్ టి సిరీస్ కారులో ప్రయాణం చేశాడు. ఆ తర్వాత ఈ కారు ఎన్నో చేతులు మారి ప్రస్తుతం పూనేలోని అబ్బాస్ జండేవాలా వద్దకు చేరింది.
పురాతన కార్లను సేకరించడమంటే అబ్బాస్కు భలే సరదా. అతని వద్ద సుమారు 30 పురాతన కార్లు ఉన్నాయి. పూనేలోని వివిధ పురాతన కార్ల షోరూమ్లలో ఈ కారును ప్రదర్శించటం కూడా జరిగింది.
అప్పట్లో ఈ ఫోర్డ్ టి సిరీస్ కారు అత్యంత ఖరీదైన మరియు ప్రాచుర్యమైన కార్లలో ఒకటి. ఒకరకంగా చెప్పాలంటే ఇప్పుడు మనకు రోల్స్ రాయిస్, ల్యాంబోర్ఘి, ఫెరారి లగ్జరీ కార్లు ఎలాగో అప్పట్లో ఫోర్డ్ టి సిరీస్ అలాగన్నమాట.
బాపూజీ ప్రయాణించిన కార్లలో చెప్పుకోదగిన మరొక కారు రాజ్కోట్ మహారాజుకు చెందిన 'స్టార్ ఆఫ్ ఇండియా' అనే పురాతన రోల్స్ రాయిస్ కారు.
ఈ కారును మహారాజు కోసం ప్రత్యేకంగా తయారు చేయించారు. ఈ రాజ్కోట్ రాజ కుటుంబానికి మహాత్మా గాంధీ తండ్రి కరంచంద్ దివాన్గా పనిచేసేవారు. ఈ కారులో మహాత్మా గాంధీ, ఇంగ్లాండ్ రాణిలు ప్రయాణించారని చెప్పుకుంటారు.
మహాత్మా గాంధీజీకి 1928లో స్థాపించిన కుమార్ టాక్సీస్తో మంచి అనుబంధం ఉందనే చెప్పాలి. 1928లో ఎస్. కృష్ణన్ మరియు కె.బి. కుమరన్లు ఈ కంపెనీను ప్రారంభించారు. ఈ కంపెనీకి బాపూజీ కూడా ఓ కస్టమరే. 1928లో గాంధీజీ 'ఓవర్ల్యాండ్ విప్పెట్' అనే కారులో ప్రయాణించారు.
అప్పట్లో 'ఓవర్ల్యాండ్ విప్పెట్' కారు ధర ఎంతో తెలుసా.. కేవలం 825 రూపాయల 12 అణాలు మాత్రమే. అంతేకాదు అప్పట్లో ఒక లీటర్ పెట్రోల్ ధర 15 పైసలు మాత్రమే. కుమార్ టాక్సీస్కు చెందిన 'ఓవర్ల్యాండ్ విప్పెట్' కారులో గాంధీజీ తొలిసారిగా ప్రయాణిస్తున్నప్పుడు ఆ కారుకు 'జోసెఫ్ మిరాండా' అనే వ్యక్తి డ్రైవర్గా ఉన్నాడట.
గాంధీజీ రెండోసారి కుమార్ టాక్సీస్ వద్దకు వచ్చి కారును అద్దెకు అడిగినప్పుడు ఇది వరకు డ్రైవ్ చేసిన మిరాండానే డ్రైవర్గా కావాలని ఆయన కోరారని మోహన్ దాస్ పేర్కొన్నారు. జవహర్ లాల్ నెహ్రూ, ఇందిరా గాంధీ, మోరాజీ దేశాయ్, జేఆర్డి టాటా, ఏబి వాజ్పేయి, విజయ మాల్య, ప్రిన్స్ ఫిలిప్, క్వీన్ ఎలిజబెత్లు కూడా ఒకప్పుడు ఈ కుమార్ టాక్సీ కంపెనీ కస్టమర్లే. ఇప్పటికీ ఈ సంస్థ కార్యకాలాపాలు నిర్వహిస్తోంది.
జనవరి 30, 1948వ తేదీన గాడ్సే ఘాతుకానికి మన గాంధీ తాత బలయ్యారు. గాడ్సే తుపాకీతో గాంధీజీ కాల్చడంతో హేరామ్ అంటూ ఒక్కసారిగా నేలకు ఒరిగిపోయాడు. గాంధీజీ అంతిమ యాత్రలో లక్షలాది మంది భారతీయులు పాల్గొని ఆయనకు అంతిమ వీడ్కోలు పలికారు.